完整藏文原文 · 德格版页 当前仅加载第 78 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར། །གཤིན་རྗེ་མཆེ་བ་དུ་བའི་མདོག །སྲེག་པའི་བསྐལ་བ་ལྟ་བུ་སྟེ། །ཐམས་ཅད་ཁྱབ་པར་འཁྱམས་འགྱུར་པ། །སྣ་ཚོགས་འོད་ཅན་བསྒོམ་པར་བྱ། །དྲོད་ཀྱི་སྡེ་པའི་ཡི་གེ་ས། །དུ་བ་དང་ནི་རླུང་གི་མདོག །སྙིང་དང་ལག་པ་རྐང་པར་
D370.078.0088a01.01དགོད། །ཁམས་གསུམ་ཡང་ནི་བསྐྲད་འགྱུར་ན། །ས་སྟེང་སྐྱེ་བོ་སྨོས་ཅི་དགོས། །ཐིག་ལེར་བཅས་ཤིང་ཧ་དང་ནི། །བཅས་པ་གང་གི་ལྕེ་སྟེང་དུ། །བསམས་ན་ཕུར་བུ་ལྟ་བུར་འགྱུར། །ཡི་གེ་དགེ་བ་དེ་ཉིད་ནི། །རྟག་ཏུ་ལྕེ་སྟེང་བསམས་ན་ནི། །ལན་ཅིག་བཟླས་
D370.078.0088a02.01པས་ཟིན་འགྱུར་ཏེ། །དེ་ནི་སྙན་དང་གས་མཁན་པོར་འགྱུར། །དེ་ལྟར་ས་དང་ས་མཐའ་ཡི། །ཡི་གེའི་ཆོ་ག་བཤད་པའོ། །འཇིག་རྟེན་གསུམ་པོ་འཇོམས་བྱེད་མ། །འོད་ཟེར་དམར་པོ་གཟི་བརྗིད་ཆེ། །ཉི་མ་བྱེ་བ་ལྟ་བུའི་འོད། །ཅུང་ཟད་སྔོ་བ་འཇིགས་ཆེན་མོ། །མ་
D370.078.0088a03.01ཧེ་དང་ནི་རྟ་དག་ནི། །འཁྲུལ་འཁོར་སྦྱོར་བ་ཀུན་ལ་བསམ། །དེ་ཡིས་ཡི་གེའི་རྒྱལ་པོ་ནི། །གཟི་བརྗིད་ཆེན་པོའི་ཡི་གེ་ཧ། །དེ་ཡི་ལས་ནི་སྣ་ཚོགས་མཆོག །འདོད་པའི་ལས་ནི་བཤད་པར་བྱ། །དེ་ལྟར་བདག་ལུས་རྟག་ཏུ་ནི། །ཡི་གེ་ལྔར་ནི་བསམ་བྱས་ན། །འགྲོ་
D370.078.0088a04.01བ་རྣམས་ཀྱི་བྱ་བ་ནི། །ཚིག་གིས་ཐམས་ཅད་བྱེད་པར་འགྱུར། །ས་སྟེང་ལྷ་དང་ལྷ་མིན་དང་། །མི་དང་བཅས་པ་འབེབས་བྱེད་ཅིང་། །སྒྲུབ་པ་པོ་ནི་དུས་མིན་པར། །འཆི་བ་དག་ནི་འཇོམས་པར་བྱེད། །སྒྲུབ་པོ་ཡིད་ལ་འདོད་བཞིན་དུ། །ནད་རྣམས་ཐམས་ཅད་གནོན་
D370.078.0088a05.01པར་བྱེད། །ངག་ཙམ་གྱིས་ནི་དཔུང་ཚོགས་དང་། །ཆུ་དང་རྒྱ་མཚོ་འཆིང་བ་དང་། །གྲུ་དང་ཁྱོགས་དང་འཁྲུལ་འཁོར་དང་། །རྟ་དང་གླང་པོ་ལ་སོགས་འཆིང་། །ཤིང་ཆེན་ས་ལ་སྒྱེལ་བ་དང་། །སེམས་ཅན་རྣམས་ནི་དབང་དུ་བྱེད། །ལས་ཀྱི་ཆོ་ག་མཐོང་བ་ཡིས། །བྱ་
D370.078.0088a06.01བ་རྣམས་ནི་འདོད་བཞིན་བྱེད། །ཧ་ཞེས་བྱ་བའི་ཡི་གེ་མཆོག །མགོ་དང་བྲལ་ཞིང་ཐིག་ལེས་བརྒྱན། །དེ་ཡི་ལས་རྣམས་མ་ལུས་པ། །ཕན་པ་བཤད་ཀྱིས་མཉན་པར་གྱིས། །ཁྱབ་བྱ་ཁྱབ་བྱེད་སྟོང་པ་སྟེ། །ཀུན་ཏུ་འགྲོ་བ་མི་ཤིགས་པ། །ཤིན་ཏུ་སྟོང་དང་སྟོང་པ་སྟེ། །
D370.078.0088a07.01