完整藏文原文 · 德格版页 当前仅加载第 78 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
ལུགས་ལས་བཟློག་སྟེ་བྲིས་ལ་བཅིངས་ནས་ཉ་ཕོར་གྱི་ནང་དུ་བཅུག་སྟེ། ཤ་ཟའི་ཤིང་གི་རྩ་བའི་རླུང་མཚམས་སུ་སྦས་ན་ནི་བསྐྲད་པར་འགྱུར་ལ་མེ་མཚམས་སུ་བཞག་ན་ནི་ཕན་ཚུན་སྡང་བར་འགྱུར་ལ། བདེན་བྲལ་གྱི་མཚམས་སུ་གསང་སྟེ་སྦས་ན་ནི་གསོད་པར་འགྱུར་
D370.078.0014b01.01རོ། །ཆོ་ག་འདི་ཉིད་ཀྱིས་རྣལ་འབྱོར་པས་གཡུལ་དུ་ཞུགས་ན་དཔུང་བཅིངས་པར་འགྱུར་རོ། །སླར་བཟློག་པ་ལ་ནི་བཏོན་ལ་འོ་མས་བཀྲུ་ཞིང་། སྐྱེས་བུའི་མིང་དང་སྤེལ་བའི་སྔགས་ལུགས་སུ་འབྱུང་བར་བཟླས་སོ། །ལྡོང་རོས་ཀྱིས་རང་གི་ལག་པ་གཡོན་པའི་མཐིལ་ལ་
D370.078.0014b02.01བསྒྲུབ་བྱའི་མིང་བྲིས་ལ་མེ་མར་གྱི་རྩེ་མོ་ལ་བསྲོས་ན་དབང་དུ་འགྱུར་རོ། །མཎྜལ་བྱུགས་ཏེ། ཟན་གྱི་ཆང་བུ་ལ་མིང་སྔགས་བཟླས་ནས་དགོངས་མོ་ཚང་དུ་འགྲོ་ཁ་མའི་བྱ་རོག་ལ་བྱིན་ན་ཡང་བསྐྲད་པར་འགྱུར་རོ། །བསྒེགས་ནས་བསད་པའི་རོའི་ཐག་གུ་བླངས་ལ།
D370.078.0014b03.01དུམ་བུ་གསུམ་དུ་བྱས་ཏེ། རོ་བསྲེགས་པའི་ཤིང་ཕྱེད་ཚིག་པ་བླངས་ལ་སྲུབ་ཤིང་བྱས་ནས། དུར་ཁྲོད་དུ་ཤིང་གི་ཁྲི་འཁྲོག་ཅིང་སྒྲ་དང་བཅས་པ་ལ་འདུག་སྟེ། ཐག་གུ་དེས་སྲུབ་ཤིང་ལ་བཏགས་ནས། རོའི་བུམ་པར་བཅུག་སྟེ། དེས་བསྲུབས་ཤིང་སྔགས་བཟླས་
D370.078.0014b04.01ན་གང་གི་མིང་ནས་བཟུང་སྟེ་བཟླས་པ་དེ་འོང་བར་འགྱུར་རོ། །ཡང་ཐ་མལ་པའི་རྡོའམ། བརྡར་རྡོ་ལ་ཀླུའི་རྒྱལ་པོ་གདེངས་ཀ་གསུམ་དང་ལྡན་པའི་གཟུགས་བྱས་ལ་རྫ་མ་ནག་པོའི་ནང་དུ་བཞག་སྟེ། སྦྲང་རྩི་དང་འབྲས་ཡོས་ཀྱི་བོ་ག་ལིང་དང་། དྲི་དང་། མེ་ཏོག་དང་།
D370.078.0014b05.01བདུག་པ་དང་། མར་མེ་དང་། འོ་ཐུག་ལ་སོགས་པས་མཆོད་ལ་སྣོད་དེ་ཉིད་ཀྱི་ནང་དུ་བཞག་སྟེ། རས་སར་པས་བཀབ་ལ་བཅིངས་ནས་རྒྱ་བཏབ་སྟེ། དེའི་སྟེང་དུ་ལག་པ་བཞག་ལ་སྟོང་རྩ་བརྒྱད་བཟླས་ནས་ཤིན་ཏུ་གསང་སྟེ་གྲོང་ཁྱེར་གྱི་དབུས་སུ་སྦས་ན་ཇི་སྲིད་མ་
D370.078.0014b06.01བཏོན་གྱི་བར་དུ་གྲོང་ཁྱེར་དེ་གནས་པར་འགྱུར་རོ། །གྲོང་ཁྱེར་བ་འབྲོས་པ་རྣམས་དགུག་པར་འདོད་ན་དེ་ཉིད་དུ་མཆོད་ཅིང་དུས་གསུམ་དུ་སྔགས་བཟླས་ན་འོང་བར་འགྱུར་རོ། །གྲོང་ཁྱེར་བ་འབྲོས་པར་རྩོམ་པ་ལ་ནི་བུ་རམ་ལ་བཟླས་ཏེ་བཟའ་བར་བྱིན་ན་མི་འབྲོས་སོ། །
D370.078.0014b07.01