完整藏文原文 · 德格版页 当前仅加载第 78 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་གོས། །རྒྱས་ལ་གོས་སེར་དེ་བཞིན་ཏེ། །དེ་དང་དེར་ནི་བསྒོམ་བྱས་ནས། །ཅི་རིགས་པར་ནི་སྤྲུལ་པར་བྱ། །བུ་མོ་གཞོན་ནུའི་རོ་ཡི་ནི། །གོས་ནི་འབད་དེ་བླངས་ནས་སུ། །ཚེས་བརྒྱད་དང་ནི་བཅུ་བཞི་ལ། །དེ་ཉིད་ལས་བྱུང་སོལ་བ་ཡིས། །སྣ་ཚོགས་རྡོ་རྗེ་ཁ་བཞི་
D370.078.0044b01.01ལ། །སྔགས་དང་སྤེལ་བར་བྲིས་ནས་ནི། །ལན་བདུན་དུ་ནི་བཟླས་ནས་སུ། །གང་གི་ཁྱིམ་དུ་སྦས་གྱུར་པ། །དེ་ནི་གཤིན་རྗེའི་གྲོང་ཁྱེར་དུ། །ཉི་མ་བདུན་གྱིས་འགྲོ་བར་འགྱུར། །དེ་ཡི་རྐང་པའི་རྐང་སྦུབས་དང་། །བུམ་པ་ལ་སོགས་དག་ཀྱང་རུང་། །རུས་པའི་ཕུར་བུའི་སྦུ་
D370.078.0044b02.01གུར་ནི། །འཁྲུལ་འཁོར་འདི་ནི་བཅུག་བྱ་སྟེ། །ཆོ་གའི་སྦྱོར་བ་འདི་ཡིས་ནི། །འཆི་འགྱུར་འདིར་ནི་གདོན་མི་ཟ། །ལས་རྣམས་ཀུན་ལ་སྒྲུབ་པ་པོས། །ཆོ་ག་དང་ནི་ལྡན་པར་བྱ། །རང་གིས་བཟུང་བའི་སྔགས་ཀྱིས་ནི། །བསྐལ་པ་བྱེ་བ་བརྒྱས་མི་འགྲུབ། །ལས་འདི་མཆོག་ཏུ་
D370.078.0044b03.01ཤེས་བྱ་སྟེ། །སྔགས་གཞན་རྒྱས་པས་ཅི་ཞིག་བྱ། །དེ་དག་ཐམས་ཅད་སྤངས་ནས་སུ། །འདི་ཉིད་འབད་དེ་གཟུང་བར་བྱ། །གང་དང་གང་གི་བསམ་གཏན་གྱིས། །སྒྲུབ་པོས་བཟླས་པ་བརྩམ་པར་བྱ། །སྦྱོར་བ་དེ་དང་དེ་དག་གིས། །འདོད་པའི་འབྲས་བུ་འཐོབ་པར་
D370.078.0044b04.01འགྱུར། །ཇི་ལྟར་ནོར་བུ་དག་པ་ནི། །རྫས་གང་ལ་བརྟེན་དེ་གཟུགས་འཛིན། །དེ་བཞིན་རྡོ་རྗེ་མཁའ་འགྲོ་ཡང་། །ཡང་དག་བསམ་གཏན་མཆོག་འཛིན་འགྱུར། །བསམ་པ་གང་དང་གང་གིས་ནི། །མི་རྣམས་ཡིད་ནི་ཡང་དག་སྦྱོར། །དེ་དང་དེ་ཡི་དངོས་འགྱུར་ཏེ། །སྣ་
D370.078.0044b05.01ཚོགས་གཟུགས་ཅན་ནོར་བུ་བཞིན། །དེ་ཉིད་བསྡུས་དང་འདུས་པ་སྟེ། །གཞན་ཡང་སྔོན་དང་ཐ་མ་ཡི། །དེ་ཉིད་སྦྱོར་བའི་ཆོ་ག་ཅན། །བྱ་བའི་རྒྱུད་རྣམས་ཐམས་ཅད་དུ། །ཇི་སྲིད་མེ་ཡིས་འཇིག་གི་བར། །དེ་དེར་འགྲོ་བ་ཉོན་མོངས་འགྱུར། །ཐམས་ཅད་དུ་ནི་སྦས་པ་སྟེ། །
D370.078.0044b06.01བརྩོན་འགྲུས་ཕ་རོལ་འཇོམས་པའོ། །རྡོ་རྗེ་སེམས་དཔའ་མཉམ་ལྡན་པའི། །རྡོ་རྗེ་སློབ་དཔོན་བདག་ཉིད་ཆེ། །མྱུར་དུ་དངོས་གྲུབ་སྐྱེ་འགྱུར་བ། །འཕྲལ་དུ་ཡང་དག་ཡིད་ཆེས་བྱེད། །སྒྲུབ་པོས་ཕྱག་རྒྱའི་སྦྱོར་བ་ཡིས། །ཉོན་མི་མོངས་པར་འགྲུབ་པར་འགྱུར། །དམ་ཚིག་
D370.078.0044b07.01