完整藏文原文 · 德格版页 当前仅加载第 48 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་ཚུལ་ཁྲིམས་ཀྱི་ཕུང་པོ་ཡོངས་སུ་དག་པ་དང་། འཚོ་བ་ཡོངས་སུ་དག་པ་དང་། འགྱོད་པ་མེད་པར་གྱུར་ནས་ལུས་དང་སྲོག་ལ་ཡང་མི་ལྟ་བར་བྱ་བ་ཡིན། ཆོས་ཉན་དུ་འཇུག་པ་ལ་ཡང་སྟོན་པའི་འདུ་ཤེས་སུ་བྱ་བ་ཡིན། དེ་བཞིན་གཤེགས་པའི་སྐུ་ཡང་མངོན་དུ་བྱ་བ་ཡིན། སེར་སྣ་མེད་པར་ཡང་བྱ་
D101.048.0224a01.01བ་ཡིན་ནོ། །བརྟན་པའི་བློ་གྲོས་ཆོས་བཞི་པོ་འདི་དག་ནི་ཏིང་ངེ་འཛིན་དེ་ཐོབ་པར་བྱ་བའི་ཕྱིར་ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ལ་ཕན་འདོགས་པར་གྱུར་པ་ཡིན་ཏེ། བཞི་གང་ཞེ་ན། ལུས་ལ་ལུས་ཀྱི་རྗེས་སུ་བལྟ་བར་བྱའི་ལུས་དང་ལྡན་པའི་རྟོག་པས་བརྟག་པར་མི་བྱ་བ་ཡིན། ཚོར་བ་རྣམས་ལ་
D101.048.0224a02.01ཚོར་བའི་རྗེས་སུ་བལྟ་བར་གནས་པར་བྱའི་ཚོར་བ་དང་ལྡན་པའི་རྟོག་པས་བརྟག་པར་མི་བྱ་བ་ཡིན། སེམས་ལ་སེམས་ཀྱི་རྗེས་སུ་བལྟ་བར་གནས་པར་བྱའི་སེམས་དང་ལྡན་པའི་རྟོག་པས་བརྟག་པར་མི་བྱ་བ་ཡིན། ཆོས་ལ་ཆོས་ཀྱི་རྗེས་སུ་བལྟ་བར་བྱའི་ཆོས་དང་ལྡན་པའི་རྟོག་པས་བརྟག་པར་མི་བྱ་བ་ཡིན་ཏེ།
D101.048.0224a03.01བརྟན་པའི་བློ་གྲོས་ཆོས་བཞི་པོ་དེ་དག་ནི་ཏིང་ངེ་འཛིན་དེ་ཐོབ་པར་བྱ་བའི་ཕྱིར་ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ལ་ཕན་འདོགས་པར་གྱུར་པ་ཡིན་ནོ། །དེ་ལ་འདི་སྐད་ཅེས་བྱ་སྟེ། གང་དག་ང་ཡིས་རྟག་བསྔགས་པ། དྲན་པ་ཉེར་གཞག་རྣམ་སྒོམ་བྱེད། །དགེ་སློང་གི་ནི་སྤྱོད་ཡུལ་ཏེ། །ཏིང་འཛིན་དེ་ལྟར་
D101.048.0224a04.01ཐོབ་པར་འགྱུར། །ལུས་ནི་མི་རྟག་སྒོམ་པར་བྱེད། །ལུས་ལ་ཡང་ནི་གནས་པ་མིན། །མི་གནས་པ་ཡི་སེམས་ཀྱིས་སུ། །ཏིང་འཛིན་དེ་ལྟར་ཐོབ་པར་འགྱུར། །རྫུ་འཕྲུལ་རྐང་བཞི་སོ་སོ་རིག་པ་བཞི། །ཆོས་དེ་བཙལ་བས་ཆོས་ཀྱི་སེར་སྣ་མེད། །ཚུལ་ཁྲིམས་ཕུང་པོར་གནས་ནས་བཤེས་བཟང་བསྟེན། །ཏིང་འཛིན་
D101.048.0224a05.01དེ་བཙལ་སྟོན་པའི་འདུ་ཤེས་སྒོམ། །དེ་ནི་དཀར་པོ་མང་པོའི་རིགས། །དེ་ནི་ཐོས་པའི་འབྱུང་གནས་ཡིན། །དེ་བཞིན་བདུད་ནི་སེལ་བར་བྱེད། །དེ་ལ་རབ་ཏུ་སྦྱོར་བར་བྱ། །དེ་ནི་དེ་ཡི་མིག་གི་མཆོག །ཆོས་ཀྱི་མིག་ནི་བླ་ན་མེད། །ཆོས་བསྟན་པས་ནི་སུ་ལ་ཡང་། །དེ་ལ་སྒྲིབ་པར་འགྱུར་མ་ཡིན། །དེ་ནི་མདོ་སྡེའི་ལུང་
D101.048.0224a06.01ཡིན་ཞིང་། །མང་དུ་ཐོས་པའི་ལུང་ཡང་ཡིན། །དེ་ལས་ང་ཡི་བྱང་ཆུབ་བྱུང་། །དེ་ཕྱིར་དེ་ལ་བསྟེན་པར་བྱ། །གང་དག་ང་ཡིས་སྟོབས་བཅུ་དང་། །སོ་སོ་ཡང་དག་རིག་བཞི་བཤད། །ཀུན་ཀྱང་འདི་ལས་ངེས་པར་བྱུང་། །དེ་ཕྱིར་དེ་ལ་བསྟེན་པར་བྱ། །གང་གིས་ཐོབ་ཅིང་ཅིར་འགྱུར་བའི། །ཏིང་ངེ་འཛིན་ནི་སངས་རྒྱས་
D101.048.0224a07.01