完整藏文原文 · 德格版页 当前仅加载第 48 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
ན། གཟོད་མ་ཉིད་ནས་རིམ་གྱིས་གཞོལ་བར་རབ་ཏུ་གནས་ཤིང་། མཐའ་ཡས་པ་ཉིད་ཀྱིས་རིམ་གྱིས་འབབ་པ་དང་། རིམ་གྱིས་བབ་པར་ཀུན་ནས་གནས་ལ་ཟབ་པ་ཉིད་དུ་རབ་ཏུ་གནས་སོ། །ཤ་ར་དྭ་ཏིའི་བུ་དེ་ལ་རིམ་གྱིས་གཞོལ་བ་ཉིད་ནི་འདི་ཡིན་ཏེ། འདི་
D101.048.0162b01.01ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པའོ། །ཤ་ར་དྭ་ཏིའི་བུ་དེ་ལ། བྱང་
D101.048.0162b02.01ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཟབ་པ་ཉིད་དུ་རིག་པར་བྱའོ། །ཤ་ར་དྭ་ཏིའི་བུ་དེ་ལ་བྱང་ཆུབ་སེམས་དཔའི་སངས་རྒྱས་ཀྱི་ཆོས་ཀྱི་ཐབས་ལ་མཁས་པ་མངོན་པར་སྒྲུབ་པ་ནི་མཐའ་ཡས་པ་ཉིད་དུ་བལྟ་བར་བྱ་སྟེ། གཟོད་མ་ཉིད་ནས། ཡང་དག་
D101.048.0162b03.01པའི་མཐའ་མངོན་དུ་བྱས་པས། མི་གནོན་པར་གྱུར་པ་དང་། སེམས་ཅན་གྲངས་མེད་དཔག་ཏུ་མེད་པ་མི་འཇུག་པར་གྱུར་པ་དང་། ཆོས་དཀོན་མཆོག་འདོད་པ་རྣམས་མི་འཇུག་པར་གྱུར་ན། མི་རུང་ངོ་སྙམ་ནས་རིམ་གྱིས་གཞོལ་ཞིང་། བབ་པར་འཇུག་པ་དེ་ཉིད་
D101.048.0162b04.01ཀྱིས་ཀྱང་། དམིགས་པ་ཐམས་ཅད་སྒྱུར་བར་བྱེད་དོ། །ཤ་ར་དྭ་ཏིའི་བུ་འདི་ལྟ་སྟེ། དཔེར་ན་རྒྱ་མཚོ་ཆེན་པོ་དེ་ཉིད་རབ་ཏུ་གནས་པ་ན། གཟོད་མ་ཉིད་ནས་འགྲོ་བ་ཐམས་ཅད་ཀྱི་རྒྱ་ཉིད་དུ་རབ་ཏུ་གནས་སོ། །ཤ་ར་དྭ་ཏིའི་བུ། དེ་བཞིན་དུ་བྱང་ཆུབ་ཀྱི་སེམས་
D101.048.0162b05.01བསྐྱེད་པ་རབ་ཏུ་གནས་པ་ན། གཟོད་མ་ཉིད་ནས་འགྲོ་བ་ཐམས་ཅད་ཀྱི་རྒྱ་ཉིད་དུ་རབ་ཏུ་གནས་སོ། །ཤ་ར་དྭ་ཏིའི་བུ་འདི་ལྟ་སྟེ། དཔེར་ན་རྒྱ་མཚོ་ཆེན་པོ་དེ་ཉིད་རབ་ཏུ་གནས་པ་ན། གཟོད་མ་ཉིད་ནས་རིན་པོ་ཆེའི་གླིང་རྒྱུན་མི་འཆད་པ་ཉིད་དུ་རབ་ཏུ་གནས་སོ། །ཤ་ར་དྭ་
D101.048.0162b06.01ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་རབ་ཏུ་གནས་པ་ན། གཟོད་མ་ཉིད་ནས་དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། རྫུ་འཕྲུལ་གྱི་རྐང་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། བསམ་
D101.048.0162b07.01