完整藏文原文 · 德格版页 当前仅加载第 48 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་འོད་དེ་དག་གིས་རེག་པའི་སེམས་ཅན་ཇི་སྙེད་པ་དེ་དག་ཐམས་ཅད་ཀྱིས་རང་གི་ལུས་དག་གསེར་གྱི་ལུས་ལྟ་བུར་ཤེས་སོ། །གང་དག་འདོད་ཆགས་ཀྱི་ཡོངས་སུ་གདུང་བས་ཡོངས་སུ་གདུངས་པ་དང་། ཞེ་
D101.048.0013a01.01སྡང་གི་ཡོངས་སུ་གདུང་བས་ཡོངས་སུ་གདུངས་པ་དང་། གཏི་མུག་གི་ཡོངས་སུ་གདུང་བས་ཡོངས་སུ་གདུངས་པ་དེ་དག་ཐམས་ཅད་ཀྱིས་ནི་བདག་ཉིད་འདོད་ཆགས་ཆུང་བ་དང་། ཞེ་སྡང་ཆུང་བ་དང་། གཏི་མུག་ཆུང་བར་མངོན་པར་ཤེས་སོ། །སྟོང་གསུམ་གྱི་སྟོང་ཆེན་པོའི་
D101.048.0013a02.01འཇིག་རྟེན་གྱི་ཁམས་འདི་ན་སེམས་ཅན་དམྱལ་བ་ཇི་སྙེད་ཡོད་པ་དེ་དག་ཏུ་སེམས་ཅན་སྐྱེས་པ་གང་དག་སྡུག་བསྔལ་ཚ་བ་མི་བཟད་པ་འཆི་བའི་མཐར་བྱེད་པའི་ཚོར་བ་ཉམས་སུ་མྱོང་བ་དེ་དག་ཐམས་ཅད་ཀྱིས་ནི་བཅོམ་ལྡན་འདས་ཀྱི་མཐུ་དང་། བྱང་ཆུབ་སེམས་དཔའ་དེའི་སྔོན་གྱི་
D101.048.0013a03.01སྨོན་ལམ་གྱི་མཐུས་བདེ་བ་སྙམ་དུ་ཤེས་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ལས་ཀྱི་སྒྲིབ་པས་བསྒྲིབས་པ་དང་། ཉོན་མོངས་པའི་སྒྲིབ་པས་བསྒྲིབས་པ་དང་། ལས་ཀྱི་རྣམ་པར་སྨིན་པའི་སྒྲིབ་པས་བསྒྲིབས་པར་གྱུར་པའི་སེམས་ཅན་ཇི་སྙེད་
D101.048.0013a04.01ཡོད་པ་དེ་དག་ཐམས་ཅད་ཀྱིས་ཀྱང་བཅོམ་ལྡན་འདས་ཀྱི་མཐུ་དང་། བྱང་ཆུབ་སེམས་དཔའ་དེའི་སྔོན་གྱི་སྨོན་ལམ་གྱིས་སྒྲིབ་པ་དང་བྲལ་བར་གྱུར་ཏོ། །དེའི་ཚེ་སེམས་ཅན་རྣམས་ཀྱི་དགེ་བའི་རྩ་བ་ཆེར་གསལ་བར་བྱ་བའི་ཕྱིར། བཅོམ་ལྡན་འདས་ཀྱིས་སྤུའི་ཁུང་བུ་ཐམས་ཅད་ནས་
D101.048.0013a05.01འོད་ཟེར་དག་ཕྱུང་སྟེ། འོད་ཟེར་དེ་དག་ཀྱང་ཤར་ཕྱོགས་སུ་འཇིག་རྟེན་གྱི་ཁམས་ཚད་མེད་པ་དག་འདས་སོ། །དེ་བཞིན་དུ་ལྷོ་དང་། ནུབ་དང་། བྱང་དང་། སྟེང་དང་། འོག་ཏུ་འཇིག་རྟེན་གྱི་ཁམས་ཚད་མེད་པ་དག་འདས་སོ། །དེ་ནས་བཅོམ་ལྡན་འདས་ཀྱིས་འོད་ཟེར་དེ་དག་
D101.048.0013a06.01ཕྱུང་ནས་གསུང་བསལ་བའི་སྒྲ་མཛད་དོ། །གསུང་བསལ་བའི་སྒྲ་དེས་ཀྱང་འཇིག་རྟེན་གྱི་ཁམས་ཐམས་ཅད་མངོན་པར་གོ་བར་གྱུར་ཏོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་དག་འདས་པ་ན་འཇིག་རྟེན་གྱི་ཁམས་གདུགས་གཅིག་པ་ཞེས་བྱ་བ་དེ་ན། དེ་བཞིན་
D101.048.0013a07.01