完整藏文原文 · 德格版页 当前仅加载第 48 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་མ་ཡིན་པ་ནི་མ་ཡིན་ཏེ། ཤ་ར་དྭ་ཏིའི་བུ་དགེ་འདུན་འཐུན་པར་ཡང་བྱས་པར་འགྱུར་བ་འདི་ནི་སླུ་བ་སྤོང་བར་འགྱུར་གྱི་མི་སླུ་བར་བྱེད་པའི་ཆོས་གསུམ་པ་ཡིན་ནོ། །ཤ་ར་དྭ་ཏིའི་བུ་གཞན་ཡང་ཆོས་ཀྱི་རྣམ་གྲངས་འདི་ལྟ་བུ་དེ་དག་དགེ་སློང་གིས་ལེགས་པར་རབ་ཏུ་བཟུང་
D101.048.0158a01.01ཞིང་། བཟུང་ནས་སྒྲུབ་པ་ལ་གནས་ཏེ། ལུང་ནོད་པ་དང་། ཁ་ཏོན་ལ་མངོན་པར་བརྩོན་པ་ཡིན། ཚུལ་བཞིན་ཡིད་ལ་བྱ་བའི་ཕྱིར་ཡང་མངོན་པར་བརྩོན་པ་ཡིན་ཏེ། ཤ་ར་དྭ་ཏིའི་བུ་སླུ་བར་མི་བྱེད་པའི་ཆོས་བཞི་པོ་དེ་དག་ནི་སླུ་བ་སྤོང་བར་འགྱུར་བ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་
D101.048.0158a02.01སེམས་དཔའ་ངོ་ཚ་ཤེས་པས་ནི་ལས་མངོན་པར་འདུ་མི་བྱེད་པ་ལ་མངོན་པར་བརྩོན་པར་བྱའོ། །ཤ་ར་དྭ་ཏིའི་བུ་བྱང་ཆུབ་སེམས་དཔས་ནི་ལེགས་པར་གོ་ཆ་བགོས་པ་ཉིད་ཀྱིས་མི་འཇིགས་པར་བྱའོ། །ཤ་ར་དྭ་ཏིའི་བུ་བྱང་ཆུབ་སེམས་དཔས་ནི་བརྩོན་འགྲུས་ཆེན་པོ་མི་འདོར་བ་ཉིད་ཀྱིས་
D101.048.0158a03.01མི་དོར་བར་བྱའོ། །ཤ་ར་དྭ་ཏིའི་བུ་གང་གི་ཚེ་བྱང་ཆུབ་སེམས་དཔའ་དམ་པའི་ཆོས་ཡོངས་སུ་འཛིན་པ་དང་། དོན་ཡོངས་སུ་འཛིན་པ་དང་། སྤྱོད་པ་ཡོངས་སུ་འཛིན་པ་དང་། ཡེ་ཤེས་ཡོངས་སུ་འཛིན་པ་ལ་མངོན་པར་བརྩོན་པ་ཡིན་ཞིང་། ངའི་ཉན་ཐོས་དག་ལ་ཡོངས་སུ་འདྲི་བར་
D101.048.0158a04.01བྱེད་པ་དེའི་ཚེ། ཤ་ར་དྭ་ཏིའི་བུ་དེ་བཞིན་གཤེགས་པ་བདེ་བར་གྱུར་ཅིང་བདེ་བའི་མཆོག་དང་ལྡན་ནོ། །དེ་ཅིའི་ཕྱིར་ཞེ་ན། ཤ་ར་དྭ་ཏིའི་བུ་སངས་རྒྱས་ཀྱི་རིགས་དེ་རྒྱུན་མི་འཆད་པར་འགྱུར་བའི་ཕྱིར་རོ། །ཤ་ར་དྭ་ཏིའི་བུ། ཉན་ཐོས་རྣམས་ཀྱིས་ནི་བྱང་ཆུབ་སེམས་དཔའ་
D101.048.0158a05.01སེམས་དཔའ་ཆེན་པོ་དག་རངས་པར་བྱ་བ་ཡིན་ནོ། །ཤ་ར་དྭ་ཏིའི་བུ་ཉན་ཐོས་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལས་དེ་བཞིན་གཤེགས་པའམ། དེ་བཞིན་གཤེགས་པའི་ཆོས་ཉིད་རྗེས་སུ་དྲན་པར་བྱས་ཤིང་ཐོག་མ་མེད་པའི་དུས་
D101.048.0158a06.01ཅན་གྱི་སྡུག་བསྔལ་གྱི་ཕུང་པོ་དེ་ཡང་རྗེས་སུ་དྲན་པར་བྱས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཐ་ན་ཚིག་བཞི་པའི་ཚིགས་སུ་བཅད་པ་གཅིག་ལ་རངས་པར་བྱེད་ལ། རངས་པར་བྱས་ཤིང་ཡང་དག་པར་འཛིན་དུ་བཅུག་ལ། ཡང་དག་པར་གཟེངས་སྟོད་པའི་རིགས་ཀྱི་བུ་
D101.048.0158a07.01