完整藏文原文 · 德格版页 当前仅加载第 48 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་སྤྱན་སྔར་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མཐའ་ཡས་ཁྱུ་མཆོག་བཅོམ་ལྡན་འདས་ལ་གནོད་པ་ཆུང་ངམ། ཉམ་
D101.048.0022a01.01ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ། ཞེས་བསྙུན་གསོལ་ཞིང་། བཅོམ་ལྡན་འདས་ལ་བཅོམ་ལྡན་འདས་ཀྱིས་ལག་པ་ལྟ་བུའི་པད་མ་བསྐུར་བ་ལགས་ན། བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་
D101.048.0022a02.01བཟུང་སྟེ། བྱང་ཆུབ་སེམས་དཔའ་དོན་ཡོད་ཁྱུ་མཆོག་རྣམ་པར་གནོན་ལས་བཞེས་སུ་གསོལ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་དོན་ཡོད་ཁྱུ་མཆོག་རྣམ་པར་གནོན་ལས་ལག་པ་ལྟ་བུའི་པད་མ་དེ་བཞེས་ཏེ། བཞེས་ནས་ཀྱང་བྱང་ཆུབ་
D101.048.0022a03.01སེམས་དཔའ་སེམས་དཔའ་ཆེན་པོ་དོན་ཡོད་ཁྱུ་མཆོག་རྣམ་པར་གནོན་ལ་བཀའ་སྩལ་པ། དོན་ཡོད་ཁྱུ་མཆོག་རྣམ་པར་གནོན་ཅི་བཅོམ་ལྡན་འདས་དེ་བཞིན་གཤེགས་པ་རིན་ཆེན་མཐའ་ཡས་ཁྱུ་མཆོག་གནོད་པ་ཆུང་ངམ། ཉམ་ང་བ་ཉུང་ངམ། འགྱུར་བ་
D101.048.0022a04.01མི་མངའ་འམ། གསོལ་པ། བཅོམ་ལྡན་འདས་དེ་བཞིན་གཤེགས་པ་རིན་ཆེན་མཐའ་ཡས་ཁྱུ་མཆོག་དེ་གནོད་པ་ཆུང་ཞིང་སྟོབས་དང་ལྡན་ལ་འགྱུར་བ་མི་མངའ་སྟེ། སངས་རྒྱས་ཀྱི་ཞིང་དེ་ན་བདེ་བར་རེག་པ་ལ་གནས་ལགས་སོ། །དེ་ནས་བཅོམ་ལྡན་འདས་
D101.048.0022a05.01ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་ལ་ལག་པ་ལྟ་བུའི་པད་མ་དེ་བྱིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པས་ལག་པ་ལྟ་བུའི་པད་མ་དེ་བླངས་ནས་ཚིག་གསོལ་པ། བཅོམ་ལྡན་འདས་དགེ་བའི་རྩ་བ་འདིས་རིགས་ཀྱི་
D101.048.0022a06.01བུ་དང་། རིགས་ཀྱི་བུ་མོ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པ་དེ་དག་གི་སངས་རྒྱས་ཀྱི་ཞིང་ཡོངས་སུ་དག་པར་གྱུར་ཅིག །སེམས་ཅན་ཡོངས་སུ་སྨིན་པར་གྱུར་ཅིག །དེ་ཅིའི་སླད་དུ་ཞེ་ན། བཅོམ་ལྡན་འདས་སེམས་ཅན་
D101.048.0022a07.01