完整藏文原文 · 德格版页 当前仅加载第 48 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡང་བཤད་པར་གསོལ། ཆོས་མཆོག་དེ་དག་གང་ཞིག་ལགས། །དེ་དག་འཇུག་པ་ཇི་ལྟ་བུ། །དེ་དག་སྒོ་ཡང་ཅི་འདྲ་ལགས། །འདྲེན་པ་དེ་བཞིན་བཤད་པར་གསོལ། །ཆོས་ལ་ཞུགས་ནས་ཇི་ལྟ་བུར། །བྱང་ཆུབ་འབྱུང་བར་འགྱུར་བ་ལགས། །ཇི་ལྟར་ཆོས་ནི་བསྟན་པ་ནས། །
D101.048.0213b01.01སྤོབས་པ་ཆད་པར་མི་འགྱུར་ལགས། །ཆོས་དེ་དག་ནི་ག་ལས་མཆིས། །དེ་དག་གང་དུ་གནས་པ་ལགས། །དེ་དག་ཇི་ལྟར་མི་རྨོངས་ཤིང་། །ཆོས་རྣམས་ལ་ནི་དྲན་པ་འཇུག །ཅི་ནས་དེ་དག་ཞུགས་འགྱུར་བའི། །འཇུག་པའི་མཚན་ཉིད་བཤད་དུ་གསོལ། །ཞུགས་པ་རྣམས་ཀྱི་
D101.048.0213b02.01ཆོས་གང་དག །མངོན་དུ་འགྱུར་བ་བཤད་པར་གསོལ། །དེ་དག་ཇི་ལྟར་མི་རྨོངས་ཤིང་། །ཆོས་ལ་དྲན་འབྱུང་འདྲེན་པ་པོ། །བསྐལ་པ་གྲངས་ནི་མ་མཆིས་པར། །སྤོབས་པ་ཆད་པར་མི་འགྱུར་ལགས། །དེ་དག་དམིགས་པ་ཅི་འདྲ་ཞིག །རྟེན་ཀྱང་ཇི་འདྲ་བ་ཞིག་ལགས། །གང་གིས་སྨྲ་
D101.048.0213b03.01བ་དེ་དག་གི། །མཐར་འགྱུར་མ་མཆིས་འདྲེན་པ་པོ། །ཇི་ལྟར་སྔོན་ཆད་དེ་དག་གིས། །སྦྱིན་པ་སྩལ་ནས་ཞི་བར་བསྔོས། །གང་གིས་གཟི་བརྗིད་ལྡན་རྣམས་ཀྱི། །སྤོབས་པ་སྐྱེ་དང་མཇལ་བར་འགྱུར། །ཇི་ལྟ་བུར་ནི་ཚུལ་ཁྲིམས་བསྲུངས། །ཇི་ལྟ་བུར་ནི་ཚུལ་ཁྲིམས་བསྟེན། །ཇི་ལྟ་
D101.048.0213b04.01བུར་ནི་ཚུལ་ཁྲིམས་བསྔོས། །གང་དེ་ཁྲིམས་ཀྱིས་མ་སོང་ལགས། །ཇི་ལྟ་བུར་ན་བཟོད་པ་བསྒོམས། །ཇི་ལྟ་བུར་ན་བཟོད་པ་བསྟེན། །གང་གིས་དེ་དག་མ་སྐྱེས་མཐའ། །བླ་ན་མ་མཆིས་རྗེས་སུ་ཐོབ། །ཇི་ལྟ་བུར་ན་བརྩོན་འགྲུས་བརྩམས། །ཇི་ལྟ་བུར་ན་བརྩོན་འགྲུས་བསྟེན། །གང་
D101.048.0213b05.01གིས་སངས་རྒྱས་བྱང་ཆུབ་དང་། །བྲལ་བར་མ་གྱུར་འདྲེན་པ་པོ། །ཇི་ལྟ་བུར་ན་བསམ་གཏན་བསྐྱེད། །ཇི་ལྟ་བུར་ན་བསམ་གཏན་བསྟེན། །ཆོས་གང་ལ་ནི་བསམ་གཏན་བགྱིད། །གང་གིས་སྤོབས་པ་བསྐྱེད་པ་ལགས། །ཇི་ལྟར་དེ་དག་ཤེས་རབ་བསྒོམས། །ཇི་ལྟ་བུར་ན་ཤེས་རབ་བསྟེན། །ཇི་
D101.048.0213b06.01ལྟར་དེ་དག་ཡེ་ཤེས་འཇུག །ཇི་ལྟར་སྤོབས་པ་ཆད་མི་འགྱུར། །བླ་མེད་ཚུལ་ལ་གནས་པ་ལགས། །ཡང་དག་ཆོས་རྣམས་སྟོན་པ་ལགས། །ཟབ་ཅིང་ཞི་བ་སྟོང་པ་ཡི། །བྱང་ཆུབ་དེ་དང་སུ་ཞིག་ཉེ། །ཇི་ལྟར་མདོ་སྡེ་སྣ་ཚོགས་གཟུང་། །སྣ་ཚོགས་དོན་ལ་རྣམ་ངེས་ལགས། །ཡང་དང་ཡང་དུའང་
D101.048.0213b07.01