完整藏文原文 · 德格版页 当前仅加载第 48 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
འདུ་ཤེས་ཅན་ཡང་མ་ཡིན། འདུ་ཤེས་ཅན་མ་ཡིན་པ་ཡང་མ་ཡིན་པ་ཇི་སྙེད་ཡོད་པ་དེ་དག་ཐམས་ཅད་སྐད་ཅིག་གཅིག་དང་། ཐང་ཅིག་དང་། ཡུད་ཙམ་ཅིག་ལ་མིའི་ལུས་ཐོབ་པར་གྱུར་ཏེ། དེ་ནས་གང་སེམས་ཅན་དེ་དག་ལ་བདེ་བའི་ཡོ་བྱད་ཐམས་
D101.048.0043a01.01ཅད་ཉེ་བར་སྒྲུབ་པར་བྱེད་པའི་མི་ལ་ལ་ཞིག་བྱུང་བར་གྱུར་ལ། དེ་ནས་མི་དེས་སེམས་ཅན་དེ་དག་ལག་པ་ཡ་གཅིག་གིས་བླངས་ནས་བསྐལ་པའམ། བསྐལ་པ་ལས་ལྷག་པར་འཛིན་པར་བྱེད་ཅིང་། དེའི་ཚེ་སེམས་ཅན་དེ་དག་གཟུགས་རྣམས་སམ། སྒྲ་རྣམས་
D101.048.0043a02.01སམ། དྲི་རྣམས་སམ། རོ་རྣམས་སམ། རེག་བྱ་རྣམས་ལ་སེམས་སྐྱེས་པར་གྱུར་ན་ཡང་དེ་ནས་མི་དེས་དེ་དག་ཐམས་ཅད་ཉེ་བར་སྦྱིན་པར་བྱེད་ལ། སེམས་ཅན་དེ་དག་གི་བཤང་བའམ་གཅི་བ་ཡང་ལག་པ་ཅིག་ཤོས་ཀྱིས་བླངས་ནས་འཇིག་རྟེན་གྱི་ཁམས་
D101.048.0043a03.01གཞན་དུ་འདོར་བར་བྱེད་དེ། དེ་ཅིའི་ཕྱིར་ཞེ་ན། སེམས་ཅན་དེ་དག་དྲི་མི་ཞིམ་པར་གྱུར་ན་མི་རུང་ངོ་སྙམ་དུ་སེམས་ན། བརྟན་པའི་བློ་གྲོས་འདི་ཇི་སྙམ་དུ་སེམས། འོ་ན་མི་དེས་སེམས་ཅན་དེ་དག་ལ་བདེ་བའི་ཡོ་བྱད་ཐམས་ཅད་ཀྱིས་རིམ་གྲོ་བྱས་པར་འགྱུར་རམ་
D101.048.0043a04.01གསོལ་པ། བཅོམ་ལྡན་འདས་མི་དེས་བདེ་བའི་ཡོ་བྱད་ཤིན་ཏུ་མང་པོས་རིམ་གྲོ་བགྱི་བ་ལགས་སོ། །བཀའ་སྩལ་པ། བརྟན་པའི་བློ་གྲོས་མི་དེས་སེམས་ཅན་དེ་དག་ལ་བདེ་བའི་ཡོ་བྱད་ཐམས་ཅད་ཀྱིས་སོ་སོར་རིམ་གྲོ་བྱས་ལ། རིགས་ཀྱི་བུའམ། རིགས་ཀྱི་
D101.048.0043a05.01བུ་མོ་གང་སེམས་ཅན་ཐམས་ཅད་ཀྱི་དོན་དུ་དེ་བཞིན་གཤེགས་པ་བཞུགས་ཀྱང་རུང་། ཡོངས་སུ་མྱ་ངན་ལས་འདས་ཀྱང་རུང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ཅིང་། བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་ཉན་པ་ལ་
D101.048.0043a06.01མོས་པར་འགྱུར་ལ་སངས་རྒྱས་ཀྱི་ཡེ་ཤེས་ཡེ་ཤེས་ཆེན་པོ་དེ་ཡང་དག་པར་བསྒྲུབས་ནས། འདོད་ཆགས་དང་། ཞེ་སྡང་དང་། གཏི་མུག་སྤང་བའི་ཕྱིར་དང་། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་
D101.048.0043a07.01