完整藏文原文 · 德格版页 当前仅加载第 48 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
ཐ་མི་དད་པའི་སླད་དུའོ། །མི་སྡུག་པའི་གནས་ལ་འཇིག་རྟེན་མི་གནས་ཏེ། བྱིས་པ་རྣམས་ནི་ལས་ཀྱི་ཀུན་ནས་སློང་བའི་སླད་དུའོ། །བཅོམ་ལྡན་འདས་འཇིག་རྟེན་གྱི་གནས་འདི་ལ་འཇིག་རྟེན་གྱི་འཁྲུག་པའི་སྐབས་མ་མཆིས་ལགས་ཏེ། བཅོམ་
D101.048.0024a01.01ལྡན་འདས་དེ་ལྟ་ལགས་པས་བདག་གི་གནས་ནི་འཇིག་རྟེན་གྱི་གནས་ཁོ་ན་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བཟང་སྐྱོང་ལ་བཀའ་སྩལ་པ། བཟང་སྐྱོང་ཅི་ཁྱོད་ཀྱིས་ཆོས་ཡང་དག་པར་མཐོང་བས་དེ་སྐད་ཅེས་སྟོན་ཏམ།
D101.048.0024a02.01གསོལ་པ། བཅོམ་ལྡན་འདས་ཆོས་གང་དག་ལགས་པ་དེ་དག་ནི་བཅོམ་ལྡན་འདས་ཀྱིས་ཀྱང་མངོན་པར་རྫོགས་པར་སངས་མ་རྒྱས་པ་ཁོ་ན་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་
D101.048.0024a03.01སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང་ཅི་ངས་ཆོས་རྣམས་མངོན་པར་རྫོགས་པར་སངས་མ་རྒྱས་སམ། གསོལ་པ། བཅོམ་ལྡན་འདས་ཅི་ཆོས་རྣམས་མངོན་པར་རྫོགས་པར་འཚང་རྒྱ་ལགས་སམ། བཅོམ་ལྡན་འདས་ཀྱིས་མངོན་པར་རྫོགས་པར་སངས་
D101.048.0024a04.01རྒྱས་པ་གང་དག་ལགས་པ་དེ་དག་ཀྱང་ཅི་ཆོས་རྣམས་ལགས་སམ། འོན་ཏེ་ཆོས་མ་མཆིས་པ་རྣམས་ལགས། བཅོམ་ལྡན་འདས་ཀྱིས་བཀའ་སྩལ་པ། བཟང་སྐྱོང་ལེགས་སོ་ལེགས་སོ། །དེ་བཞིན་གཤེགས་པས་ཆོས་རྣམས་མངོན་པར་རྫོགས་པར་
D101.048.0024a05.01སངས་རྒྱས་པ་གང་དག་ཡིན་པ་དེ་དག་ནི་ཆོས་རྣམས་ཀྱང་མ་ཡིན། ཆོས་རྣམས་མེད་པ་ཡང་མ་ཡིན་ཏེ། བཟང་སྐྱོང་དེ་ལ་ངའི་ཡེ་ཤེས་མི་རྒྱུ་ཞིང་མིག་མི་འཇུག་ལ། འགྲོ་བ་མི་ཤེས་ཤིང་བློ་མི་འཇུག་སྟེ། སྣང་བ་མི་ཤེས་ཤིང་ཡོངས་སུ་གཅོད་པ་མི་ཤེས་ལ་མི་འཛིན་
D101.048.0024a06.01ཏེ། དེ་དག་ནི་ཀུན་ནས་ཉོན་མོངས་པ་ཡང་མ་ཡིན། རྣམ་པར་བྱང་བ་ཡང་མ་ཡིན་པའི་ཕྱིར་རོ། །བཟང་སྐྱོང་འོན་ཀྱང་གལ་ཏེ་གང་མཚན་ཉིད་མེད་པའི་སྤྱོད་པའི་འདུ་ཤེས་དང་། མཚན་ཉིད་མེད་པའི་སྤྱོད་པའི་ཆོས་དེ་དག་ངས་བསྟན་ཀྱང་བཟང་སྐྱོང་སེམས་ཅན་རྣམས་
D101.048.0024a07.01