完整藏文原文 · 德格版页 当前仅加载第 48 函德格 96a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་ཁང་གནས་པ་ཚེགས་ཀྱིས་འཐོབ་འགྱུར་ཞིང་། །དེ་ཚེ་ལྷ་ཡིད་ཤིན་ཏུ་མི་དགའ་འགྱུར། །ཀྱེ་མ་ཀྱེ་མ་བསྟན་པ་རབ་ཏུ་འཇིག །གང་གི་དོན་དུ་དེ་ཚེ་དཀའ་སྤྱོད་པ། །དེ་དག་དགེ་སློང་སྡིག་པས་ཚར་བཅད་འགྱུར། །བསྟན་པ་འཇིག་པར་འགྱུར་བ་
D101.048.0096a01.01འདི་ལ་ལྟོས། །འདིར་ནི་ཕན་ཚུན་ཀུན་དུ་དགའ་བར་འགྱུར། །དེས་པ་རྣམས་ལ་དེ་དག་བསྔགས་མིན་བརྗོད། །སངས་རྒྱས་ལ་ནི་འཁྲུག་ལོང་བྱེད་པ་དག །དེ་དག་ཁྱིམ་ན་གནས་པར་འཛིན་པར་འགྱུར། །དགེ་བསྙེན་མ་དང་འདྲེ་བར་བྱེད་འགྱུར་ཞིང་། །དེ་ན་དེ་
D101.048.0096a02.01དག་ལག་པ་གཅིག་ཏུ་བྱེད། །རྒྱལ་བའི་བསྟན་ལ་མ་གུས་གྱུར་ནས་སུ། །བྱང་ཆུབ་མཆོག་ཀྱང་སྤོང་བར་བྱེད་པར་འགྱུར། །དཀོན་མཆོག་གསུམ་ལ་མཆོག་ཏུ་འཚེ་འགྱུར་ཏེ། །དེ་དག་རྟག་ཏུ་དེས་པ་རྣམས་ཀྱིས་སྤོངས། །ཁྱུ་མཆོག་རྭ་ཆག་མ་གྱུར་མ་རུངས་པ། །
D101.048.0096a03.01དེ་བཞིན་ཚུལ་ཁྲིམས་ལྡན་པས་རྣམ་པར་སྤོངས། །དེ་ཚེ་ཚུལ་ཁྲིམས་ལྡན་པ་དཔྱས་འགྱུར་ཞིང་། །དེ་ཚེ་དགེ་སློང་སྡིག་པས་བརྙས་ཚུལ་འགྱུར། །འཇིགས་ཆེན་ཕྱིན་ཅི་ལོག་གི་དུས་སུ་ནི། །སྐྱོ་བ་ཐོབ་བྱོས་བག་ཀྱང་ཡོད་པར་གྱིས། །བདེ་བར་གཤེགས་པའི་བསྟན་ལ་བརྩོན་
D101.048.0096a04.01འགྲུས་སྐྱེད། །དེ་ཚེ་འཇིགས་པ་ཆེན་པོ་འབྱུང་བར་འགྱུར། །སྡིག་པའི་དགེ་སློང་རྣམས་དང་ཕྲད་མ་བྱེད། །དེ་ཡི་ཚེ་ན་སྡུག་བསྔལ་གནས་པར་འགྱུར། །དེ་ནས་བྱང་ཆུབ་སེམས་དཔའ་ཀུན་དུ་བལྟས་པའི་བྱང་ཆུབ་ཏུ་ངེས་པའི་དགེ་བའི་རྩ་བའི་སྙིང་སྟོབས་ཀྱི་གོ་ཆ་བགོས་འདི་ལྟ་སྟེ་
D101.048.0096a05.01དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། །བརྐྱང་བ་སྐུམ་པར་བྱེད་པའི་སྐད་ཅིག་དེས་དེ་ནས་མི་སྣང་བར་གྱུར་ནས་འཇིག་རྟེན་གྱི་ཁམས་མི་མཇེད་འདིར་འོངས་ཏེ། །དེ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ག་ལ་བ་དེར་
D101.048.0096a06.01སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་
D101.048.0096a07.01