完整藏文原文 · 德格版页 当前仅加载第 48 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
བར་གཤེགས་པ་མཐོང་ངོ་། །དེ་ནས་ཁྱེའུ་མྱ་ངན་མེད་ཀྱིས་ཕུ་བོ་མྱ་ངན་བྲལ་ལ་སྨྲས་པ། མྱ་ངན་བྲལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་ཐག་རིང་པོ་ཁོ་ན་ནས་ཚུར་གཤེགས་པ་གཟིགས་སམ། སྨྲས་པ།
D101.048.0052a01.01ནུ་བོ་མཐོང་ངོ་། །སྨྲས་པ། མྱ་ངན་བྲལ་བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་དེ་ཅི་འདྲ་བ་དེ་ལྟ་བུ་ཁོ་ནར་འགྱུར་བར་བགྱིའོ། །དེ་ནས་ཁྱེའུ་མྱ་ངན་མེད་ཀྱིས་ཕུ་བོ་མྱ་ངན་བྲལ་དེ་ལ་ཚིགས་སུ་བཅད་
D101.048.0052a02.01པ་དག་གིས་སྨྲས་པ། མགོན་པོ་ཆེན་པོ་མི་ཡི་མཆོག །དགེ་སློང་དགེ་འདུན་མདུན་བདར་བ། །བདེ་བའི་རྒྱལ་པོ་ཚུར་གཤེགས་ལ། །མྱ་ངན་བྲལ་བ་ཁྱོད་གཟིགས་ཤིག །མི་ཡི་ཁྱུ་མཆོག་དེ་འདྲ་བར། །བདག་ནི་འགྱུར་བ་ཁོ་ནར་བགྱི། །བདག་ལ་བྱང་ཆུབ་སེམས་
D101.048.0052a03.01སྐྱེས་ཏེ། །འཇིགས་ལས་འགྲོ་བ་ཐར་བར་བགྱི། །འགྲོ་འདི་ཆགས་རྒྱགས་ཞེ་སྡང་དང་། །ཆགས་པས་སྡུག་བསྔལ་ལས་བགྱིད་དེ། །བགྱིས་ནས་དམྱལ་བའི་གཡང་སར་ལྟུང་། །ངན་འགྲོ་དག་ལས་དེ་ཐར་བགྱི། །འཇིག་རྟེན་འདྲེན་པ་འཇིག་རྟེན་ན། །ཨུ་དུམ་བཱ་རའི་མེ་ཏོག་
D101.048.0052a04.01བཞིན། །རྙེད་དཀའ་མཆོག་ཏུ་རྙེད་དཀའ་ཡིས། །ཁྱོད་ཀྱིས་འདུན་པ་བསྐྱེད་པར་མཛོད། །དེ་ནས་ཁྱེའུ་མྱ་ངན་བྲལ་གྱིས་ནུ་བོ་ལ་ཚིགས་སུ་བཅད་པ་དག་གིས་སླར་སྨྲས་པ། མང་པོ་ཚིག་ཏུ་སྨྲ་བྱེད་ཀྱང་། །ཚིག་གིས་གྲུབ་པ་ཡོད་མ་ཡིན། །བདག་ནི་སྒྲུབ་ལ་གནས་པས་ན། །
D101.048.0052a05.01ཅི་ཡང་རབ་ཏུ་སྨྲ་མི་བྱ། །མང་པོ་རབ་ཏུ་སྨྲ་བྱེད་ཀྱང་། །ལུས་ཀྱིས་བྱེད་པ་ཡོད་མ་ཡིན། །དེ་ཡི་འབྲས་བུ་མི་སྣང་བས། །{བརྫུན་,རྫུན་}གྱི་ཚིག་ཏུ་སྨྲ་བ་ཉིད། །གལ་ཏེ་ཚིག་གིས་ཐོབ་འགྱུར་ན། །བདག་འོད་རིར་ཆེན་དཀྲིས་པར་འགྱུར། །ཡོན་ཏན་ཉམས་པ་དེ་ཀུན་ཀྱང་། །ཚིག་
D101.048.0052a06.01གིས་རྒྱལ་བ་རྣམས་སུ་འགྱུར། །དེ་ནས་ཁྱེའུ་མྱ་ངན་མེད་ཀྱིས་ཁྱེའུ་མྱ་ངན་བྲལ་ལ་ཚིགས་སུ་བཅད་པ་དག་གིས་སླར་སྨྲས་པ། བདག་ཉིད་ཡིན་གྱི་གཞན་མིན་པར། །གང་ཕྱིར་དེ་འདྲ་སྨྲ་བྱེད་ཅིང་། །དེ་ཕྱིར་ཅི་ཡང་མི་སྨྲ་བ། །སེམས་དེ་སེར་སྣ་ཅན་གྱི་ལགས། །བདག་གིས་
D101.048.0052a07.01