完整藏文原文 · 德格版页 当前仅加载第 48 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
ཅག་ལ། །ཆོས་ཀྱི་ཚུལ་ནི་ཡུན་རིང་གནས་པར་འགྱུར། །གླེང་གཞིའི་ལེའུ་ཞེས་བྱ་སྟེ་དང་པོའོ།། །།ཡང་དེའི་ཚེ་འཁོར་འདུས་པ་དེ་ཉིད་དུ་པད་མ་དཔལ་གྱི་སྙིང་པོ་ཞེས་བྱ་བ་གཞོན་ནུར་གྱུར་པ་ཞིག་འདུས་པར་གྱུར་ཏེ་འདུག་གོ། །དེ་ནས་པད་མ་དཔལ་གྱི་སྙིང་པོ་
D101.048.0012b01.01གཞོན་ནུར་གྱུར་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདུག་གོ། །དེ་ལྟར་འདུག་པ་དེའི་སེམས་ལ་རྣམ་པར་རྟོག་པ་འདི་ལྟ་བུ་བྱུང་སྟེ། བདག་
D101.048.0012b02.01ནི་དེ་བཞིན་གཤེགས་པ་ལ་ཆོས་ཀྱི་སྒོ་རྣམས་ཞུ་བར་འདོད་པ་ཡིན། རྡོ་རྗེའི་ཚིག་རྣམས་དང་། རྒྱུན་མི་གཅོད་པ་སྒྲུབ་པའི་ཚིག་རྣམས་ཞུ་བར་འདོད་པ་ཡིན། སྨྲ་བ་ཐམས་ཅད་ཚར་གཅད་པ་སྒྲུབ་པའི་ཚིག་རྣམས་དང་རིམ་པར་ཕྱེ་བའི་ཚིག་རྣམས་དང་། ཆོས་ཐམས་ཅད་བསྡུ་བའི་ཚིག་
D101.048.0012b03.01རྣམས་ཞུ་བར་འདོད་པ་ཡིན་ན། རིགས་ཀྱི་བུ་དང་། རིགས་ཀྱི་བུ་མོ་དག་ཕྱག་རྒྱའི་སྒོ་གང་དག་ལ་བསླབས་ན། ཆོས་ཐམས་ཅད་ལ་སྒྲིབ་པ་མེད་པའི་མིག་དང་ཤེས་པ་ལ་མཁས་པ་ཉིད་རྗེས་སུ་ཐོབ་པར་འགྱུར། བཅོམ་ལྡན་འདས་ཀྱེ་མ་བདག་གིས་བསམ་པའི་ཚོགས་གང་དག་དང་
D101.048.0012b04.01འཇུག་པ་སྒྲུབ་པ་གང་དག་གིས་གོ་ཆ་བགོས་པ་སྔོན་གྱི་དགེ་བའི་རྩ་བའི་ཚོགས་སྐྱེ་བ་ལ་བསམ་པ་སྒྲུབ་པའི་ཚོགས་ལ་དགོངས་པར་འགྱུར་སྙམ་མོ། །དེ་ནས་བཅོམ་ལྡན་འདས་ཀྱིས་པད་མ་དཔལ་གྱི་སྙིང་པོ་གཞོན་ནུར་གྱུར་པའི་བསམ་པ་ཐུགས་སུ་ཆུད་ཅིང་སྨོན་ལམ་དང་། དགེ་བའི་རྩ་བའི་
D101.048.0012b05.01ཚོགས་བསྒྲུབ་པ་ཐུགས་སུ་ཆུད་ནས། དེའི་ཚེ་ཕྱོགས་བཞིར་རྣམ་པར་གཟིགས་སོ། །ཕྱོགས་བཞིར་གཟིགས་པ་ན། བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་ཆེན་པོ་བཞི་བྱུང་སྟེ། དེ་དག་བྱུང་ནས་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ཏུ་དོང་ངོ་། །འོད་
D101.048.0012b06.01ཟེར་དེ་དག་ཀྱང་ཤིང་ལྗོན་པའམ། རྩིག་པའམ། རིའམ། སའམ། བར་སྣང་གང་དུ་བབ་པ་དེ་དག་ཐམས་ཅད་གསེར་གྱི་ཁ་དོག་ཏུ་ཁ་དོག་གཅིག་ཏུ་གྱུར་ཏོ། །ཕྱོགས་དང་ཕྱོགས་མཚམས་ཐམས་ཅད་དུ་ཡང་འོད་ཟེར་དེ་དག་ཐོགས་པ་མེད་པར་རབ་ཏུ་དོང་སྟེ། དེ་ལྟར་
D101.048.0012b07.01