完整藏文原文 · 德格版页 当前仅加载第 48 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཕྱག་འཚལ་སླར་ཡང་ཞིང་དུ་མཆི། །དེ་ཉིད་ནས་ནི་སླར་མཆིས་བྱང་ཆུབ་འཐོབ། །རྒྱ་ཆེན་ཞིང་དེ་རྣམ་པར་དག་པར་འགྱུར། །རྫུ་འཕྲུལ་བསམ་གྱིས་མི་ཁྱབ་གདའ་བ་ལགས། །བྱང་ཆུབ་སྤྱད་པ་སྤྱོད་པ་དག་ཀྱང་མཐོང་། །སངས་རྒྱས་ཞིང་འདི་ན་ནི་དཔའ་བོ་གཅིག །
D101.048.0213a01.01གང་ཞིག་ཆོས་གོས་ཐོགས་ནས་གནས་པ་ལགས། །མ་བསླབས་པ་ཡིས་འདི་ལ་ཇི་ལྟར་བསླབ། །གང་གིས་སེམས་ཅན་ཐམས་ཅད་བདེ་མྱོང་བའི། །སྙོམས་པར་སྦྱིན་པའི་ལོངས་སྤྱོད་འཐུན་འཚལ་བ། །སེམས་ཅན་ཀུན་ལ་ཕན་པར་གྱུར་ཅིག་ཅེས། །སྔོན་ཆད་བདག་གིས་སྦྱིན་སྩལ་བསྔོས་
D101.048.0213a02.01པ་ལགས། །མགོན་པོ་དོན་དེ་བདག་ལ་གསུང་བར་གསོལ། །འཇིག་རྟེན་མགོན་པོ་བདག་གི་ཐེ་ཚོམ་ཆོད། །སྨོན་ལམ་འདི་འདྲ་བརྟན་པའི་བློ་གྲོས་ཀྱིའམ། །དགེ་སློང་ཕུག་སྦས་ཀྱིའམ་སུ་ཡི་ལགས། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་
D101.048.0213a03.01འདི་སྐད་ཅེས་བཀའ་སྩལ་ཏོ། །ཀུན་དགའ་བོ་བྱང་ཆུབ་སེམས་དཔའ་བརྟན་པའི་བློ་གྲོས་ཀྱིས་དྲི་བ་འདྲི་བར་འདོད་ཀྱིས། དྲི་བ་ལན་གདབ་པ་ལ་ཁྱོད་རེ་ཞིག་སྡོད་ཅིག་དང་། དེའི་འོག་ཏུ་ཁྱོད་ཀྱི་དྲི་བ་ལན་གདབ་པར་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བརྟན་པའི་བློ་
D101.048.0213a04.01གྲོས་ཀྱིས་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་བདག་ཕྱོགས་འགའ་ཞིག་ཞུ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བརྟན་པའི་བློ་
D101.048.0213a05.01གྲོས་ལ་འདི་སྐད་ཅེས་བཀའ་སྩལ་ཏོ། །བརྟན་པའི་བློ་གྲོས་ཁྱོད་ཅི་དང་ཅི་འདོད་པ་དྲིས་ཤིག་དང་། ངས་དེ་དང་དེ་ཉིད་ཀྱི་དྲི་བ་ལན་བཏབ་པས་ཁྱོད་ཀྱི་སེམས་རངས་པར་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བརྟན་པའི་བློ་གྲོས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་
D101.048.0213a06.01འདས་སྒོར་འཇུག་པ་ཞེས་བགྱི་ན། བཅོམ་ལྡན་འདས་སྒོར་འཇུག་པ་ཞེས་བགྱི་བ་དེ་གང་ལགས། བཅོམ་ལྡན་འདས་དེ་བཞིན་གཤེགས་པས་དེ་ཡང་བཤད་པར་གསོལ། གང་དག་སྒོའི་ཚིག་དག་ལ་ཞུགས་པའི་བྱང་ཆུབ་སེམས་དཔའ་དེ་དག་ཀྱང་བཤད་པར་གསོལ། ཆོས་དེ་དག་གི་འཇུག་པ་
D101.048.0213a07.01