完整藏文原文 · 德格版页 当前仅加载第 48 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
སླད་དུ། །དེ་ཀུན་བདག་ལ་བར་ཆད་བགྱིད་གྱུར་ནའང་། །བདག་གིས་སེམས་ནི་རྣམ་པར་བཟློག་མི་བགྱི། །གལ་ཏེ་འདིར་ནི་སེམས་ཅན་འགའ་མཆིས་ཤིང་། །འདི་ཡི་མདུན་དུ་མཆིས་ནས་ཚིག་སྨྲ་ན། །སངས་རྒྱས་ཡེ་ཤེས་དམ་པ་འདི་མཆོག་དཀོན། །དབུལ་ལ་བྱང་ཆུབ་སུ་ཞིག་
D101.048.0173b01.01སྦྱིན་པར་བྱེད། །དེ་སྐད་ཅེས་སྨྲས་ནས་ནི་བདག་གིས་བརྗོད། །ང་བས་ཁྱོད་དབུལ་ང་ནི་དབུལ་མ་ཡིན། །ཁྱོད་ལ་དད་པ་ནམ་ཡང་ཡོད་མ་ཡིན། །ང་ལ་དད་པ་ཡོད་པས་བདག་འཚང་རྒྱ། །སངས་རྒྱས་རིགས་ནི་གང་ཡང་ཡོད་མ་ཡིན། །འབྲས་བུའམ་སྲོག་ནི་འགའ་ཡང་ཡོད་མ་
D101.048.0173b02.01ཡིན། །གཞན་དུ་གང་དག་སེམས་ནི་འདུད་བྱེད་པ། །དེ་ཚེ་ཐེག་པ་བླ་མེད་འདི་ལ་འདུད། །དྲང་སྲོང་མཆོག་གི་སེམས་འདི་རིགས་ཡིན་ཏེ། །འདི་ནི་ས་བོན་འདི་ནི་འབྲས་བུ་ཡིན། །ཐེག་མཆོག་དམ་པ་ལ་ནི་ཞུགས་ནས་སུ། །སངས་རྒྱས་རྣམས་ཀྱིས་བསླབས་ནས་འཚང་རྒྱར་འགྱུར། །
D101.048.0173b03.01བདག་གིས་ལུས་དང་དེ་བཞིན་སྲོག་དང་ནི། །འཇིག་རྟེན་རྩེད་མོ་དགའ་བ་གང་ཅིའང་བཏང་། །གཞན་དུ་བདག་གིས་སངས་རྒྱས་ཡེ་ཤེས་མཆོག །རྫོགས་པར་སངས་རྒྱས་སེམས་ཅན་བདག་གིས་དགྲོལ། །སངས་རྒྱས་ཆོས་རྗེ་བདག་མདུན་བཞུགས་པ་ལ། །བདག་འདིར་སེང་གེའི་སྒྲ་ནི་
D101.048.0173b04.01སྒྲོགས་བགྱིད་པ། །གལ་ཏེ་བདག་ལ་ནོངས་པ་འགའ་མཆིས་ན། །བྱམས་ལ་གནས་པས་རྒྱལ་བས་བསྐུལ་ལགས་གྲང་། །དེ་ནས་བཅོམ་ལྡན་འདས་ཀྱིས་དེའི་ཚེ་སློངས་མོ་པ་རྣམ་པར་རྒྱལ་བ་སྲུང་བ་ལ་ཚིགས་སུ་བཅད་པ་དག་གིས་ཕྱིར་བཀའ་སྩལ་པ། འདི་ན་སངས་རྒྱས་ལ་ནི་
D101.048.0173b05.01སྐྱོན་ཅིའང་མེད། །སེམས་འདི་བླ་ན་ཡོད་པ་མ་ཡིན་པའི། །སེམས་དེ་དེ་རིང་འདིར་ནི་ཁྱོད་འདོར་ཏེ། །ཁྱོད་ཀྱང་རྒྱལ་བ་ཆོས་ཀྱི་རྗེར་འགྱུར་རོ། །དེ་བཞིན་གཤེགས་པའི་བཀའ་ནི་ཐོས་ནས་སུ། །གཞལ་དུ་མེད་པའི་དགའ་བས་དགའ་མགུ་སྟེ། །དེ་ལ་རྣམ་པར་རྒྱལ་སྲུང་སེམས་དང་ཞིང་། །
D101.048.0173b06.01ནམ་མཁའ་ལ་ནི་ཏ་ལ་བདུན་སྲིད་འཕགས། །དེ་ཚེ་སེམས་ཅན་མཆོག་གིས་འཛུམ་པ་བསྟན། །སྔོན་པོ་སེར་པོ་ཡིད་དགའ་སྣ་ཚོགས་པ། །ཁ་དོག་དེ་དག་རྒྱལ་བའི་ཞལ་ལས་བྱུང་། །དེ་དག་རྒྱལ་བའི་གཙུག་ཏུ་ནུབ་པར་གྱུར། །དེ་ཚེ་ཕྲག་པ་གཅིག་གཟར་ཐལ་སྦྱར་ཏེ། །ཀུན་དགའ་བོ་ཡིས་
D101.048.0173b07.01