完整藏文原文 · 德格版页 当前仅加载第 48 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སངས་རྒྱས་ཀྱི་ཆོས་རྣམས་ཀྱི་རིགས་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་རྣམས་ནི་ཆོས་དཀོན་མཆོག་ཆེན་པོའི་གཏེར་ཆེན་པོ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་
D101.048.0185a01.01ནི་ཆོས་ཐམས་ཅད་ཀྱི་ཕྱག་རྒྱ་རྗེས་སུ་རྟོགས་པར་རྣམ་པར་འགྲེལ་པའི་ཆོས་རྒྱ་མཚོ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་འཁྲུག་པ་ཆེན་པོ་གྲངས་མེད་དཔག་ཏུ་མེད་པ་ཕྱིར་བཟློག་པ་ཉིད་ཀྱི་ཕྱིར། ཁོར་ཡུག་དང་ཁོར་ཡུག་ཆེན་པོ་ལྟ་བུ་ཡིན་ནོ། །
D101.048.0185a02.01ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཆོས་མི་ཟད་པ་ཡང་དག་པར་རབ་ཏུ་སྟོན་པས་ཡོངས་སུ་མ་གཏུགས་པ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སེམས་ནམ་མཁའ་དང་མཉམ་པ་ཉིད་ཀྱི་ཕྱིར་རྙོག་པ་མེད་པ་ཡིན་ནོ། །ཤ་ར་དྭ་
D101.048.0185a03.01ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ནམ་མཁའ་མི་ཟད་པ་ཉིད་ཀྱི་ཕྱིར་ཟད་མི་ཤེས་པ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་དགེ་བའི་ཆོས་ཀྱིས་མངོན་དུ་འཕགས་པ་ཉིད་ཀྱི་ཕྱིར་ལྷུན་པོ་ལྟ་བུ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་
D101.048.0185a04.01དཔའ་སེམས་དཔའ་ཆེན་པོ་རྣམས་ནི་འདོད་པ་དང་མི་འདོད་པ་དང་བྲལ་བས་ས་ལྟ་བུ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་དགེ་བའི་རྩ་བ་ཆུད་མི་གཟོན་པ་ཉིད་ཀྱི་ཕྱིར་ཞིང་ལྟ་བུ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཆོས་ཀྱི་
D101.048.0185a05.01སྣང་བ་ཀུན་ཏུ་སྟོན་པས་ཉི་མ་ལྟ་བུ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་མུན་ནག་རྣམ་པར་སེལ་བ་ཉིད་ཀྱི་ཕྱིར་ཟླ་བ་ལྟ་བུ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་འདོད་ཆགས་དང་། ཞེ་སྡང་དང་། གཏི་མུག་གི་གདུང་བ་རབ་ཏུ་
D101.048.0185a06.01ཞི་བར་བྱེད་པ་ཉིད་ཀྱི་ཕྱིར་གདུགས་ལྟ་བུ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སེམས་ཅན་རྣམས་ཀྱི་གནས་དང་། སྐྱབས་དང་། སྟོན་པར་གྱུར་པས་ཤིང་ལྗོན་པ་ཆེན་པོའི་གྲིབ་མ་ལྟ་བུ་ཡིན་ནོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་
D101.048.0185a07.01