'phags pa dge ba'i rtsa ba yongs su 'dzin pa zhes bya ba theg pa chen po'i mdo/
当前为德格木刻版 73b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 73b
- 可引用原文
- 7 行
- 全文规模
- 全经 3154 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 48 函 · 德格 73b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文བྱ་བར་བསྟན་ཅེ་ན། འཇིག་རྟེན་གྱི་ཁམས་དེ་ན་ཨུད་པ་ལ་དང་། ཀུ་མུ་ད་དང་། པད་མ་དཀར་པོ་དག་གིས་ཁེབས་པའི་རྫིང་རྒྱ་ཆེ་ཞིང་ཡངས་པ་གྲངས་མེད་དཔག་ཏུ་མེད་པ་དག་ཡོད་དེ། པད་མ་དེ་དག་ཀྱང་འདབ་མ་སྟོང་ཆུ་བ་མངོན་པར་བརྟོལ་ནས་གྱེན་དུ་དཔག་ཚད་བརྒྱད་ཅུར་འཕགས་པ་སྟེ། པད་མ་རེ་རེ་ལས་ཀྱང་འོད་ཟེར་འབུམ་འབྱུང་བར་བྱེད་ཅིང་། གྱེན་དུ་དང་ཐུར་དུ་ཡང་འོད་ཟེར་སྟོང་བྱུང་བར་བྱེད་ལ། དེ་བཞིན་དུ་ཕྱོགས་ཐམས་ཅད་དུ་ཡང་འོད་ཟེར་སྟོང་སྟོང་འབྱུང་བར་བྱེད་པའི་ཕྱིར་རོ། །འཇིག་རྟེན་གྱི་ཁམས་དེ་ཡང་མིག་{མངས་,མང་}རིས་སུ་བྲིས་པ། རིན་པོ་ཆེའི་ཕྲེང་བས་
བརྒྱན་པ། རིན་པོ་ཆེའི་སྐུད་པས་བརྒྱན་པ། མིག་{མངས་,མང་}རིས་ཐམས་ཅད་དུ་ཡང་རིན་པོ་ཆེ་ལས་བྱས་པའི་ཤིང་ལྗོན་པ་དག་སྐྱེས་པར་གྱུར་པ། གྱེན་དུ་དཔག་ཚད་བདུན་ཁྲི་བདུན་སྟོང་མངོན་པར་འཕགས་པ། ཐད་ཀར་ནི་དཔག་ཚད་བརྒྱད་ཁྲི་བཞི་སྟོང་དུ་ཡལ་ག་དང་། འདབ་མ་དང་། ལོ་མ་རབ་ཏུ་སོང་བའོ། །རིན་པོ་ཆེའི་ཤིང་རེ་རེ་ལས་ཀྱང་ནོར་བུ་བྱེ་བ་ཕྲག་བརྒྱད་ཅུ་ཟོ་བ་ཙམ་དག་རབ་ཏུ་འཕྱང་ངོ་། །སངས་རྒྱས་ཀྱི་ཞིང་དེ་ན་ཤིང་ལྗོན་པ་དེ་དག་ཀྱང་གྲངས་མེད་དཔག་ཏུ་མེད་དོ། །སངས་རྒྱས་ཀྱི་ཞིང་དེ་ནི་པད་མའི་འདབ་མ་དེ་དག་དང་། ནོར་བུ་དེ་དག་གི་འོད་ཀྱིས་རྟག་ཏུ་
སྣང་བར་བྱས་པ་སྟེ། འོད་དེ་ཡང་བཅོམ་ལྡན་འདས་དེའི་འོད་ཀྱིས་མོག་མོག་པོར་བྱས་པའོ། །བྱང་ཆུབ་སེམས་དཔའ་ཐོགས་པ་མེད་པའི་གོ་ཆས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེ་ཡང་ཐོས་སོ། །དེ་ནས་བཅོམ་ལྡན་འདས་རྣམ་པ་དུ་མ་རྣམ་པར་འཕྲུལ་པ་དེ་ལ་བྱང་ཆུབ་སེམས་དཔའ་ཐོགས་པ་མེད་པའི་གོ་ཆས་ཞུས་པ། བཅོམ་ལྡན་འདས་འོད་དེ་དང་། གསུང་བསལ་བའི་སྒྲ་དེ་ཡང་སུའི་ལགས། དེ་ནས་བཅོམ་ལྡན་འདས་དེས་དེ་ལ་བཀའ་སྩལ་པ། རིགས་ཀྱི་བུ་ནུབ་ཕྱོགས་ཀྱི་ཕྱོགས་ཆར་འཇིག་རྟེན་གྱི་ཁམས་གྲངས་མེད་པ་སྟོང་འདས་པ་ན་འཇིག་རྟེན་གྱི་ཁམས་
མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཅེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏེ། མཐུ་དེ་ལྟ་བུ་དེ་ནི་དེའི་ཡིན་ནོ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D101
- 德格版页
- 73b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0101 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。