完整藏文原文 · 德格版页 当前仅加载第 48 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཁུ་བྱུག་དང་། ཤང་ཤང་ཏེའུ་དག་གིས་སྒྲ་ཡང་དག་པར་བརྗོད་པའོ། །འོབས་ཀྱི་འགྲམ་དེ་དག་ཐམས་ཅད་ཀྱང་གསེར་གྱི་ཤིང་ལྗོན་པ་དག་ལ། ཡལ་ག་དག་ནི་དངུལ། འདབ་མ་དག་ནི་བཻ་དཱུརྱ་ལས་གྲུབ་པ། ལོ་མ་དག་ནི་རྡོའི་སྙིང་པོ། མེ་ཏོག་དག་ནི་
D101.048.0123a01.01ཤེལ། འབྲས་བུ་དག་ནི་སྤུག །སྡོང་བུ་དག་ནི་མུ་ཏིག་དམར་པོ་དང་། དངུལ་གྱི་ཤིང་ལྗོན་པ་དག་ལ། ཡལ་ག་དག་ནི་གསེར། འདབ་མ་དག་ནི་ཤེལ། ལོ་མ་དག་ནི་བཻ་དཱུརྱ་ལས་གྲུབ་པ། འབྲས་བུ་དག་ནི་སྤུག །མེ་ཏོག་དག་ནི་རྡོའི་སྙིང་པོ། སྡོང་བུ་དག་ནི་མུ་ཏིག་
D101.048.0123a02.01དམར་པོ་དང་། ཤེལ་གྱི་ཤིང་ལྗོན་པ་དག་ལ། སྡོང་པོ་དག་ནི་བཻ་དཱུརྱ་ལས་གྲུབ་པ། ལོ་མ་དག་ནི་གསེར། འདབ་མ་དག་ནི་དངུལ། མེ་ཏོག་དག་ནི་སྤུག །འབྲས་བུ་དག་ནི་རྡོའི་སྙིང་པོ། སྡོང་བུ་དག་ནི་མུ་ཏིག་དམར་པོ་དང་། སྤུག་གི་ཤིང་ལྗོན་པ་དག་ལ། སྡོང་པོ་དག་ནི་
D101.048.0123a03.01རྡོའི་སྙིང་པོ། ལོ་མ་དག་ནི་མུ་ཏིག་དམར་པོ། འདབ་མ་དག་ནི་དངུལ། མེ་ཏོག་དག་ནི་གསེར། འབྲས་བུ་དག་ནི་ཤེལ། རྩ་བ་དག་ནི་བཻ་དཱུརྱ་ལས་གྲུབ་པ་དང་། རྡོའི་སྙིང་པོའི་ཤིང་ལྗོན་པ་དག་ལ། སྡོང་པོ་དག་ནི་མུ་ཏིག་དམར་པོ། ལོ་མ་དག་ནི་དངུལ། འདབ་མ་དག་ནི་
D101.048.0123a04.01གསེར། མེ་ཏོག་དག་ནི་ཤེལ། འབྲས་བུ་དག་ནི་བཻ་དཱུརྱ་ལས་གྲུབ་པ། རྩ་བ་དག་ནི་སྤུག་དང་། མུ་ཏིག་དམར་པོའི་ཤིང་ལྗོན་པ་དག་ལ། སྡོང་པོ་དག་ནི་གསེར་ལས་གྲུབ་པ། ལོ་མ་དག་ནི་དངུལ། འདབ་མ་དག་ནི་ཤེལ། མེ་ཏོག་དག་ནི་བཻ་དཱུརྱ་ལས་གྲུབ་པ། འབྲས་བུ་དག་ནི་སྤུག་ལས་
D101.048.0123a05.01གྲུབ་པ། རྩ་བ་དག་ནི་རྡོའི་སྙིང་པོ་ལས་གྲུབ་པ། རིན་པོ་ཆེ་སྣ་བདུན་ལས་གྲུབ་པའི་ཤིང་ལྗོན་པ་དག་གིས་ཁྱབ་པར་གྱུར་པའོ། །གྲོང་ཁྱེར་ཆེན་པོ་དེ་དག་ན་གྲོང་ཁྱེར་ཆེན་པོ་རེ་རེ་ན་ཡང་སྐྱེད་མོས་ཚལ་བརྒྱད་ཁྲི་བརྒྱད་ཁྲི་ཡོད་དེ། ཐམས་ཅད་ཀྱང་དཔག་ཚད་ཉི་ཤུ་པའོ། །སྐྱེད་མོས་ཚལ་
D101.048.0123a06.01བརྒྱད་ཁྲི་པོ་དེ་དག་ཐམས་ཅད་ཀྱང་ཁོར་ཡུག་ཏུ་འོབས་དག་དང་། རྟ་བབས་རིམ་བདུན་དང་། དྲིལ་བུ་གཡེར་ཀའི་དྲ་བ་རིམ་བདུན་དང་། སྟེགས་བུ་རིམ་པ་བདུན་གྱིས་བསྐོར་བར་གྱུར་ཏེ། ཚུལ་སྔ་མ་ཁོ་ནས་གོང་མ་བཞིན་དུ་སྦྱར་བར་བྱ་སྟེ། ཇི་ལྟར་གྲོང་ཁྱེར་གྱི་འོབས་དག་
D101.048.0123a07.01