完整藏文原文 · 德格版页 当前仅加载第 48 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་ལྡན་དེ་ནི་ང་ཡིན་ནོ། །ཆོས་ནི་ཡོངས་སུ་གཟུང་དོན་ཕྱིར། ང་ཡིས་དེ་འདྲའི་མཆོད་པ་བྱས། །དགེ་བའི་རྩ་བ་དེ་ཉིད་ཀྱིས། །འདིར་ནི་བྱང་ཆུབ་དེ་ཐོབ་ཡིན། །མཛངས་པ་ཆོས་ནི་སྨྲ་བ་ལ། །གང་དག་བསོད་ནམས་ཆེ་བྱས་པའི། །བསོད་ནམས་ཕུང་པོའི་ཟད་པ་
D101.048.0207a01.01ནི། །ང་ལ་ད་དུང་ཡོད་མ་ཡིན། །བསོད་ནམས་གྲངས་ཡོད་མ་ཡིན་པ། །དཔག་ཏུ་མེད་པས་ཐོབ་པ་ཡིན། །ང་ཡིས་སངས་རྒྱས་རྟག་པར་མཐོང་། །དེ་དག་ལ་ནི་ཆོས་ཀྱང་ཞུས། །དེ་ལྟར་ཇི་ལྟར་བསྟན་པ་ལྟར། །ཀུན་ཀྱང་ང་ལ་དེ་སྐད་སྟོན། །བྱང་ཆུབ་ལམ་ནི་དེ་ཡིན་གྱིས། །
D101.048.0207a02.01དེ་ཕྱིར་དེ་ལ་བསྟེན་པར་བྱོས། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་འདི་ལྟར་བསོད་ནམས་འབྱུང་བ་ཤིན་ཏུ་ཡོངས་སུ་བརྙེས་པ་ལགས་ན།
D101.048.0207a03.01བཅོམ་ལྡན་འདས་ཀྱི་སྔོན་གྱི་སྐུ་རྣམས་ཀྱང་ཐམས་ཅད་དུ་ཁྱད་པར་ཅན་དུ་གྱུར་པ་ནི་ངོ་མཚར་ལགས་སོ། །བཅོམ་ལྡན་འདས་དགེ་སློང་མཛངས་པ་ཞེས་བགྱི་བ་བྱུང་བར་གྱུར་པ་དེ། བཅོམ་ལྡན་འདས་ཡོངས་སུ་མྱ་ངན་ལས་འདས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀུན་
D101.048.0207a04.01དགའ་བོ་དགེ་སློང་དེ་ནི་ད་དུང་ཡོངས་སུ་མྱ་ངན་ལས་མ་འདས་ཏེ། ཀུན་དགའ་བོ་དགེ་སློང་དེ་ནི་ངའི་བསྟན་པ་འདི་ལ་བྱང་ཆུབ་སེམས་དཔའི་སྤྱད་པ་སྤྱོད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཚོང་དཔོན་བཟང་ལྡན་ཆོས་སྨྲ་བ་
D101.048.0207a05.01མཛངས་པ་ལ་རིམ་གྲོ་དང་བསྙེན་བཀུར་བགྱིས་ནས་དགེ་བའི་རྩ་བའི་ཚོགས་དེས་དེ་ལ་བརྟེན་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ལགས་ཀྱང་། དགེ་སློང་མཛངས་པ་ད་དུང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་
D101.048.0207a06.01སངས་མ་རྒྱས་པ་ནི་ངོ་མཚར་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་དགེ་སློང་མཛངས་པ་ནི་ཇི་ལྟར་ང་ཡང་དག་པར་ཞུགས་པ་དེ་ལྟར་ཡང་དག་པར་ཞུགས་པ་མ་ཡིན་ཏེ། ཀུན་དགའ་བོ་དགེ་སློང་
D101.048.0207a07.01