完整藏文原文 · 德格版页 当前仅加载第 48 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
དྲན་པ་དང་ལྡན་ཞིང་མཁྱེན་བཞིན་དུ་དེ་གཉི་གས་ཀྱང་བཏང་སྙོམས་པར་གནས་པར་མཛད་དོ། །བཅོམ་ལྡན་འདས་དེ་བཞིན་གཤེགས་པའི་གནས་པ་དེ་དག་ནི་སངས་རྒྱས་ཀྱི་གནས་པ་དག་དང་། རང་བྱུང་གི་གནས་པ་དག་དང་། ཉན་ཐོས་དང་། རང་སངས་
D101.048.0019b01.01རྒྱས་རྣམས་དང་། ཡང་ཐུན་མོང་མ་ལགས་པའི་གནས་པ་དག་ལགས་ན། དེ་དག་ལས་གཞན་པའི་སེམས་ཅན་ཐ་ཆད་རྣམས་དང་ཐུན་མོང་མ་ལགས་པ་ལྟ་སྨོས་ཀྱང་ཅི་འཚལ། བཅོམ་ལྡན་འདས་ཅིའི་སླད་དུ་ཐུན་མོང་མ་ལགས་ཤེ་ན། དེ་ལས་གཞན་
D101.048.0019b02.01པའི་སེམས་ཅན་ཐ་ཆད་ཀྱིས་དེ་ལྟ་བུའི་གནས་པ་དེ་དག་དང་། དེ་སྙེད་ཀྱི་གནས་པ་དེ་དག་དང་། ཡུན་ཇི་སྲིད་ནས་གནས་པ་དེ་དག་དང་། སྦྱོར་བ་དེ་ལྟ་བུའི་གནས་པ་དེ་དག་དང་། བདེ་བ་དེ་ལྟ་བུའི་གནས་པ་དེ་དག་འཚལ་བར་རྔོ་མི་ཐོག་ཅིང་། བཅོམ་ལྡན་འདས་དེ་བཞིན་
D101.048.0019b03.01གཤེགས་པ་དང་བྲལ་བའི་སེམས་ཅན་རྣམས་ཀྱི་གནས་དེ་དག་འཚལ་བར་རྔོ་མི་ཐོག་པའི་སླད་དུའོ། །བཅོམ་ལྡན་འདས་དེ་དག་ནི་སེམས་ཅན་གཞན་དག་གི་སྤྱོད་ཡུལ་མ་ལགས་ཤིང་། དེ་བཞིན་གཤེགས་པའི་གནས་པ་དེ་ལྟ་བུ་དེ་དག་ནི་ཉན་ཐོས་དང་རང་སངས་རྒྱས་
D101.048.0019b04.01ཐམས་ཅད་ཀྱི་སྤྱོད་ཡུལ་མ་ལགས་ཏེ། བཅོམ་ལྡན་འདས་སྤྱོད་ཡུལ་མ་ལགས་ཞེས་བགྱི་བ་ནི་སྤྱོད་པ་མ་མཆིས་ཤིང་། རྣམ་པར་སྤྱོད་པ་མ་མཆིས་པ་སྟེ། དེས་ན་སྤྱོད་ཡུལ་མ་ལགས་ཞེས་བགྱིའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་དེ་ལ་ཉན་ཐོས་
D101.048.0019b05.01དག་གམ། རང་སངས་རྒྱས་དག་གི་སྤྱོད་པ་མ་མཆིས་པའི་སླད་དུའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་གནས་པ་དེ་མཐའ་ཡས་པའི་སླད་དུའོ། །བཅོམ་ལྡན་འདས་ཅིའི་སླད་དུ་གནས་པ་མཐའ་ཡས་པ་ལགས་ཤེ་ན། བཅོམ་ལྡན་འདས་དེ་བཞིན་
D101.048.0019b06.01གཤེགས་པ་དག་གི་མོས་པ་ནི་མཐའ་ཡས་ཏེ། གང་གིས་ཀྱང་འཚལ་བར་རྔོ་མི་ཐོག་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་གནས་པ་དེ་ནི་ཡི་གེ་མ་མཆིས་པ་ལགས་ཏེ། ཡི་གེ་མ་མཆིས་པ་ཞེས་བགྱི་བ་ནི་བརྗོད་དུ་མ་མཆིས་པ་ལགས་ལ། ཡི་གེ་
D101.048.0019b07.01