完整藏文原文 · 德格版页 当前仅加载第 48 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་པ་རབ་ཏུ་གནས་པ་ན། ཤ་ར་དྭ་ཏིའི་བུ་དེ་ནི་གླིང་བཞི་པ་ཐམས་ཅད་དུ་སྣང་བ་ཡིན་པར་འགྱུར་བ་དང་། འོད་དུ་འགྱུར་བ་ཡིན་པ་དང་། ཚ་བ་ཡིན་པར་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤ་ར་དྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་
D101.048.0164b01.01བསྐྱེད་པ་དང་། བྱང་ཆུབ་སེམས་དཔའི་ཡེ་ཤེས་ཆེན་པོའི་གནས་ཐེག་པ་ཆེན་པོ་ལ་མངོན་པར་ཞོན་ཞིང་། གནས་པར་བྱེད་པ་རབ་ཏུ་གནས་པ་ན། དེ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སྣང་བ་བྱེད་པ་ཡིན་པར་རིག་པར་བྱ་བ་ཡིན་ནོ། །ཤ་ར་
D101.048.0164b02.01དྭ་ཏིའི་བུ་འདི་ལྟ་སྟེ། དཔེར་ན་ཀླུའི་རྒྱལ་པོ་མ་དྲོས་པའི་གནས་རབ་ཏུ་གནས་པ་ན། ཤ་ར་དྭ་ཏིའི་བུ་ཀླུའི་རྒྱལ་པོ་ཆེན་པོ་དེ་དེར་གནས་པར་བྱེད་པར་འགྱུར་བ་དང་། ཕྱོགས་བཞིར་ཆུ་ཀླུང་ཆེན་པོ་བཞི་ཡང་གཏོང་བར་འགྱུར་བ་དང་། དེ་དག་གིས་རྐང་གཉིས་པ་དང་། རྐང་
D101.048.0164b03.01བཞི་པ་དག་གི་སྐོམ་པས་འཇིགས་པའི་དོན་བྱེད་པར་འགྱུར་བ་དང་། འབྲུ་དང་། སྨན་དང་། ཤིང་ལྗོན་པ་དང་། ནགས་ཚལ་དག་མངོན་པར་སྐྱེད་པར་འགྱུར་བ་དང་། རིན་པོ་ཆེའི་འབྱུང་གནས་རྒྱ་མཚོ་ཆེན་པོ་ཡང་ཀུན་དུ་ཚིམ་པར་བྱེད་པར་འགྱུར་བ་དེ་ལྟ་བུར་རིག་པར་བྱ་
D101.048.0164b04.01བ་ཡིན་ནོ། །ཤ་ར་དྭ་ཏིའི་བུ་དེ་བཞིན་དུ། བྱང་ཆུབ་སེམས་དཔའི་སེམས་བསྐྱེད་པ་དེ་རབ་ཏུ་གནས་པ་ན། བྱང་ཆུབ་སེམས་དཔའ་དེ་དེ་ལ་གནས་པ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། ཆོས་ཀྱི་ཆུ་ཀླུང་རྣམ་པ་བཞི་
D101.048.0164b05.01པོ་འདི་ལྟ་སྟེ། དོན་སོ་སོ་ཡང་དག་པར་རིག་པའི་ཆུ་ཀླུང་དང་། ཆོས་སོ་སོ་ཡང་དག་པར་རིག་པའི་ཆུ་ཀླུང་དང་། ངེས་པའི་ཚིག་སོ་སོ་ཡང་དག་པར་རིག་པའི་ཆུ་ཀླུང་དང་། སྤོབས་པ་སོ་སོ་ཡང་དག་པར་རིག་པའི་ཆུ་ཀླུང་དག་གཏོང་བར་བྱེད་པར་འགྱུར་བ་དང་། སྟོང་པ་
D101.048.0164b06.01ཉིད་དང་། མཚན་མ་མེད་པ་དང་། སྨོན་པ་མེད་པ་དང་། འཕགས་པའི་ལམ་ཡན་ལག་བརྒྱད་པའི་སྒྲ་དབྱངས་ཀྱི་ང་རོ་ཅན་གྱི་ཆོས་དཀོན་མཆོག་གི་ཆུ་དེ་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་གྱི་ཆུས་སེམས་ཅན་གྲངས་མེད་
D101.048.0164b07.01