完整藏文原文 · 德格版页 当前仅加载第 48 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ནི་སེམས་ཅན་དེ་དག་ནི་དེ་ཙམ་དུ་དཀའ་བ་བྱེད་པ་ཡིན་ཏེ། ཤ་ར་དྭ་ཏིའི་བུ་འདི་ལྟ་སྟེ་དཔེར་ན་མི་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་གང་སུ་དག་ཇི་སྙེད་ཡོད་པ་དེ་དག་ཡིད་ལ་བྱེད་པ་གཅིག་པར་བྱས་ན། ཤ་ར་དྭ་ཏིའི་
D101.048.0132a01.01བུ་འདི་ཇི་སྙམ་དུ་སེམས། འོ་ན་མི་དེས་དཀའ་བ་བྱས་པ་ཡིན་ནམ། གསོལ་པ། བཅོམ་ལྡན་འདས་དཀའ་བ་བགྱིས་པ་ལགས་སོ། །བཀའ་སྩལ་པ། ཤ་ར་དྭ་ཏིའི་བུ་དཀའ་བ་འདི་ནི་བྱང་ཆུབ་སེམས་དཔའི་དཀའ་བ་སྔ་མ་ལ་བརྒྱའི་ཆར་ཡང་ཉེ་བར་མི་འགྲོའོ། །
D101.048.0132a02.01སྟོང་གི་ཆ་དང་། འབུམ་གྱི་ཆར་ཡང་ཉེ་བར་མི་འགྲོ་བ་ནས་རྒྱུའི་བར་དུ་ཡང་མི་བཟོད་དོ། །ཤ་ར་དྭ་ཏིའི་བུ་འདི་ལྟ་སྟེ་དཔེར་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཚ་བ་འབར་བ་རབ་ཏུ་འབར་བ་ཀུན་ཏུ་རབ་ཏུ་འབར་བ། ཀུན་ཏུ་མེ་ལྕེར་གྱུར་པ་འདི་ནི་མེའི་ཕུང་པོ་དེ་
D101.048.0132a03.01མི་ལ་ལ་ཞིག་གིས་ཁའི་དབུགས་ཀྱིས་ཞི་བར་བྱས་ལ། ཁའི་དབུགས་ཅིག་ཤོས་ཀྱིས་ཁོར་ཡུག་དང་ཁོར་ཡུག་ཆེན་པོའི་རི་དག་དང་། རིའི་རྒྱལ་པོ་ཆེན་པོ་རི་རབ་དང་། རི་ཆེན་པོ་གཞན་དག་ཀྱང་ཀུན་ཏུ་གནས་པར་བྱས་ཤིང་། རྒྱ་མཚོ་ཆེན་པོ་དང་། གླིང་རྣམས་དང་།
D101.048.0132a04.01གཞལ་མེད་ཁང་དག་དང་། ཀུན་དགའ་ར་བ་ཉམས་དགའ་བ་དག་དང་། ནགས་ཚལ་ཉམས་དགའ་བ་དག་དང་། ཆུ་བོ་ཉམས་དགའ་བ་དག་དང་། རྫིང་ཉམས་དགའ་བ་དག་དང་། གྲོང་དག་གམ་གྲོང་རྡལ་དག་གམ། ལྗོངས་དག་གམ་ལྗོངས་ཀྱི་ཕྱོགས་དག་ཀུན་དུ་གནས་པར་བྱས། སོ་
D101.048.0132a05.01སོར་གནས་པར་བྱས་ན། ཤ་ར་དྭ་ཏིའི་བུ་འདི་ཇི་སྙམ་དུ་སེམས། མི་དེས་དཀའ་བ་བྱས་པ་ཡིན་ནམ། གསོལ་པ། བཅོམ་ལྡན་འདས་དཀའ་བ་བགྱིས་པ་ལགས་སོ། །བཀའ་སྩལ་པ། ཤ་ར་དྭ་ཏིའི་བུ་དཀའ་བ་འདིས་ནི་བྱང་ཆུབ་སེམས་དཔའི་དཀའ་བ་སྔ་མ་ལ་བརྒྱའི་ཆར་
D101.048.0132a06.01ཡང་ཉེ་བར་མི་འགྲོའོ། །སྟོང་གི་ཆ་དང་། འབུམ་གྱི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་མི་བཟོད་དོ། །ཤ་ར་དྭ་ཏིའི་བུ་འདི་ལྟ་སྟེ། དཔེར་ན་མི་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་བཤིགས་ཤིང་
D101.048.0132a07.01