完整藏文原文 · 德格版页 当前仅加载第 48 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཕུལ་ཏེ། བདག་ཉིད་ཀྱང་རིམ་གྲོ་དང་བསྙེན་བཀུར་བྱ་བའི་ཕྱིར་ཕུལ་བས་དེ་ནི་བདག་གི་ལེགས་པར་བྱས་པ་ཡིན་ན། གང་མི་འདིས་ཆོས་སྨྲ་བ་འོད་གྲགས་པའི་སྤྱོད་ཡུལ་མ་ཡིན་པའི་ཚིག་སྨྲས་པ་དེ་ནི་བདུད་ཀྱི་ལས་ཡིན་ནོ། །དེ་ཅིའི་ཕྱིར་ཞེ་ན། དེ་ནི་གནས་མེད་སྐབས་མེད་པའི་
D101.048.0137b01.01ཕྱིར་ཏེ། གང་དེ་བཞིན་གཤེགས་པས་བྱིན་གྱིས་བརླབས་པའི་སེམས་ཅན་རྣམས་ཀྱི་སྤྱོད་ཡུལ་དེ་དག་ཡིན་ནོ་ཞེས་བྱ་བ་དེ་ནི་གནས་མེད་དེ། གདོན་མི་ཟ་བར་འདི་ནི་བདུད་དམ། བདུད་ཀྱི་རིས་ཀྱི་ལྷའམ། བདུད་ཀྱིས་བྱིན་གྱིས་བརླབས་པའི་མི་ཞིག་ཡིན་ནོ། །དེ་ཅིའི་ཕྱིར་ཞེ་
D101.048.0137b02.01ན། ཇི་ལྟར་བདག་གིས་ཆོས་སྨྲ་བ་འོད་གྲགས་པ་ལས་ཆོས་བསྟན་པ་བཟུང་བའི་ཆོས་བསྟན་པ་དེ་ལ་ནི་མཚན་ཉིད་དེ་དག་མེད་པའི་ཕྱིར་ཏེ། བདག་གིས་ནི་བུད་མེད་དེ་ལ་རྣམ་པར་བལྟ་བར་བྱ། བུད་མེད་ཀྱི་ཆོས་ལ་རྣམ་པར་བལྟ་བར་བྱ། སྐྱེས་པ་ལ་ཡང་རྣམ་པར་བལྟ་བར་བྱ། སྐྱེས་
D101.048.0137b03.01པའི་ཆོས་ལ་ཡང་རྣམ་པར་བལྟ་བར་བྱ་སྟེ། གལ་ཏེ་ཆོས་སྨྲ་བ་འོད་གྲགས་པ་དེ་དེ་བཞིན་གཤེགས་པས་བྱིན་གྱིས་བརླབས་པ་ཡིན་ལ། བདག་སྤྲུལ་པ་ཡང་དག་པ་མ་ཡིན་པ་དེ་ཉིད་ཀྱི་དབང་གིས་སོང་ན་ནི་དེ་བཞིན་གཤེགས་པ་ལ་བདག་གིས་སྐུར་པ་བཏབ་པར་འགྱུར་ཞིང་། དེ་བཞིན་
D101.048.0137b04.01གཤེགས་པའི་ཆོས་ཉིད་ལ་ཡང་སྐུར་པ་བཏབ་པར་འགྱུར་ན། བདག་གིས་ནི་བསམ་པ་བཟང་པོའི་སྨོན་ལམ་གྱི་དབང་དང་། དེ་བཞིན་གཤེགས་པ་དེའི་བདེན་པའི་བྱིན་གྱི་རླབས་ཀྱིས་བདེན་པའི་བྱིན་གྱིས་བརླབས་བྱའོ་སྙམ་མོ། དེ་ནས་ཁྱིམ་བདག་བརྟན་པའི་སྡེས་དེའི་ཚེ། བདེན་
D101.048.0137b05.01པ་དང་བདེན་པའི་ཚིག་གང་གིས་ཆོས་སྨྲ་བ་དེ་བཅོམ་ལྡན་འདས་དེས་ཆོས་བསྟན་པའི་ཕྱིར་བྱིན་གྱིས་བརླབས་པ་ཡིན་ན། བདག་ལ་ཆོས་ཡོངས་སུ་བཙལ་བའི་ཕྱིར་ལྷག་པའི་བསམ་པ་ཡོད་པའི་བདེན་པ་དང་བདེན་པའི་ཚིག་དེས་བུད་མེད་དེ་དང་སྐྱེས་པ་དེ་མི་སྣང་བར་གྱུར་ཅིག་ཅེས་བདེན་པའི་
D101.048.0137b06.01བྱིན་གྱིས་བརླབས་བྱས་ཏེ། ཤ་ར་དྭ་ཏིའི་བུ་ཁྱིམ་བདག་དེའི་བདེན་པའི་བྱིན་གྱི་རླབས་ཀྱིས་བུད་མེད་དེ་དང་སྐྱེས་པ་དེ་ཡང་མི་སྣང་བར་གྱུར་ཏོ། །བདུད་ཀྱི་རིས་དེ་དག་མི་སྣང་བར་གྱུར་ནས། དེ་ནས་ཁྱིམ་བདག་བརྟན་པའི་སྡེ་བསམ་པ་འདི་ལ་ཞུགས་ཏེ། གང་ཆོས་སྨྲ་བ་འོད་གྲགས་པས་
D101.048.0137b07.01