完整藏文原文 · 德格版页 当前仅加载第 48 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ནི་སྡིག་པའི་ལས་མངོན་པར་འདུ་མི་བྱ་བའི་སྐྱབས་ཡིན། ཤ་ར་དྭ་ཏིའི་བུ་བྱང་ཆུབ་ཀྱི་སེམས་ནི་མི་ཁོམ་པ་ཐམས་ཅད་རྣམ་པར་སྤོང་བ་ཉིད་ཀྱི་སྐྱབས་ཡིན་ཏེ། ཤ་ར་དྭ་ཏིའི་བུ་བཞི་པོ་དེ་དག་ནི་སྐྱབས་ཡིན་ནོ། །ཤ་ར་དྭ་ཏིའི་བུ་བཞི་པོ་འདི་དག་ནི་བདེ་བ་ཡིན་ཏེ། བཞི་གང་ཞེ་ན། དེ་བཞིན་
D101.048.0178a01.01གཤེགས་པ་མཐོང་བ་ཡིན། དལ་བ་ཕུན་སུམ་ཚོགས་པ་ཡིན། དེ་བཞིན་གཤེགས་པས་རབ་ཏུ་བསྟན་པའི་ཆོས་འདུལ་བ་ལ་དད་པ་རྙེད་པ་ཡིན། ལྟ་བ་དྲང་པོ་དང་ཕུན་སུམ་ཚོགས་པ་ཡིན་ཏེ། ཤ་ར་དྭ་ཏིའི་བུ་བཞི་པོ་དེ་དག་ནི་བདེ་བ་ཆེན་པོ་ཡིན་ནོ། །ཤ་ར་དྭ་ཏིའི་བུ་བཞི་པོ་འདི་དག་ནི་ནད་མེད་པ་ཡིན་ཏེ།
D101.048.0178a02.01བཞི་གང་ཞེ་ན། འབྱུང་བ་ཆེན་པོ་རྣམས་ཀྱི་ཁམས་སྙོམས་པ་ཉིད་ནད་མེད་པ་ཡིན། ཡང་དག་པའི་ལྟ་བར་སེམས་དྲང་པོ་ཉིད་ནད་མེད་པ་ཡིན། དེ་བཞིན་གཤེགས་པའི་བསྟན་པ་ལ་དད་པ་རྙེད་ཅིང་ཕུན་སུམ་ཚོགས་པའི་བདེ་བ་ཐམས་ཅད་རྙེད་པ་ཉིད་ནད་མེད་པ་ཡིན། སེམས་ཅན་གྲངས་མེད་དཔག་ཏུ་མེད་
D101.048.0178a03.01པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་རྙེད་ཅིང་ཉོན་མོངས་པ་རྣམ་པར་འཇོམས་པ་ཉིད་ནད་མེད་པ་ཆེན་པོ་ཡིན་ཏེ། ཤ་ར་དྭ་ཏིའི་བུ་བཞི་པོ་དེ་དག་ནི་ནད་མེད་པ་ཡིན་ནོ། །ཤ་ར་དྭ་ཏིའི་བུ་བཞི་པོ་འདི་དག་ནི་རེ་བ་ཡིན་ཏེ། བཞི་གང་ཞེ་ན། ནད་པ་འཚོ་བར་རེ་བ་དང་། བགྲེས་པ་
D101.048.0178a04.01ཟས་རེ་བ་དང་། སྡུག་བསྔལ་ཞིང་སྡུག་བསྔལ་གྱིས་གཟིར་བ་བདེ་བ་ལ་མངོན་པར་དགའ་བའི་རེ་བ་དང་། དགོན་པ་ཆེན་པོའི་ལམ་དུ་ཞུགས་པ་བདེ་བར་རེ་བ་ཡིན་ཏེ། ཤ་ར་དྭ་ཏིའི་བུ་བཞི་པོ་དེ་དག་ནི་རེ་བ་ཡིན་ནོ། །ཤ་ར་དྭ་ཏིའི་བུ་བཞི་པོ་འདི་དག་ནི་གང་ལ་ལྷག་པར་ཞེན་པའི་སེམས་ཅན་རྣམས་ངན་སོང་དུ་འགྲོ་
D101.048.0178a05.01བར་འགྱུར་བའི་ལྷག་པར་ཞེན་པ་ཡིན་ཏེ། བཞི་གང་ཞེ་ན། ལུས་ལ་ལྷག་པར་ཞེན་པ་དང་། སྲོག་ལ་ལྷག་པར་ཞེན་པ་དང་། ལོངས་སྤྱོད་ལ་ལྷག་པར་ཞེན་པ་དང་། འདོད་པ་ལ་ལྷག་པར་ཞེན་པ་ཡིན་ཏེ། ཤ་ར་དྭ་ཏིའི་བུ་བཞི་པོ་དེ་དག་ནི་གང་ལ་ལྷག་པར་ཞེན་པའི་སེམས་ཅན་རྣམས་ངན་སོང་དུ་འགྲོ་བར་
D101.048.0178a06.01འགྱུར་བ་ལྷག་པར་ཞེན་པ་ཡིན་ནོ། །ཤ་ར་དྭ་ཏིའི་བུ་བདུན་པོ་འདི་དག་ནི་གནས་ཡིན་ཏེ། བདུན་གང་ཞེ་ན། མ་ཞུ་བའི་གནས་དང་། ཞུ་བའི་གནས་དང་། བད་ཀན་གྱི་གནས་དང་། མཁྲིས་པའི་གནས་དང་། རླུང་གི་གནས་དང་། ལྟ་བའི་གནས་དང་། ཤ་ར་དྭ་ཏིའི་བུ་འདི་ལྟ་སྟེ། འདོད་པ་ལ་ལྷག་པར་ཞེན་པ་འདི་
D101.048.0178a07.01