完整藏文原文 · 德格版页 当前仅加载第 48 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་དེ་དག་ཏུ་གོམ་པ་གཅིག་གིས་གཤེགས་པར་མཛད་ཀྱང་དེ་བཞིན་གཤེགས་པའི་སྤྱོད་ལམ་རྣམ་པར་འཁྲུག་པར་ཡང་མི་འགྱུར་ལ། དེ་བཞིན་གཤེགས་པས་ད་དུང་རྫུ་འཕྲུལ་གྱི་ཕ་རོལ་ཏུ་ཕྱིན་པའི་རྣམ་པ་ཐམས་ཅད་ཀུན་ཏུ་བསྟན་པ་ཡང་མ་ཡིན་ནོ། །སེ་གོལ་གཏོགས་
D101.048.0046b01.01པ་ཙམ་གཅིག་གིས་ཀྱང་བྱེ་མའི་ཕུང་པོ་དེ་དག་ཇི་སྙེད་ཡོད་པ་དེ་སྙེད་ཁོ་ནའི་འཇིག་རྟེན་གྱི་ཁམས་དག་ཏུ་གོམ་པས་གཤེགས་པ་གཅིག་གིས་གཤེགས་པར་མཛད་དོ། །སེ་གོལ་གཏོགས་པ་ཙམ་གྱི་ཚུལ་དེས་ཀྱང་ཤར་ཕྱོགས་སུ་གཤེགས་པ་ནས། ཕྱོགས་བཅུར་
D101.048.0046b02.01གཤེགས་པའི་བར་གྱིས་ཞག་གཅིག་གམ། ཟླ་བ་ཕྱེད་དམ། ཟླ་བ་གཅིག་ནས་ལོ་གཅིག་གི་བར་དུའམ། ལོ་བརྒྱ་ནས་ལོ་སྟོང་ངམ། ལོ་འབུམ་གྱི་བར་དུ་གཤེགས་པར་མཛད་ཅིང་། ཕྱོགས་རེ་རེར་ཡང་ལོ་བྱེ་བ་ཕྲག་འབུམ་གྱི་བར་དུ་གཤེགས་པར་མཛད་དོ། །བརྟན་
D101.048.0046b03.01པའི་བློ་གྲོས་འོ་ན་དེ་ལྟར་འཇིག་རྟེན་གྱི་ཁམས་དེ་དག་ཇི་སྙེད་ཡོད་པར་དེ་བཞིན་གཤེགས་པས་བྱོན་པའི་འཇིག་རྟེན་གྱི་ཁམས་དེ་དག་མང་བ་ཡིན་ནམ། གསོལ་པ་བཅོམ་ལྡན་འདས་མང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བརྟན་པའི་བློ་གྲོས་གལ་ཏེ་
D101.048.0046b04.01བསོད་ནམས་ཀྱི་ཕུང་པོ་དེ་གཟུགས་ཅན་ཞིག་ཏུ་གྱུར་ན་ནི་རེ་ཞིག་འཇིག་རྟེན་གྱི་ཁམས་དེ་སྙེད་དུ་ཡང་མི་ཤོང་སྟེ་ཕལ་ཆེར་ལྷག་པར་འགྱུར་རོ། །བརྟན་པའི་བློ་གྲོས་དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བསོད་ནམས་ཀྱི་ཕུང་པོ་
D101.048.0046b05.01གྲངས་མེད་པ་དེ་རབ་ཏུ་མཁྱེན་ཏེ། དཔག་ཏུ་མེད་པ། བགྲང་དུ་མེད་པ། ཚད་མེད་པ། བརྗོད་དུ་མེད་པ། བགྲང་བ་ལས་འདས་པ་རབ་ཏུ་མཁྱེན་ཏོ། །བརྟན་པའི་བློ་གྲོས་གང་གིས་བསོད་ནམས་ཀྱི་ཕུང་པོ་དེ་ཤེས་པར་ནུས་པའི་ཡི་གེའི་གྲངས་སམ། ཡིག་འབྲུའི་གྲངས་
D101.048.0046b06.01སམ། བགྲང་བའི་གྲངས་དེ་ངས་རབ་ཏུ་མི་ཤེས་ཏེ། གཞན་དུ་ན་གྲངས་མེད་པའི་གྲངས་ཁོ་ན་དང་། དཔག་ཏུ་མེད་པའི་གྲངས་ཁོ་ནར་འགྱུར་བར་ཟད་དོ། །བྱང་ཆུབ་ཏུ་སེམས་བསྐྱེད་པ་དང་དམ་པའི་ཆོས་ཡོངས་སུ་ཚོལ་བའི་བསོད་ནམས་ཀྱི་བསྔགས་པ་བརྗོད་པའི་
D101.048.0046b07.01