完整藏文原文 · 德格版页 当前仅加载第 48 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ནུབ་པར་བྱེད་པར་འགྱུར་ཏེ། བཟང་སྐྱོང་དེ་ལྟ་བས་ན་ང་ཡོངས་སུ་མྱ་ངན་ལས་འདས་ནས། མི་བླུན་པོ་དེ་དང་དེ་དག་མེའི་མཆོད་སྦྱིན་པ་རལ་པ་ཅན་ལྟ་བུ་དང་། རྒན་ཞུགས་ལྟ་བུ་དང་། རྨུན་པོ་ལྟ་བུར་ཡང་འགྱུར་རོ། །བཟང་སྐྱོང་དེ་དག་ནི་དམིགས་པ་དང་བཅས་པ་དང་།
D101.048.0025b01.01སྤྲོས་པ་དང་བཅས་པ་དང་། མངོན་པར་འདུ་བྱེད་པ་དང་བཅས་པ་དང་། འཇིག་རྟེན་པའི་ཡང་དག་པའི་ལྟ་བས་ངའི་ལས་དང་བྱེད་པ་ལ་འཇུག་པར་བྱེད་ཅིང་། སངས་རྒྱས་ཀྱི་ཡེ་ཤེས་ཅུང་ཟད་ཙམ་རྗོད་པར་བྱེད་པ་གང་དག་ཡིན་པ་དེ་དང་དེ་དག་ནི་ངའི་བསྔགས་པ་མ་
D101.048.0025b02.01ཡིན་པ་སྨྲ་བ་དག་སྟེ། དེ་དག་ངེས་པར་འབྱུང་བར་མ་ཡིན་པར་སྨྲ་བའོ་ཞེས་ང་སྨྲའོ། །དེ་ཅིའི་ཕྱིར་ཞེ་ན། བཟང་སྐྱོང་དེ་དང་དེ་དག་ནི་བསྐལ་པ་གྲངས་མེད་པ་བྱེ་བས་ཡང་དག་པར་བསྒྲུབས་པའི་བྱང་ཆུབ་དེ་སྤོང་བའི་མེ་མདག་ཕྲ་མོ་དག་གིས་སྲེག་པར་བྱེད་པ་ཡིན་
D101.048.0025b03.01ཏེ། བཟང་སྐྱོང་དེ་དག་ནི་དེ་བཞིན་གཤེགས་པའི་བསྔགས་པ་མ་ཡིན་པ་སྨྲ་བ་དག་དང་། འཁྲུག་ལོང་བྱེད་པ་དག་ཡིན་ནོ། །བཟང་སྐྱོང་དེ་བཞིན་གཤེགས་པའི་བསྔགས་པ་སྨྲ་བ་དག་དང་། གསུངས་པ་སྨྲ་བ་དེ་དག་ཀྱང་གང་ཞེ་ན། བཟང་སྐྱོང་ཆོས་
D101.048.0025b04.01ཐམས་ཅད་འཛིན་པ་མེད་པ་དག་དང་། སྤྲོས་པ་མེད་པ་དག་དང་། མངོན་པར་འདུ་བྱེད་པ་མེད་པ་དག་དང་། དུས་གསུམ་རྗེས་སུ་ཚོལ་བ་དག་དང་། ཡི་གེ་མེད་པ་དག་དང་། འདོར་བ་མེད་པ་དག་སྟེ། བཟང་སྐྱོང་དེ་དང་དེ་དག་ནི་དེ་བཞིན་གཤེགས་པའི་བསྔགས་པ་སྨྲ་བ་
D101.048.0025b05.01དག་དང་། གདགས་པ་མི་བྱེད་པ་དག་དང་། སངས་རྒྱས་ཀྱི་སྲས་དག་དང་། ཐུགས་ཀྱི་སྲས་དག་དང་། ཆོས་ལས་སྐྱེས་པ་དག་ཡིན་ནོ། །བཟང་སྐྱོང་མདོ་སྡེ་འདི་ལྟ་བུ་སྟོན་པ་དང་། མདོ་སྡེ་འདི་ལྟ་བུ་ཡང་དག་པར་ལེན་པ་གང་དག་ཡིན་པ་དེ་དང་དེ་དག་ནི་བཟང་སྐྱོང་དེ་
D101.048.0025b06.01བཞིན་གཤེགས་པས་གསུངས་པ་སྨྲ་བ་དག་དང་། ཆོས་སྨྲ་བ་དག་དང་། དེ་བཞིན་གཤེགས་པའི་བསྟན་པ་ལ་ཆོས་ཀྱི་རྗེས་སུ་འཐུན་པའི་ཆོས་ལ་ཞུགས་པ་དག་དང་། ངའི་སྲས་དག་དང་། ཐུགས་ཀྱི་སྲས་དག་དང་། ཞལ་ནས་སྐྱེས་པ་དག་དང་། ངས་བྱིན་གྱིས་
D101.048.0025b07.01