完整藏文原文 · 德格版页 当前仅加载第 33 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་ངུའི་མདུན་དུ་འདུག་ནས་འདི་སྐད་ཅེས་རིགས་ཀྱི་བུ་ཁྱོད་དེ་ལྟ་བུའི་ཡི་དམ་ལ་བརྟན་པ་དང་། དེ་ལྟ་བུའི་ཆོས་དོན་དུ་གཉེར་པ་འདི་ནི་ལེགས་སོ་ལེགས་སོ། །སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D12.033.0271a01.01རྫོགས་པའི་སངས་རྒྱས་དག་གིས་ཀྱང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། ཤེས་རབ་ཀྱི་ཕ་རོལ་ཏུ་ཕྱིན་པ་དང་ཐབས་མཁས་པ་ཡོངས་སུ་ཞུས་པས་ཆོས་རིན་པོ་ཆེ་ཤིན་ཏུ་ཐོབ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །རིགས་ཀྱི་བུ་ང་
D12.033.0271a02.01ལ་སྙིང་དང་ཁྲག་དང་རུས་པ་དང་རྐང་གིས་བྱ་བ་མེད་ཀྱི། ང་ཁྱོད་སད་པའི་ཕྱིར་འདིར་འོངས་ཀྱིས། རིགས་ཀྱི་བུ་ཁྱོད་ཀྱིས་མཆོག་སློངས་ཤིག །རིགས་ཀྱི་བུ་ཁྱོད་ལ་མཆོག་ཅི་ལྟ་བུ་ཞིག་སྦྱིན་པར་བྱ་ཞེས་སྨྲས་སོ། །དེས་དེ་ལ་སྨྲས་པ། བརྒྱ་བྱིན་སངས་རྒྱས་ཀྱི་ཆོས་བླ་ན་མེད་པ་དག་བདག་
D12.033.0271a03.01ལ་སྩོལ་ཅིག །བརྒྱ་བྱིན་གྱིས་སྨྲས་པ། རིགས་ཀྱི་བུ་ཡུལ་འདི་ལ་ནི་ངའི་ནུས་པ་ཡོད་པ་མ་ཡིན་ཏེ། ཡང་ཡུལ་འདི་སངས་རྒྱས་བཅོམ་ལྡན་འདས་རྣམས་ཀྱི་ཡུལ་དུ་གྱུར་པ་ཡིན་གྱིས། མཆོག་གཞན་སློངས་ཤིག །རྟག་ཏུ་ངུས་སྨྲས་པ། བདག་གི་ལུས་ཡོངས་སུ་རྫོགས་
D12.033.0271a04.01པར་བྱ་བའི་གནས་འདི་ལ་ནི་ལྷའི་དབང་པོ་བརྒྱ་བྱིན་ཁྱོད་བརྩོན་པ་ཆུང་བར་གྱིས་ཤིག །ལྷའི་དབང་པོ་ངའི་ལུས་འདི་ལ་བདག་ཉིད་ཀྱིས་བདེན་པའི་བྱིན་གྱི་རླབས་བྱའོ། །ལྷའི་དབང་པོ་བདེན་པ་གང་གིས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་དེ་བཞིན་
D12.033.0271a05.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ལུང་བསྟན་ཅིང་། བདག་གི་ལྷག་པའི་བསམ་པ་གཡོ་མེད་པར་མཁྱེན་ན། བདེན་པ་དེ་དང་བདེན་པའི་ཚིག་དེས་བདག་གི་ལུས་སྔོན་གྱི་ཅི་ལྟ་བ་བཞིན་དུ་གྱུར་ཅིག་ཅེས་བྱས་པ་དང་། དེ་ནས་སྐད་ཅིག་
D12.033.0271a06.01ཐང་ཅིག་ཡུད་ཙམ་དེ་ལ་སངས་རྒྱས་ཀྱི་མཐུ་དང་། ལྷག་པའི་བསམ་པ་ཡོངས་སུ་དག་པས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་ངུའི་ལུས་སྔོན་གྱི་ཅི་ལྟ་བ་བཞིན་དུ་གནས་པ་དང་། ནད་མེད་པ་དང་གནོད་པ་མེད་པར་གྱུར་ཏོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་
D12.033.0271a07.01