完整藏文原文 · 德格版页 当前仅加载第 33 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
འདྲིའོ་ཡོངས་སུ་མ་དྲིས་པས་མངོན་པར་མི་དད་དོ་མངོན་པར་མ་དད་པས་འཁོར་དེ་ནས་འབྱོལ་ཏེ། དེ་དག་གཞི་དེ་ལས་ཆོས་ཀྱིས་ཕོངས་པར་འགྱུར་བ་དང་མཐུན་པའི་ལས་བྱས་ཤིང་བསགས་ལ་ཀུན་ནས་བསགས་ཤིང་ཉེ་བར་བསགས་པས་ད་ལྟར་ཡང་ཤེས་རབ་ཀྱི་ཕ་
D12.033.0101a01.01རོལ་ཏུ་ཕྱིན་པ་ཟབ་མོ་འདི་འཆད་པ་དང་སྟོན་པ་དང་ཉེ་བར་སྟོན་པ་ན་མ་གུས་བར་འབྱོལ་ཞིང་མ་དད་ལ་མོས་པར་མི་བྱེད་པས་ལུས་དང་སེམས་ཀྱིས་ཚོགས་བསྒྲུབ་པར་མི་བྱེད་དོ། །ཚོགས་པ་སྒྲུབ་པར་མི་བྱེད་པས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་མི་ཤེས་མི་མཐོང་ཁོང་དུ་མི་ཆུད་རིག་པར་
D12.033.0101a02.01མི་བྱེད་དེ། དེ་དག་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མ་དད་པར་འགྱུར་རོ་མ་དད་པ་ནི་མི་ཉན་ཏོ་མི་ཉན་པ་ནི་མི་ཤེས་སོ་མ་ཤེས་པས་ནི་མི་མཐོང་ངོ་མ་མཐོང་བས་ནི་ཁོང་དུ་མི་ཆུད་དོ། །ཁོང་དུ་མ་ཆུད་པ་ནི་ཆོས་ཀྱིས་ཕོངས་པར་འགྱུར་བ་དང་མཐུན་པའི་ལས་བྱེད་ཡང་དག་པར་སོགས་
D12.033.0101a03.01པར་བྱེད། ཀུན་དུ་སོགས་པར་བྱེད་ཉེ་བར་སོགས་པར་བྱེད་དོ། །དེ་དག་ཆོས་ཀྱིས་ཕོངས་པར་འགྱུར་བ་དང་མཐུན་པའི་ལས་བྱས་པ་དང་བསགས་པ་དང་ཀུན་ནས་བསགས་པ་དང་ཉེ་བར་བསགས་པ་དེས་ཤེས་རབ་འཆལ་བར་འགྱུར་བ་དང་མཐུན་པའི་ལས་མངོན་པར་འདུ་བྱེད་པར་
D12.033.0101a04.01འགྱུར་རོ། །དེ་དག་ཤེས་རབ་འཆལ་བར་འགྱུར་བ་དང་མཐུན་པའི་ལས་མངོན་པར་འདུས་བྱས་པ་དང་བསགས་པ་དང་ཀུན་ནས་བསགས་པ་དང་ཉེ་བར་བསགས་པ་དེས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཆད་པ་དང་སྟོན་པ་དང་ཉེ་བར་སྟོན་པ་ན་སྤོང་བར་འགྱུར་སྐུར་བར་འགྱུར་མི་སྙན་པ་བརྗོད་
D12.033.0101a05.01པར་འགྱུར་ཏེ། སྐུར་ནས་ཀྱང་འབྱོལ་བར་འགྱུར་རོ། །རབ་འབྱོར་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྤོང་བ་དང་སྐུར་པ་དང་མི་སྙན་པར་བརྗོད་པས་ནི་འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཐམས་ཅད་མཁྱེན་པ་ཉིད་སྤངས་པར་འགྱུར་སྐུར་
D12.033.0101a06.01པར་འགྱུར་མི་སྙན་པར་བརྗོད་པར་འགྱུར་ཏེ། དེ་དག་ནི་རང་གི་རྒྱུད་བཅོམ་ཞིང་བསྲེགས་ནས་བློ་ཆུང་བ་ཤེས་རབ་ཆུང་བ་བསོད་ནམས་ཆུང་བ་དགེ་བའི་རྩ་བ་ཆུང་བའི་གང་ཟག་དད་པ་ཙམ་དང་ལྡན་པ་དགའ་བ་ཙམ་དང་ལྡན་པ། དང་བ་ཙམ་དང་ལྡན་པ་འདུན་པ་ཙམ་དང་ལྡན་པ་ལས་དང་པོ་བ་སྐལ་བ་མེད་
D12.033.0101a07.01