完整藏文原文 · 德格版页 当前仅加载第 33 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱས་པ་མ་ཡིན་ལན་ཅིག་ཕྱིར་འོང་བའི་འབྲས་བུ་ཡོངས་སུ་གསལ་བར་བྱས་པ་མ་ཡིན་ཕྱིར་མི་འོང་བའི་འབྲས་བུ་ཡོངས་སུ་གསལ་བར་བྱས་པ་མ་ཡིན། དགྲ་བཅོམ་པ་ཉིད་ཡོངས་སུ་གསལ་བར་བྱས་པ་མ་ཡིན། རང་སངས་རྒྱས་ཉིད་ཡོངས་སུ་གསལ་བར་
D12.033.0099a01.01བྱས་པ་མ་ཡིན་སངས་རྒྱས་ཉིད་ཡོངས་སུ་གསལ་བར་བྱས་པ་མ་ཡིན་ནོ། །གནས་བརྟན་རབ་འབྱོར་གྱིས་གསོལ་པ། བཅོམ་ལྡན་འདས་འདི་ལྟ་སྟེ་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཕ་རོལ་ཏུ་ཕྱིན་པ་ཆེན་པོ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ཅི་སྙམ་
D12.033.0099a02.01དུ་སེམས་རྣམ་གྲངས་གང་གིས་འདི་ལྟ་སྟེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཕ་རོལ་ཏུ་ཕྱིན་པ་ཆེན་པོ་ཡིན། །གནས་བརྟན་རབ་འབྱོར་གྱིས་གསོལ་པ། བཅོམ་ལྡན་འདས་གཟུགས་ཆེན་པོར་མི་བགྱིད་ཆུང་ངུར་མི་བགྱིད་གཟུགས་སྡུད་པར་མི་བགྱིད་གཡེངས་པར་མི་བགྱིད་དོ། །
D12.033.0099a03.01དེ་བཞིན་དུ་ཚོར་བ་མ་ལགས་འདུ་ཤེས་མ་ལགས་འདུ་བྱེད་རྣམས་མ་ལགས་ཏེ་བཅོམ་ལྡན་འདས་རྣམ་པར་ཤེས་པ་ཆེན་པོར་མི་བགྱིད་ཆུང་ངུར་མི་བགྱིད་རྣམ་པར་ཤེས་པ་སྡུད་པར་མི་བགྱིད་གཡེངས་པར་མི་བགྱིད་དོ། །དེ་བཞིན་གཤེགས་པ་རྣམས་ཀྱི་དེ་བཞིན་གཤགས་པའི་སྟོབས་གང་
D12.033.0099a04.01ལགས་པ་དེ་དག་ཀྱང་སྟོབས་དང་ལྡན་པར་ཡང་མི་བགྱིད་སྟོང་སམ་མཆིས་པར་ཡང་མི་བགྱིད་སྡུད་པར་མི་བགྱིད་གཡེངས་བར་མི་བགྱིད་དོ། །ཐམས་མཁྱེན་པ་གང་ལགས་པ་དེ་ཡང་ཆེན་པོར་མི་བགྱིད་ཆུང་ངུར་མི་བགྱིད་སྡུད་བར་མི་བགྱིད་གཡེངས་བར་མི་བགྱིད་དོ། །དེ་ཅིའི་སླད་དུ་
D12.033.0099a05.01ཞེ་ན། བཅོམ་ལྡན་འདས་ཐམས་ཅད་མཁྱེན་པ་ཉིད་ནི་མ་བསྡུས་མ་གཡེངས་པ་ལགས་སོ། །བཅོམ་ལྡན་འདས་བྱང་ཆུབ་སེམས་དབའ་སེམས་དཔའ་ཆེན་པོ་གལ་ཏེ་དེ་ལྟར་འཚལ་ན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་སྤྱོད་པ་མ་ལགས་ན། བདག་ནི་ཐམས་ཅད་མཁྱེན་པའི་ཡེ་ཤེས་
D12.033.0099a06.01དང་ལྡན་པ་སྟེ་འདི་ལྟར་སེམས་ཅན་རྣམས་ལ་ཆོས་བསྟན་བར་བྱའོ་འདི་ལྟར་སེམས་ཅན་འདི་དག་ཡོངས་སུ་མྱ་ངན་ལས་བཟླ་བར་བྱའོ་སྙམ་དུ་འཚལ་བ་ལྟ་སྨོས་སུ་ཅི་མཆིས། དེ་ཅིའི་སླད་དུ་ཞེ་ན། སེམས་ཅན་འདི་དག་ཡོངས་སུ་མྱ་ངན་ལས་བཟླའོ་སྙམ་པ་གང་ལགས་པ་འདི་ནི་ཤེས་རབ་ཀྱི་
D12.033.0099a07.01