完整藏文原文 · 德格版页 当前仅加载第 33 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ལ། ཆོས་ཉན་པ་གང་ཡིན་པ་དེ་དག་ནི་འཁོར་ལྷུར་བྱེད་པར་འགྱུར་བ་དང་། ཆོས་སྨྲ་བ་དེ་ཡང་འདི་སྐད་དུ་གང་ང་ལ་བསྙེན་པར་བྱེད་པ་དེ་དག་ལ་ནི་ངས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྦྱིན་ནོ་གང་ང་ལ་བསྙེན་པར་མི་བྱེད་པ་དེ་དག་ལ་ནི་མི་སྦྱིན་ནོ་ཞེས་ཟེར་
D12.033.0136a01.01བར་འགྱུར་ཞིང་། རིགས་ཀྱི་བུ་དང་རིགས་ཀྱི་བུ་མོ་དེ་དག་དེ་ལྟར་དོན་དུ་གཉེར་བ་དང་འདོད་པ་དང་ཆོས་ལ་གུས་པས་ཆོས་སྨྲ་བ་ལ་བསྙེན་པར་བྱེད་ཀྱང་གོ་སྐབས་འབྱེད་པར་མི་འགྱུར་བ་དང་། ཆོས་སྨྲ་བ་དེ་ཡང་ཟང་ཟིང་ཅུང་ཟད་ཙམ་འདོད་ལ་དེ་ཡང་སྦྱིན་པར་མི་འདོད་པ་དང་།
D12.033.0136a02.01གང་དག་གང་ན་མུ་གེ་དང་གྲུབ་པ་དང་བདེ་བ་མེད་པ་དང་སྲོག་གི་བར་ཆད་དུ་འགྱུར་བ་ཡོད་པ་དེ་དང་དེར་འགྲོ་བར་འགྱུར་ཏེ། ཆོས་ཉན་པ་དེ་དག་ཀྱང་གཞན་ལས་ཐོས་ནས་ཕྱོགས་དེར་མུ་གེ་བྱུང་སྟེ། གྲུབ་པ་དང་བདེ་བ་མེད་ཅིང་ཕྱོགས་དེར་སྲོག་གི་བར་ཆད་དུ་ཡང་འགྱུར་རོ་ཞེས་རིག་པ་
D12.033.0136a03.01དང་། ཆོས་སྨྲ་བ་དེ་ཡང་རིགས་ཀྱི་བུ་དེ་དག་ལ་འདི་སྐད་དུ་རིགས་ཀྱི་བུ་དག་ཕྱོགས་འདི་ཞེས་བྱ་བར་གལ་ཏེ་མུ་གེའི་འཇིགས་པ་བྱུང་སྟེ། རིགས་ཀྱི་བུ་ཁྱོད་དེར་དོང་ན་མུ་གེའི་འཇིགས་པས་ཕྱིས་འགྱོད་པར་གྱུར་ཏ་རེ་ཞེས་ཟེར་ནས། དེ་དག་དེ་ལྟར་ཆོས་སྨྲ་བ་དེས་ཐབས་ཕྲ་
D12.033.0136a04.01མོས་སྤོང་སྟེ། དེ་དག་ཀྱང་ཡིད་བྱུང་ནས་འདི་ལྟར་ཤེས་ཏེ། འདི་དག་ནི་སྤོང་བའི་མཚན་མ་ཡིན་གྱི་འདི་དག་ནི་སྦྱིན་པར་འདོད་པའི་མཚན་མ་མ་ཡིན་ཏེ། འདི་ནི་སྦྱིན་མི་འདོད་དོ་ཞེས་རིག་པས་བསྙེན་པར་མི་བྱེད་པར་འགྱུར་ཏེ། རབ་འབྱོར་འདི་ཡང་ཤེས་རབ་ཀྱི་ཕ་རོལ་ཏུ་
D12.033.0136a05.01ཕྱིན་པ་འདི་འདྲི་བ་དང་སློབ་པ་དང་སྟོན་པ་དང་ཉེ་བར་སྟོན་པ་དང་ལུང་འབོགས་པ་དང་། ཁ་ཏོན་བྱེད་པ་དེ་ལ་ཚོགས་པ་དང་མི་ལྡན་པར་གྱུར་ཏེ། རབ་འབྱོར་འདི་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་བདུད་ཀྱི་ལས་སུ་རིག་པར་བྱའོ། །རབ་འབྱོར་གཞན་ཡང་ཆོས་སྨྲ་
D12.033.0136a06.01བ་དེ་གང་ན་སྲོག་ཆགས་ཀྱི་འཇིགས་པ་ཡོད་པ་དང་གང་ན་གཅན་གཟན་གྱི་འཇིགས་པ་ཡོད་པ་དང་། གང་ན་མི་མ་ཡིན་པས་འཇིགས་པ་ཡོད་པ་དེར་འཇུག་པར་འགྱུར་ཏེ། དེར་འགྲོ་འམ་འདུག་པ་དང་། གཅན་གཟན་གྱི་དགོན་པ་འམ། སྡིག་སྦྲུལ་གྱི་དགོན་པ་དང་།
D12.033.0136a07.01