完整藏文原文 · 德格版页 当前仅加载第 33 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་དག་ཞུགས་ནས་རྩེ་འགའ་ཞིང་དགའ་མགུར་སྤྱོད་དོ། །ཆུ་དེ་དག་ཐམས་ཅད་ཀྱང་ཨུད་པ་ལ་དང་ཀུ་མུ་ད་དང་པད་མ་དཀར་པོ་དག་གིས་ཁེབས་པ། མེ་ཏོག་གི་རིགས་ཆེ་ཞིང་བཟང་ལ་དྲི་བཟང་པོའི་ངད་དང་ལྡན་པ་གཞན་དག་གིས་ཀྱང་ཁེབས་ཏེ། སྟོང་
D12.033.0264a01.01གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཡོད་པའི་མེ་ཏོག་གི་རིགས་ལས་དེ་ན་མེད་པ་གང་ཡང་མེད་དོ། །གྲོང་ཁྱེར་དེའི་ནང་ན་སྐྱེད་མོས་ཚལ་ལྔ་བརྒྱ་ཡོད་དེ། ཐམས་ཅད་ཀྱང་རིན་པོ་ཆེ་སྣ་བདུན་གྱི་རང་བཞིན་རྣམ་པར་བཀྲ་ཞིང་བལྟ་ན་སྡུག་པ་ཤ་སྟག་སྟེ། སྐྱེད་མོས་ཚལ་དེ་
D12.033.0264a02.01དག་རེ་རེ་ན་ཡང་རྫིང་བུ་ཁོ་ར་ཡུག་ཏུ་རྒྱང་གྲགས་ཀྱི་ཚད་ཙམ་ལྔ་བརྒྱ་ལྔ་བརྒྱ་ཡོད་དེ། རྫིང་བུ་དེ་དག་ཐམས་ཅད་ནས་རིན་པོ་ཆེ་སྣ་བདུན་གྱི་རང་བཞིན་གྱི་མེ་ཏོག་ཨུད་པ་ལ་དང་ཀུ་མུ་ད་དང་པད་མ་དཀར་པོ་རྣམ་པར་བཀྲ་ཞིང་བལྟ་ན་སྡུག་པ་དག་སྐྱེས་ཏེ་དེ་དག་གིས་ཆུ་དེ་ཁེབས་ཤིང་། ཨུད་
D12.033.0264a03.01པ་ལ་དང་ཀུ་མུ་ད་དང་པད་མ་དཀར་པོ་བཟང་པོ་དེ་དག་ཐམས་ཅད་ཀྱང་ཆུ་ཞེང་དུ་ཤིང་རྟའི་འཁོར་ལོ་ཙམ་སྟེ། དྲི་བཟང་བ་སྔོན་པོ་ཁ་དོག་སྔོན་པོ་སྔོན་པོར་སྟོན་པ་སྔོན་པོར་སྣང་བ། སེར་པོ་ཁ་དོག་སེར་པོ་སེར་པོར་སྟོན་པ་སེར་པོར་སྣང་བ། དམར་པོ་ཁ་དོག་དམར་པོ་དམར་པོར་
D12.033.0264a04.01སྟོན་པ་དམར་པོར་སྣང་བ། དཀར་པོ་ཁ་དོག་དཀར་པོ་དཀར་པོར་སྟོན་པ་དཀར་པོར་སྣང་བ་དག་ཡོད་དོ། །རྫིང་བུ་དེ་དག་ཐམས་ཅད་ན་ངང་ངུར་དང་ཁྲུང་ཁྲུང་དང་ཀཱ་རཎྜ་དང་ས་ར་ས་སྒྲ་འབྱིན་པ་དག་ཡོད་དོ། །སྐྱེད་མོས་ཚལ་དེ་དག་ཐམས་ཅད་ཀྱང་ང་ཡིར་བྱ་བ་མེད་ཅིང་ཡོངས་སུ་འཛིན་
D12.033.0264a05.01པ་མེད་དེ། འདི་ལྟར་ཡུན་རིང་པོར་སེམས་ཅན་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་། སངས་རྒྱས་ཀྱི་ཚུལ་ལ་གུས་པར་བྱེད་པ་རྗེས་སུ་འགྲོ་བའི་ཐོས་པ་དང་སེམས་པ་ལེགས་པར་རྟོགས་པ། ཡུན་རིང་པོར་ཆོས་ཟབ་མོ་ལ་མོས་པའི་སེམས་ཅན་དེ་དག་ཉིད་ཀྱི་སྔོན་གྱི་
D12.033.0264a06.01ལས་ཀྱི་རྣམ་པར་སྨིན་པས་གྲུབ་པ་ཡིན་ནོ། །དེ་ལ་རིགས་ཀྱི་བུ་གྲོང་ཁྱེར་སྤོས་དང་ལྡན་པ་དེའི་དབུས་ཀྱི་བཞི་མདོ་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འཕགས་ཀྱི་ཁང་པ་རིན་པོ་ཆེ་སྣ་བདུན་ལས་བྱས་པ་ཁོར་ཡུག་ཏུ་དཔག་ཚད་ཀྱི་ཚད་ཙམ། རྣམ་པར་བཀྲ་ཞིང་བལྟ་ན་
D12.033.0264a07.01