完整藏文原文 · 德格版页 当前仅加载第 33 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་ཕྱིར་མི་ལྡོག་པའི་མཚན་ཉིད་དུ་རིག་པར་བྱའོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་མིང་ཆེད་ཆེར་བྱེད་པ་མ་ཡིན། གྲགས་པ་དང་སྒྲ་དང་ཚིགས་སུ་བཅད་པ་ཆེད་ཆེར་བྱེད་པ་མ་ཡིན་ཏེ་མིང་ལ་ཆགས་པར་མི་བྱེད་དོ། །
D12.033.0184a01.01དེ་སེམས་མི་འཁྲུག་ཅིང་སེམས་ཅན་ཐམས་ཅད་ལ་ཕན་པའི་སེམས་སུ་འགྱུར་ཏེ། དེ་འགྲོ་བ་དང་འོང་བ་ན་སེམས་འཁྲུལ་པས་མི་འགྲོ་སེམས་འཁྲུལ་པར་མི་འོང་སྟེ་དྲན་བཞིན་དུ་འོང་དྲན་བཞིན་དུ་འགྲོའོ། །དེ་གལ་ཏེ་ཁྱིམ་ན་གནས་ན་ཡང་འདོད་པ་རྣམས་ལ་འདོད་པ་ལ་མངོན་པར་ཆགས་པའམ་
D12.033.0184a02.01བསམ་པ་ལྷག་པར་ཆེར་མི་འབྱུང་སྟེ། དེ་སྐྱོ་བར་འདུ་ཤེས་པས་འདོད་པ་ལ་ཡོངས་སུ་སྤྱོད་ཅིང་དེ་སྐྲག་པར་འདུ་ཤེས་པས་འདོད་པ་ལ་ཡོངས་སུ་སྤྱོད་དོ། །རབ་འབྱོར་འདི་ལྟ་སྟེ་དཔེར་ན། སྐྱེས་བུ་ཞིག་ཆོམ་རྐུན་གྱི་གནས་དགོན་པའི་ནང་དུ་སོང་སྟེ་ཟས་ཀྱི་བྱ་བ་བྱེད་ན་སྐྲག་པའི་འདུ་ཤེས་
D12.033.0184a03.01ཀྱིས་ཟས་ཀྱི་བྱ་བ་བྱེད་ཅིང་འགྲོ་བར་འདུ་ཤེས་པས་ཟས་ཀྱི་བྱ་བ་བྱེད་དེ། བདག་ཆོམ་རྐུན་གྱི་གནས་དགོན་པ་འདི་ནས་ཅི་ཙམ་ན་འདའ་སྙམ་དུ་དེ་ལྟར་འདུ་ཤེས་པས་{རིངས་,རིང་}ཐབས་སུ་ཟས་ཟ་བ་དེ་བཞིན་དུ། རབ་འབྱོར་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་
D12.033.0184a04.01ཁྱིམ་ན་གནས་ན་འདོད་པ་གང་དང་གང་དག་ལ་ཡོངས་སུ་སྤྱོད་པའི་འདོད་པ་དེ་དང་དེ་དག་ལ་དོན་དུ་མི་གཉེར་བ་ཉིད་དང་མི་བརྐམ་པ་ཉིད་དང་མ་ཆགས་པ་ཉིད་དུ་ཡོངས་སུ་སྤྱོད་དོ། །འདོད་པའི་ཡོན་ཏན་ལྔ་པོ་དགའ་བའི་རང་བཞིན་ཅན་བདེ་བའི་རང་བཞིན་ཅན་དེ་དག་ལ་དོན་དུ་མི་གཉེར་བ་ཉིད་
D12.033.0184a05.01དུ་འགྱུར་རོ། །དེ་དག་ཁྱིམ་ན་གནས་ན་མཉམ་པ་དང་མི་མཉམ་པས་འཚོ་བར་མི་བྱེད་དེ་ཆོས་འབའ་ཞིག་གིས་འཚོ་བར་བྱེད་ཅིང་ཆོས་མ་ཡིན་པས་མི་འཚོའོ། །འཆི་བར་གྱུར་ཀྱང་སླའི་གཞན་ལ་གནོད་པ་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་སྐྱེས་བུ་དམ་པ་སྐྱེས་བུ་ཆེན་
D12.033.0184a06.01པོ་སྐྱེས་བུ་མཆོག་སྐྱེས་བུ་མཆོག་རབ་སྐྱེས་བུ་མཛེས་པ་སྐྱེས་བུ་ཁྱུ་མཆོག་སྐྱེས་བུ་རྒྱ་ཆེ་བ་སྐྱེས་བུ་གཙོ་བོ་སྐྱེས་བུ་སྐྱེས་མཆོག་སྐྱེས་བུ་གཅེས་པ་སྐྱེས་བུ་པད་མོ་སྐྱེས་བུ་པད་མ་དཀར་པོ་སྐྱེས་བུ་ཅང་ཤེས་སྐྱེས་བུ་གླང་པོ་ཆེ་སྐྱེས་བུ་སེང་གེ་སྐྱེས་བུ་གདུལ་བྱའི་ཁ་ལོ་སྒྱུར་བ་དག་གིས་ནི་
D12.033.0184a07.01