完整藏文原文 · 德格版页 当前仅加载第 33 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་མོས་ཏེ་དེ་ལྟར་མོས་པས་ཕྱིར་མི་ལྡོག་པ་ཉིད་ལ་གནས་པར་འགྱུར་རོ། །རབ་འབྱོར་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་ཐོས་པ་ཡང་བྱེད་པ་མང་བ་ཡིན་པར་བསྟན་ན། གང་དག་མོས་པར་བྱེད་ཅིང་མོས་ནས་ཀྱང་དེ་བཞིན་ཉིད་ཀྱི་དོན་དུ་གནས་ཤིང་དེ་བཞིན་
D12.033.0245a01.01ཉིད་ཀྱི་དོན་དུ་སྒྲུབ་པ་དང་དེ་བཞིན་ཉིད་ཀྱི་དོན་དུ་གནས་ཤིང་དེ་བཞིན་ཉིད་ཀྱི་དོན་དུ་བསྒྲུབས་ནས་ཀྱང་། དེ་བཞིན་ཉིད་ལ་གནས་པར་གྱུར་པ་དང་ཐམས་ཅད་མཁྱེན་པ་ཉིད་ལ་གནས་པར་གྱུར་ནས་ཆོས་སྟོན་པ་ལྟ་སྨོས་ཀྱང་ཅི་དགོས། རབ་འབྱོར་གྱིས་གསོལ་པ། བཅོམ་ལྡན་འདས་
D12.033.0245a02.01གང་གི་ཚེ་དེ་བཞིན་ཉིད་མ་གཏོགས་པར་ཆོས་གཞན་དམིགས་སུ་མ་མཆིས་ན་བཅོམ་ལྡན་འདས་དེའི་ཚེ་ཆོས་གང་ཞིག་དེ་བཞིན་ཉིད་ལ་གནས་པར་འགྱུར། གང་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་གང་ཞིག་ཆོས་འདི་
D12.033.0245a03.01སྟོན་པར་འགྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་གང་འདི་སྐད་དུ་གང་གི་ཚེ་དེ་བཞིན་ཉིད་མ་གཏོགས་པར་ཆོས་གཞན་གང་ཡང་དམིགས་སུ་མེད་ན་དེའི་ཚེ་ཆོས་གང་ཞིག་དེ་བཞིན་ཉིད་
D12.033.0245a04.01ལ་གནས་པར་འགྱུར་གང་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་གང་ཞིག་ཆོས་འདི་སྟོན་པར་འགྱུར་ཞེས་སྨྲས་པ་ནི། རབ་འབྱོར་དེ་བཞིན་ཉིད་མ་གཏོགས་པར་ཆོས་གཞན་གང་དེ་བཞིན་ཉིད་ལ་གནས་པར་འགྱུར་བའི་ཆོས་གང་
D12.033.0245a05.01ཡང་དམིགས་སུ་མེད་དོ། །རབ་འབྱོར་རེ་ཞིག་དེ་བཞིན་ཉིད་དེ་ཉིད་དམིགས་སུ་མེད་ན་གང་དེ་བཞིན་ཉིད་ལ་གནས་པར་འགྱུར་བ་ལྟ་ཅི་སྨོས། རབ་འབྱོར་དེ་བཞིན་ཉིད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་མི་རྒྱ་སྟེ། རབ་འབྱོར་གང་བླ་ན་མེད་པ་
D12.033.0245a06.01ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་འམ་མངོན་པར་རྫོགས་པར་འཚང་རྒྱ་བར་འགྱུར་བ་འམ་མངོན་པར་རྫོགས་པར་འཚང་རྒྱ་བའི་ཆོས་དེ་ནི་གང་ཡང་དམིགས་སུ་མེད་དོ། །རབ་འབྱོར་དེ་བཞིན་ཉིད་ནི་ཆོས་མི་སྟོན་ཏོ། །རབ་འབྱོར་ཆོས་གང་བསྟན་
D12.033.0245a07.01