完整藏文原文 · 德格版页 当前仅加载第 33 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་དེ་ལྟ་བས་ན་ཆ་བཞག་པ་དེ་གཉིས་ལས་བཅོམ་ལྡན་འདས་བདག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལེན་ཏོ། །བཅོམ་ལྡན་འདས་བདག་དེ་བཞིན་གཤེགས་པའི་སྐུ་ལ་གུས་པར་མི་བགྱིད་པ་ཡང་མ་ལགས་ཏེ་བཅོམ་ལྡན་འདས་བདག་དེ་བཞིན་གཤེགས་པའི་སྐུ་དེ་དག་
D12.033.0054b01.01ལ་གུས་པ་ཉིད་ལགས་སོ། །བཅོམ་ལྡན་འདས་འོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལས་དེ་བཞིན་གཤེགས་པའི་སྐུ་དེ་དག་ཀྱང་འཁྲུངས་ཏེ། དེ་བཞིན་གཤེགས་པའི་སྐུ་དེ་དག་མཆོད་པ་བརྙེས་པ་ནི་འདི་ལྟ་སྟེ་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་བསྒོས་པ་ལགས་
D12.033.0054b02.01པའི་སླད་དུའོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ། བམ་པོ་ལྔ་པ། བཅོམ་ལྡན་འདས་འདི་ལྟ་སྟེ་དཔེར་ན་རིན་ཐང་མ་མཆིས་པའི་ནོར་བུ་རིན་པོ་ཆེ་ཡོན་ཏན་འདི་ལྟ་བུའི་ངོ་བོ་འདི་དག་དང་ལྡན་པ་ཞིག་མཆིས་ཏེ། འདི་ལྟ་སྟེ་དེ་གང་དང་
D12.033.0054b03.01གང་དུ་བཞག་པ་དེ་དང་དེར་མི་དང་མི་མ་ལགས་པ་དག་གིས་གླགས་རྙེད་པར་མི་འགྱུར། གང་དང་གང་དུ་སྐྱེས་པའམ་བུད་མེད་ལ་ལ་མི་མ་ལགས་པས་ཟིན་པ་དེ་དང་དེར་ནོར་བུ་རིན་པོ་ཆེ་ཆེན་པོ་དེ་སྩལ་མ་ཐག་ཏུ་མི་མ་ལགས་པ་དེ་དེ་ནས་འབྱེར། བསེར་མས་གཟིར་ཅིང་
D12.033.0054b04.01རྒྱས་པའི་ལུས་ལ་ནོར་བུ་རིན་པོ་ཆེ་བཞག་ན་ཡང་དེའི་བསེར་མ་དེ་ཚར་གཅོད་དེ་མི་འཕེལ་བ་དང་ཞི་བར་བགྱིད་མཁྲིས་པས་ཚ་བར་གྱུར་པའི་ལུས་ལ་བཞག་ན་ཡང་དེའི་མཁྲིས་པ་དེ་ཡང་ཚར་གཅོད་དེ་མི་འཕེལ་བ་དང་ཞི་བར་བགྱིད། བད་ཀན་གྱིས་ཡོངས་སུ་རྒྱས་ཤིང་ཀུན་ཏུ་གཟིར་
D12.033.0054b05.01བའི་སྟེང་དུ་བཞག་ན་ཡང་དེའི་བད་ཀན་དེ་ཡང་ཚར་གཅོད་དེ་མི་འཕེལ་བ་དང་ཞི་བར་བགྱིད། འདུས་པའི་ནད་ཀྱིས་སྡུག་བསྔལ་བའི་ལུས་པ་བཞག་ན་ཡང་དེའི་འདུས་པའི་ནད་དེ་ཡང་ཚར་གཅོད་དེ་མི་འཕེལ་བ་དང་ཞི་བར་བགྱིད། མཚན་མོ་མུན་པ་མུན་ནག་གི་ནང་དུ་ནི་སྣང་བར་
D12.033.0054b06.01བགྱིད། ཚ་བའི་ཚེ་ན་ཡང་ས་ཕྱོགས་གང་དུ་བཞག་པའི་ས་ཕྱོགས་དེ་བསིལ་བར་འགྱུར། གྲང་བའི་ཚེ་ན་ཡང་ས་ཕྱོགས་གང་དུ་བཞག་པའི་ས་ཕྱོགས་དེ་དྲོ་བར་འགྱུར་རོ། །ས་ཕྱོགས་གང་ན་སྦྲུལ་གདུག་པ་མཆིས་པ་དང་དེ་བཞིན་དུ་སྲོག་ཆགས་ཕྲ་མོ་གཞན་དག་མཆིས་པའི་
D12.033.0054b07.01