完整藏文原文 · 德格版页 当前仅加载第 33 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་ལེགས་སུ་མྱུར་དུ་གྲོང་ངམ་གྲོང་ཁྱེར་རམ་གྲོང་རྡལ་གྱི་བར་དུ་ཕྱིན་པར་འགྱུར་རོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་
D12.033.0204a01.01ཆེན་པོ་སེམས་ཅན་ཐམས་ཅད་ལ་ཕན་པ་དང་སྙིང་བརྩེ་བའི་བྱམས་པ་ལ་གནས་པ་སྙིང་རྗེ་ལ་གནས་པ་དགའ་བ་ལ་གནས་པ་བཏང་སྙོམས་ལ་གནས་པ་ཐབས་མཁས་པ་དང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་བཟུང་བ་ཡང་དགེ་བའི་རྩ་བ་རྣམས་ཡང་དག་པར་རྫོགས་པའི་སངས་རྒྱས་ཀྱིས་གནང་
D12.033.0204a02.01བའི་ཡོངས་སུ་བསྔོ་བས་ཡོངས་སུ་བསྔོས་ནས་འདི་ལྟར་ཡང་རྣམ་པར་ཐར་པའི་སྒོ་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པའི་ཏིང་ངེ་འཛིན་ལ་འཇུག་པ་དེ་ལྟ་ན་ཡང་ཉན་ཐོས་ཀྱི་ས་འམ་རང་སངས་རྒྱས་ཀྱི་ས་ལ་ཡང་དག་པའི་མཐའ་གང་ཡང་མངོན་སུམ་དུ་མི་བྱེད་དོ། །དེ་ཅིའི་ཕྱིར་ཞེ་
D12.033.0204a03.01ན། འདི་ལྟར་འདིའི་ཡོངས་སུ་འཛིན་པར་བྱེད་པ་ནི་མཆོག་ཏུ་སྟོབས་དང་ལྡན་ཞིང་མཆོག་ཏུ་བརྟན་པ་ཡིན་ཏེ། འདི་ལྟ་སྟེ་ཤེས་རབ་ཀྱི་ཕ་རོལ་ཏུ་ཕྱིན་པ་དང་ཐབས་མཁས་པའོ། །དེས་ན་འདིའི་སེམས་ཅན་ཐམས་ཅད་ཡོངས་སུ་མ་བཏང་བ་ཡིན་ཞིང་དེས་ན་འདིས་དགེ་ཞིང་བདེ་བར་བླ་
D12.033.0204a04.01ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ནུས་སོ། །རབ་འབྱོར་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་དྲུང་ན་བྱམས་པའི་སེམས་དམིགས་པར་བྱེད་ཅིང་དམིགས་པར་བྱས་ནས་དེ་དག་ལ་བྱམས་པའི་མཆོག་གིས་ཉེ་བར་
D12.033.0204a05.01འབྲེལ་བར་བྱེད་པ་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཉོན་མོངས་པའི་ཕྱོགས་དང་བདུད་ཀྱི་ཕྱོགས་ལས་ཤིན་ཏུ་འདས་ཤིང་། ཉན་ཐོས་ཀྱི་ས་དང་རང་སངས་རྒྱས་ཀྱི་ས་ལས་ཤིན་ཏུ་འདས་ཏེ་དེ་ཏིང་ངེ་འཛིན་དེ་ལ་གནས་སོ། །རབ་འབྱོར་དེ་ཟག་པ་ཟད་པ་མཐོང་ཀྱང་ཕ་
D12.033.0204a06.01རོལ་ཏུ་ཕྱིན་པའི་མཆོག་སྟོང་པ་ཉིད་ལ་ཡོངས་སུ་འདྲིས་པར་བྱེད་དོ། །རབ་འབྱོར་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་ཐར་པའི་སྒོ་སྟོང་པ་ཉིད་ཀྱི་ཏིང་ངེ་འཛིན་ལ་གནས་པ་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་བར་དེར་མཚན་མ་མེད་པའི་ཏིང་ངེ་འཛིན་ལ་
D12.033.0204a07.01