完整藏文原文 · 德格版页 当前仅加载第 33 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
མི་འགྱུར། དུག་གིས་འཆི་བའི་དུས་བྱེད་པར་མི་འགྱུར། མཚོན་གྱིས་འཆི་བའི་དུས་བྱེད་པར་མི་འགྱུར། མེས་འཆི་བའི་དུས་བྱེད་པར་མི་འགྱུར། ཆུས་འཆི་བའི་དུས་བྱེད་པར་མི་འགྱུར། དབྱུག་པས་འཆི་བའི་དུས་བྱེད་པར་མི་འགྱུར། ཕ་རོལ་གྱི་གནོད་པ་བྱེད་པས་
D12.033.0043b01.01འཆི་བའི་དུས་བྱེད་པར་མི་འགྱུར། དེ་དག་ལ་རྒྱལ་པོ་འམ་རྒྱལ་པོའི་བུ་འམ་རྒྱལ་པོའི་བློན་པོ་ཆེན་པོ་འམ་རྒྱལ་པོའི་བློན་པོ་དག་གིས་གནོད་པ་བྱུང་ཞིང་སྐྱེས་ན་ཡང་། ཤེས་རབ་ཀྱི་ཕ་རོལ་ཏུ་ཕྱིན་པ་འདི་དྲན་ཞིང་ཁ་ཏོན་དུ་བྱེད་པ་དག་ལ་ཕྱིར་མི་སྣང་བར་འགྱུར་རོ། །ཤེས་རབ་ཀྱི་
D12.033.0043b02.01ཕ་རོལ་ཏུ་ཕྱིན་པ་འདི་ཡང་དང་ཡང་དྲན་ཞིང་ཁ་ཏོན་བྱེད་པ་དེ་དག་ལ་རྒྱལ་པོ་འམ་རྒྱལ་པོའི་བུ་འམ་རྒྱལ་པོའི་བློན་པོ་ཆེན་པོ་འམ་རྒྱལ་པོའི་བློན་པོ་དེར་གླགས་ལྟ་བ་དང་གླགས་ཚོལ་བ་གང་དག་ཉེ་བར་འོངས་པར་གྱུར་ན་དེ་དག་གིས་གླགས་རྙེད་པར་མི་འགྱུར་ཏེ། འདི་ལྟར་ཡང་ཤེས་རབ་ཀྱི་
D12.033.0043b03.01ཕ་རོལ་ཏུ་ཕྱིན་པ་ཡོངས་སུ་བཟུང་བའི་ཕྱིར་རོ། །དེར་རྒྱལ་པོ་འམ་རྒྱལ་པོའི་བུ་འམ་རྒྱལ་པོའི་བློན་པོ་ཆེན་པོའམ་རྒྱལ་པོའི་བློན་པོ་དག་ཉེ་བར་འོངས་ན་ཡང་དེ་དག་སྨྲ་བར་འདོད་ཅིང་གཏམ་ཟེར་བར་འདོད་དེ་ཡང་དག་པར་དགའ་བར་བྱའོ་སྙམ་དུ་སེམས་པར་འགྱུར་རོ། །དེ་ཅིའི་
D12.033.0043b04.01ཕྱིར་ཞེ་ན། ཀཽ་ཤི་ཀ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་སེམས་ཅན་ཐམས་ཅད་ཀྱི་དྲུང་ན་བྱམས་པའི་སེམས་ཀྱིས་བྱམས་པ་ཉེ་བར་བསྒྲུབ་པ་དང་སྙིང་རྗེའི་སེམས་ཀྱིས་སྙིང་རྗེ་ཉེ་བར་བསྒྲུབ་པས་ཉེ་བར་གནས་པར་འགྱུར་རོ། །ཀཽ་ཤི་ཀ་དེ་ཉིད་ཀྱི་ཕྱིར་ན་རིགས་ཀྱི་བུ་འམ་རིགས་ཀྱི་བུ་མོ་
D12.033.0043b05.01གང་ཡང་གདུག་པ་དང་སྡིག་སྦྲུལ་མང་པོའི་དགོན་པའི་ནང་དུ་སོང་བ་དེ་དག་ལ་མིའམ་མི་མ་ཡིན་པ་གླགས་ལྟ་བ་དང་གླགས་ཚོལ་བ་དེ་དག་གིས་ཀྱང་ཀཽ་ཤི་ཀ་དེ་དག་ལ་སྔོན་གྱི་ལས་ཀྱི་རྣམ་པར་སྨིན་པ་མ་གཏོགས་པར་གླགས་རྙེད་པར་མི་འགྱུར་རོ། །དེ་ནས་མུ་སྟེགས་ཅན་གཞན་ཀུན་
D12.033.0043b06.01ཏུ་རྒྱུ་བརྒྱ་ཀླན་ཀ་ཚོལ་བའི་བསམ་པས་དེའི་ཚེ་བཅོམ་ལྡན་འདས་ག་ལ་བ་དེར་འོངས་པར་གྱུར་ཏོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་མུ་སྟེགས་ཅན་གཞན་ཀུན་ཏུ་རྒྱུ་དེ་དག་རྒྱང་ནས་འོང་བ་མཐོང་ནས་དེ་དག་གི་སེམས་ལ་ཀུན་ཏུ་བརྟགས་ཏེ། འདི་སྙམ་དུ་མུ་སྟེགས་ཅན་
D12.033.0043b07.01