完整藏文原文 · 德格版页 当前仅加载第 33 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ལུས་ཀྱི་ནད་འབྱུང་བར་མི་འགྱུར་རོ། །རྨོངས་པ་ཉིད་དུ་མི་འགྱུར་རོ། །དེ་དག་ནི་ཉམ་ང་བ་མི་སྤོང་བས་འཆི་བའི་དུས་མི་བགྱིད་དོ། །དེ་དག་ལ་ལྷའི་བུ་བརྒྱ་སྟོང་ཕྲག་མང་པོ་དག་དེའི་ཕྱི་བཞིན་དུ་འབྲང་བར་འགྱུར་རོ། །ཚེས་བརྒྱད་དང་བཅུ་བཞི་དང་བཅོ་ལྔ་ལ་ཆོས་སྨྲ་
D12.033.0113a01.01བའི་རིགས་ཀྱི་བུའམ་རིགས་ཀྱི་བུ་མོ་དེ་གང་དང་གང་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འཆད་པར་འགྱུར་བ་དེ་དང་དེར་བསོད་ནམས་ཆེས་མང་དུ་སྐྱེད་པར་འགྱུར་རོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །དེ་དེ་བཞིན་
D12.033.0113a02.01ནོ་རབ་འབྱོར་དེ་དེ་བཞིན་ཏེ། རབ་འབྱོར་རིགས་ཀྱི་བུ་འམ་རིགས་ཀྱི་བུ་མོ་དེའི་ཕྱི་བཞིན་ཕྱི་བཞིན་དུ་ལྷ་བརྒྱ་སྟོང་ཕྲག་མང་པོ་དག་རྗེས་སུ་འབྲང་བར་འགྱུར་རོ། །ལྷ་བརྒྱ་སྟོང་ཕྲག་མང་པོ་དག་དེར་འོང་བར་འགྱུར་རོ། །ཆོས་སྟོན་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཆད་པར་བྱེད་
D12.033.0113a03.01པའི་ཆོས་ཉན་པར་འདོད་པ་དེ་དག་ཐམས་ཅད་ཀྱང་བསྲུང་བ་དང་བསྐྱབ་པ་དང་སྦ་བ་བྱེད་པར་འགྱུར་རོ། །དེ་ཅིའི་ཕྱིར་ཞེ་ན། རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱི་རིན་པོ་ཆེ་བླ་ན་མེད་པའོ། །རབ་འབྱོར་དེའི་ཕྱིར་ཡང་
D12.033.0113a04.01རིགས་ཀྱི་བུ་འམ་རིགས་ཀྱི་བུ་མོ་དེ་དེའི་གཞི་ལས་བསོད་ནམས་མང་དུ་སྐྱེད་པར་འགྱུར་རོ། །རབ་འབྱོར་འོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡི་གེར་འདྲི་བ་དང་འཛིན་པ་དང་འཆང་བ་དང་ཀློག་པ་དང་ཀུན་ཆུབ་པར་བྱེད་པ་དང་རབ་ཏུ་འདོན་པ་དང་སྟོན་པ་དང་ཉེ་བར་སྟོན་པ་དང་
D12.033.0113a05.01ལུང་འབོགས་པ་དང་ཁ་ཏོན་བྱེད་པ་ལ་བར་ཆད་མང་དུ་འབྱུང་བར་འགྱུར་རོ། །དེ་ཅིའི་ཕྱིར་ཞེ་ན། རབ་འབྱོར་འདི་ལྟར་རིན་པོ་ཆེ་ཆེན་པོ་ནི་དགྲ་མང་བ་ཡིན་ཏེ། ཅི་ཙམ་དུ་གཅེས་པར་གྱུར་པ་བཞིན་དུ་དགྲ་ཆེས་ལྕི་བར་འགྱུར་རོ། །རབ་འབྱོར་འདི་ལྟ་སྟེ། ཤེས་རབ་ཀྱི་ཕ་རོལ་
D12.033.0113a06.01ཏུ་ཕྱིན་པ་རིན་པོ་ཆེ་ཆེན་པོ་འདི་ནི་འཇིག་རྟེན་ན་བླ་ན་མེད་པའི་རིན་པོ་ཆེ་སྟེ། འཇིག་རྟེན་ལ་ཕན་པ་དང་བདེ་བའི་ཕྱིར་ཞུགས་པ། ཆོས་ཐམས་ཅད་མི་སྐྱེ་བ་དང་མི་འགག་པར་བྱ་བའི་ཕྱིར་དང་ཀུན་ནས་ཉོན་མོངས་པ་མེད་པར་བྱ་བའི་ཕྱིར་མི་འཇིག་པའི་ཚུལ་གྱིས་ཉེ་བར་གནས་པའོ། །
D12.033.0113a07.01