完整藏文原文 · 德格版页 当前仅加载第 33 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བདག་ཅག་གི་མ་ཅི་ནས་ཡུན་རིང་དུ་འཚོ་བར་འགྱུར་བ་དང་། བདག་ཅག་གི་མ་ཅི་ནས་ལུས་མ་རུང་བར་མི་འགྱུར་བ་དང་། བདག་ཅག་གི་མ་ཅི་ནས་ཡུན་རིང་དུ་གནས་པར་འགྱུར་བ་དང་། བདག་ཅག་གི་མ་ཅི་ནས་ཉམ་ཉེས་པར་མི་འགྱུར་བ་དང་།
D12.033.0139a01.01བདག་ཅག་གི་མ་ལ་ཅི་ནས་སྡུག་བསྔལ་གྱི་ཚོར་བ་མི་འབྱུང་བ་དང་། འདི་ལ་རིག་པར་མི་གནས་པ་མེད་པ་དང་། ལུས་ལ་ཡིད་དུ་མི་འོང་བ་མི་འབྱུང་བར་འབད་ཅིང་རྩོལ་ལོ། །དེ་ཅིའི་ཕྱིར་ཞེ་ན། འདིས་ནི་བདག་ཅག་བསྐྱེད་དེ་འདི་ནི་དཀའ་བ་བྱེད་པ་བདག་ཅག་གི་སྲོག་སྦྱིན་
D12.033.0139a02.01པ་འཇིག་རྟེན་ཀུན་ཏུ་སྟོན་པ་ཡིན་ནོ་སྙམ་པས་འདི་ལ་སྡུག་བསྔལ་གྱི་ཚོར་བའམ་སྡུག་བསྔལ་གྱི་རེག་པ་གང་ཡང་འབྱུང་ང་རེ་ཞེས་བུ་དེ་དག་མ་དེ་ལ་བདེ་བར་སྦྱར་བ་ཐམས་ཅད་ཀྱིས་ལེགས་པར་གཟུང་བས་འཛིན་ལེགས་པར་སྦ་བས་སྦེད་ལེགས་པར་བཅོས་པས་འཆོས་ཤིང་། འདིའི་
D12.033.0139a03.01མིག་གམ་རྣ་བ་འམ་སྣ་འམ་ལྕེ་འམ་ལུས་སམ་ཡིད་ལ་རླུང་ངམ་མཁྲིས་པ་འམ་བད་ཀན་ནམ་འདུས་པ་འམ་སྦྲང་བུ་འམ་ཤ་སྦྲང་ངམ་སྡིག་སྦྲུལ་ལམ་མི་འམ་མི་མ་ཡིན་པ་འམ་ཀུན་ཏུ་འབབ་པ་འམ་ཉམ་ཐག་པ་འམ་ཡེ་འདྲོག་གམ་མི་འདོད་པ་འབྱུང་བ་ལུས་ལ་འབྱུང་ང་རེ་ཞེས་དེ་ལྟར་བུ་དེ་དག་
D12.033.0139a04.01གིས་མ་དེ་ལ་བསམས་ཏེ། བདེ་བར་སྦྱར་བ་ཐམས་ཅད་ཀྱིས་འདི་ནི་བདག་ཅག་གི་མ་སྐྱེད་པ་དགའ་བ་བྱེད་པ་འདི་ནི་བདག་ཅག་གི་སྲོག་སྦྱིན་པར་བྱེད་པ་འཇིག་རྟེན་སྟོན་པའོ་ཞེས་འཆོས་ཤིང་བདག་གིར་བྱེད་སྦེད་པར་བྱེད་དོ། །རབ་འབྱོར་དེ་བཞིན་དུ་དེ་བཞིན་གཤེགས་པ་དགྲ་བཅོམ་
D12.033.0139a05.01པ་ཡང་དག་པར་རྫོགས་པའི་སངས་རྒྱས་རྣམས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་དགོངས་ཏེ། གང་དག་དེ་དག་ཡི་གེར་འདྲི་བ་དང་འཛིན་པ་དང་འཆང་བ་དང་ཀློག་པ་དང་ཀུན་ཆུབ་པར་བྱེད་པ་དང་རབ་ཏུ་འདོན་པ་དང་སྟོན་པ་དང་ཉེ་བར་སྟོན་པ་དང་ལུང་འབོགས་པ་དང་ཁ་ཏོན་
D12.033.0139a06.01བྱེད་པ་དེ་དག་ཐམས་ཅད་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་མཐུ་དང་བྱིན་གྱི་རླབས་དང་དགོངས་པ་ལས་འགྱུར་རོ། །འཇིག་རྟེན་གྱི་ཁམས་གཞན་དང་གཞན་དག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D12.033.0139a07.01