完整藏文原文 · 德格版页 当前仅加载第 33 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་བའི་རྩ་བ་བསྐྲུན་པ་དང་། གང་དག་གིས་སངས་རྒྱས་བཅོམ་ལྡན་འདས་དེ་དག་ཡོངས་སུ་མྱ་ངན་ལས་འདའ་བ་དང་ཡོངས་སུ་མྱ་ངན་ལས་འདས་པ་ལ་དགེ་བའི་རྩ་བ་བསྐྲུན་པ་གང་ཡིན་པ་དེ་དག་ཐམས་ཅད་ཀྱི་དགེ་བའི་རྩ་བ་གང་ཡིན་པ་དེ་དག་ཐམས་ཅད་གཅིག་ཏུ་བསྡུས་ཏེ་
D12.033.0082b01.01བསྡོམས་ཤིང་གཞལ་ནས་མ་ལུས་པར་བྱས་ཏེ་རྗེས་སུ་ཡི་རང་བར་བྱ་བ་མ་ལུས་པ་ལ་རྗེས་སུ་ཡི་རང་ནས། རྗེས་སུ་ཡི་རང་བ་དང་ལྡན་པའི་བསོད་ནམས་བྱ་བའི་དངོས་པོ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་པའི་བྱང་ཆུབ་སེམས་དཔའ་སེམས་དཔའ་
D12.033.0082b02.01ཆེན་པོ་ཅི་ལྟར་འདུ་ཤེས་ཕྱིན་ཅི་ལོག་ཏུ་མི་འགྱུར་སེམས་ཕྱིན་ཅི་ལོག་ཏུ་མི་འགྱུར་ལྟ་བ་ཕྱིན་ཅི་ལོག་ཏུ་མི་འགྱུར་ཞེ་ན། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སེམས་གང་གིས་གང་ཡོངས་སུ་བསྔོ་བའི་སེམས་དེ་ལ་སེམས་སུ་འདུ་ཤེས་པར་མི་འགྱུར་ན། དེ་ལྟར་བྱང་ཆུབ་
D12.033.0082b03.01སེམས་དཔའ་སེམས་དཔའ་ཆེན་པོས་རྗེས་སུ་ཡི་རང་བ་དང་ལྡན་པའི་བསོད་ནམས་བྱ་བའི་དངོས་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་པ་ཡིན་ནོ། །ཅི་ལྟར་སེམས་དེ་ལ་སེམས་དེ་ནི་འདི་ཡིན་ནོ་ཞེས་ཡང་དག་པར་མི་ཤེས་པ་དེ་ལྟར་བྱང་ཆུབ་སེམས་དཔའ་
D12.033.0082b04.01སེམས་དཔའ་ཆེན་པོ་འདུ་ཤེས་ཕྱིན་ཅི་ལོག་པར་མི་འགྱུར་སེམས་ཕྱིན་ཅི་ལོག་པར་མི་འགྱུར་ལྟ་བ་ཕྱིན་ཅི་ལོག་པར་མི་འགྱུར་རོ། །དེ་སྟེ་སེམས་གང་གིས་གང་ཡོངས་སུ་བསྔོ་བའི་སེམས་དེ་ལ་སེམས་དེ་ནི་འདི་ཡིན་ནོ་ཞེས་ཡང་དག་པར་ཤེས་ཤིང་སེམས་སུ་འདུ་ཤེས་པར་གྱུར་ན་དེ་ལྟར་ན་
D12.033.0082b05.01བྱང་ཆུབ་སེམས་དཔའ་སེམས་དཔའ་ཆེན་པོའི་འདུ་ཤེས་ཕྱིན་ཅི་ལོག་པ་དང་སེམས་ཕྱིན་ཅི་ལོག་པ་དང་ལྟ་བ་ཕྱིན་ཅི་ལོག་པར་འགྱུར་རོ། །ཡང་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་གང་ཡོངས་སུ་བསྔོ་བའི་སེམས་དེ་ལ་འདི་ལྟར་ཤེས་ཤིང་འདི་ལྟར་སེམས་ཏེ།
D12.033.0082b06.01སེམས་དེ་ལ་སེམས་པ་ན་དེ་ལྟར་ཟད་པ་ལ་ཟད་པའོ་ཞེས་དེ་ལྟར་ཡང་དག་པར་ཤེས་ཤིང་། འགགས་པ་དང་བྲལ་བ་དང་རྣམ་པར་གྱུར་པ་ཡིན་ནོ་ཞེས་དེ་ལྟར་ཤེས་ཏེ་གང་ཟད་པ་དེ་ཡང་ཡོངས་སུ་བསྔོ་བར་མི་ནུས། སེམས་གང་གིས་ཡོངས་སུ་བསྔོ་བའི་སེམས་དེའི་ཆོས་ཉིད་ཀྱང་དེ་ཡིན།
D12.033.0082b07.01