完整藏文原文 · 德格版页 当前仅加载第 33 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་དང་ལུང་སྟོན་པར་འགྱུར་བ་དང་ལུང་སྟོན་པ་དེ་དག་ཐམས་ཅད་ཀྱི་དགེ་བའི་རྩ་བ་གང་ཡིན་པ་རྣམས་དང་། སངས་རྒྱས་
D12.033.0083b01.01བཅོམ་ལྡན་འདས་དེ་དག་གིས་གང་ཟག་རང་སངས་རྒྱས་ཀྱི་ཐེག་པ་ཅན་གང་དག་རང་བྱང་ཆུབ་ལ་ལུང་བསྟན་པ་དང་ལུང་སྟོན་པར་འགྱུར་བ་དང་ལུང་སྟོན་པ་དེ་དག་ཐམས་ཅད་ཀྱི་དགེ་བའི་རྩ་བ་གང་ཡིན་པ་རྣམས་དང་། གང་ཟག་ཉན་ཐོས་ཀྱི་ཐེག་པ་ཅན་རྣམས་ཀྱི་སྦྱིན་པ་ལས་བྱུང་
D12.033.0083b02.01བའི་དགེ་བའི་རྩ་བ་དང་ཚུལ་ཁྲིམས་ལས་བྱུང་བའི་དགེ་བའི་རྩ་བ་དང་བསྒོམས་པ་ལས་བྱུང་བའི་དགེ་བའི་རྩ་བ་གང་ཡིན་པ་རྣམས་དང་སློབ་པའི་ཟག་པ་མེད་པའི་དགེ་བའི་རྩ་བ་གང་ཡིན་པ་རྣམས་དང་མི་སློབ་པའི་ཟག་པ་མེད་པའི་དགེ་བའི་རྩ་བ་གང་ཡིན་པ་རྣམས་དང་། ཆོས་དེ་ལ་སོ་སོའི་
D12.033.0083b03.01སྐྱེ་བོ་གང་དག་གིས་དགེ་བའི་རྩ་བ་བསྐྲུན་པ་དང་སྐྲུན་པར་འགྱུར་བ་དང་སྐྲུན་པ་དང་། ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་གང་དག་གིས་ཀྱང་ཆོས་དེ་ཐོས་པར་གྱུར་པ་དང་ཐོས་པར་འགྱུར་བ་དང་
D12.033.0083b04.01ཐོས་པ་དང་ཐོས་ནས་ཀྱང་དགེ་བའི་རྩ་བ་བསྐྱེད་པ་དང་སྐྱེད་པར་འགྱུར་བ་དང་སྐྱེད་པ་དང་། བྱོལ་སོང་གི་སྐྱེ་གནས་སུ་སྐྱེས་པའི་སེམས་ཅན་གང་དག་གིས་དམ་པའི་ཆོས་དེ་ཐོས་པར་གྱུར་པ་དང་ཐོས་པར་འགྱུར་བ་དང་ཐོས་པ་དང་ཐོས་ནས་ཀྱང་དགེ་བའི་རྩ་བ་བསྐྲུན་པ་དང་སྐྲུན་པར་འགྱུར་
D12.033.0083b05.01བ་དང་སྐྲུན་པ་དང་། སེམས་ཅན་གང་དག་གིས་སངས་རྒྱས་བཅོམ་ལྡན་འདས་དེ་དག་ཡོངས་སུ་མྱ་ངན་ལས་འདས་པ་དང་ཡོངས་སུ་མྱ་ངན་ལས་འདའ་བར་འགྱུར་བ་དང་ཡོངས་སུ་མྱ་ངན་ལས་འདའ་བ་ལ་དགེ་བའི་རྩ་བ་བསྐྲུན་པ་དང་སྐྲུན་པར་འགྱུར་བ་དང་སྐྲུན་པ་དེ་རྣམས་ཐམས་ཅད་
D12.033.0083b06.01ཀྱི་དགེ་བའི་རྩ་བ་གང་ཡིན་པ་དེ་དག་ཐམས་ཅད་གཅིག་ཏུ་བསྡུས་ཏེ་བསྡོམས་ཤིང་གཞལ་ནས་མ་ལུས་པར་བྱས་ཏེ་རྗེས་སུ་ཡི་རང་བར་བྱ་བ་མ་ལུས་པ་ལ་རྗེས་སུ་ཡི་རང་བའི་མཆོག་གིས་རྗེས་སུ་ཡི་རང་བ་དམ་པ་དང་གཙོ་བོ་དང་རབ་དང་མཆོག་རབ་དང་གྱ་ནོམ་པ་དང་བླ་མ་དང་བླ་ན་མེད་པ་དང་།
D12.033.0083b07.01