完整藏文原文 · 德格版页 当前仅加载第 33 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་རྒྱུ་མ་མཆིས་རྐྱེན་མ་མཆིས་པར་འཛུམ་པར་མི་མཛད་ན་འཛུམ་པ་མཛད་པའི་རྒྱུ་གང་ལགས་རྐྱེན་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་
D12.033.0200b01.01ཅེས་བཀའ་སྩལ་ཏོ། །ཀུན་དགའ་བོ་སྲིང་མོ་གང་གཱའི་ལྷ་མོ་འདི་མ་འོངས་པའི་དུས་ན་གསེར་གྱི་མེ་ཏོག་ཅེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇིག་རྟེན་མཁྱེན་པ་སྐྱེས་བུ་
D12.033.0200b02.01གདུལ་བྱའི་ཁ་ལོ་སྒྱུར་བ་བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འཇིག་རྟེན་དུ་འབྱུང་བར་འགྱུར་ཏེ། བསྐལ་པ་སྐར་མ་ལྟ་བུ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །ཀུན་དགའ་བོ་སྲིང་མོ་
D12.033.0200b03.01གང་གཱའི་ལྷ་མོ་འདི་ནི་བུད་མེད་ཀྱི་ལུས་བསྒྱུར་ཏེ་སྐྱེས་པའི་ལུས་ཐོབ་ནས། འདི་ནས་ཤི་འཕོས་ནས་མི་བསྐྱོད་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པའི་སངས་རྒྱས་ཀྱི་ཞིང་མངོན་པར་དགའ་བའི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །
D12.033.0200b04.01དེར་སྐྱེས་ནས་ཀྱང་མི་བསྐྱོད་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་དྲུང་དུ་ཚངས་པར་སྤྱད་པ་སྤྱོད་པར་འགྱུར་རོ། །དེ་ནས་ཤི་འཕོས་ནས་དེ་བཞིན་གཤེགས་པ་དག་བལྟ་བ་དང་མ་བྲལ་བར་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་
D12.033.0200b05.01འགྱུར་རོ། །དེ་ནས་ཀྱང་གང་ནས་སངས་རྒྱས་བཅོམ་ལྡན་འདས་རྣམས་དང་མ་བྲལ་བའི་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་སྟེ་དེ་དང་དེ་དག་ཏུ་འགྲོ་བར་འགྱུར་རོ། །ཀུན་དགའ་བོ་འདི་ལྟ་སྟེ་དཔེར་ན་འཁོར་ལོས་སྒྱུར་བའི་རྒྱལ་པོ་ཁང་བཟང་ནས་ཁང་བཟང་དུ་འགྲོ་བ་
D12.033.0200b06.01དང་། དེ་ནམ་འཚོའི་བར་དུ་རྐང་པའི་མཐིལ་གྱིས་ས་ལ་མི་རེག་པར་འགྲོ་སྟེ་འཆི་ཀའི་བར་དུ་ཡང་རྐང་པའི་མཐིལ་ས་ལ་མ་རེག་པར་འཆི་བའི་དུས་བྱེད་པ་དེ་བཞིན་དུ་ཀུན་དགའ་བོ་སྲིང་མོ་གང་གཱའི་ལྷ་མོ་འདི་ཡང་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་ཏེ། དེ་
D12.033.0200b07.01