完整藏文原文 · 德格版页 当前仅加载第 33 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་སྟོན་པ་དང་ཡང་དག་པར་འགོད་པ་དང་ཡང་དག་པར་གཟེངས་སྟོད་པ་དང་ཡང་དག་པར་རབ་ཏུ་དགའ་བར་བྱེད་པ་དང་། ཚིག་གིས་མཚོན་པ་དང་རྣམ་པར་མཚོན་པ་དང་རྗེས་སུ་མཚོན་པ་དང་དེ་ལ་འདིའི་དོན་ཡང་དག་པར་སྟོན་པ་དང་། དེ་ལ་འདི་སྐད་དུ་རིགས་ཀྱི་བུ་
D12.033.0070b01.01ཁྱོད་ཚུར་ཤེག་བྱང་ཆུབ་སེམས་དཔའི་ལམ་འདི་ལ་སློབས་ཤིག །ཁྱོད་ཀྱིས་ལམ་འདི་ལ་བསླབས་ཤིང་སྤྱད་དེ་འབད་ན་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །མངོན་པར་རྫོགས་པར་སངས་རྒྱས་ནས་ཀྱང་སེམས་
D12.033.0070b02.01ཅན་གྱི་ཁམས་གཞལ་དུ་མེད་པ་རྣམས་ཕུང་པོ་ཡང་དག་པར་ཟད་པ་བླ་ན་མེད་པ་འདི་ལྟ་སྟེ་ཡང་དག་པའི་མཐའ་རབ་ཏུ་འབྱེད་པ་ལ་མངོན་པར་འདུལ་བར་བྱེད་པར་འགྱུར་རོ་ཞེས་སྨྲ་ཞིང་དེ་ལྟར་དེའི་སེམས་རྣམ་པར་སྦྱོང་བ་དང་ཐེ་ཚོམ་མེད་པར་བྱེད་པ་དང་། ཚིག་འདི་སྐད་དུ་རིགས་ཀྱི་བུ་ཁྱོད་
D12.033.0070b03.01འདི་ལྟ་སྟེ་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པའི་ཆོས་དེ་དག་ཉིད་ཐོབ་པར་གྱིས་ཤིག་ཅེས་ཟེར་ན། དེ་བས་འདི་ཉིད་བསོད་ནམས་ཆེས་མང་དུ་སྐྱེད་དོ། །དེ་ཅིའི་ཕྱིར་ཞེ་ན། ཀཽ་ཤི་ཀ་འདི་ལས་དགྲ་བཅོམ་པ་ཉིད་རབ་ཏུ་འབྱེད་དོ། །དེ་ལ་འདི་ལྟར་རིགས་ཀྱི་བུ་ཁྱོད་ཅི་ལྟ་ཅི་ལྟར་ཤེས་
D12.033.0070b04.01རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་དེ་ལྟ་དེ་ལྟར་ཁྱོད་མཐར་གྱིས་སངས་རྒྱས་ཀྱི་ཆོས་རྣམས་ཐོབ་པར་འགྱུར་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བར་འགྱུར་རོ། །ཁྱོད་འདི་ལ་བསླབས་ཤིང་སྤྱད་དེ་འབད་ན་རྒྱུན་དུ་ཞུགས་པའི་འབྲས་བུ་རབ་ཏུ་འབྱེད་པར་འགྱུར་རོ། །ལན་ཅིག་
D12.033.0070b05.01ཕྱིར་འོང་བའི་འབྲས་བུ་རབ་ཏུ་འབྱེད་པར་འགྱུར་རོ། །ཕྱིར་མི་འོང་བའི་འབྲས་བུ་རབ་ཏུ་འབྱེད་པར་འགྱུར་རོ། །དགྲ་བཅོམ་པ་ཉིད་རབ་ཏུ་འབྱེད་པར་འགྱུར་རོ། །རང་སངས་རྒྱས་ཉིད་རབ་ཏུ་འབྱེད་པར་འགྱུར་རོ། །ཡང་དག་པར་རྫོགས་པའི་སངས་རྒྱས་ཉིད་རབ་ཏུ་འབྱེད་པར་འགྱུར་རོ་
D12.033.0070b06.01ཞེས་སྤྲོ་བ་འཕེལ་བར་བྱེད་པར་འགྱུར་རོ། །ཀཽ་ཤི་ཀ་གཞན་ཡང་འཛམ་བུའི་གླིང་གི་སེམས་ཅན་ཅི་སྙེད་ཡོད་པ་དེ་དག་ཐམས་ཅད་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས་རང་སངས་རྒྱས་ཉིད་ལ་བཀོད་ན། ཀཽ་ཤི་ཀ་དེ་ཅི་སྙམ་དུ་སེམས་ཅི་རིགས་ཀྱི་བུའམ་རིགས་ཀྱི་བུ་མོ་དེ་
D12.033.0070b07.01