完整藏文原文 · 德格版页 当前仅加载第 33 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོར་བ་དང་རྗེས་སུ་སྦྱོར་བ་ལ་བརྩོན་པར་མི་གནས། གླུ་དང་གར་དང་། སྙན་པ་བརྗོད་པ་དང་བྲོ་བརྡུང་བ་དང་རོལ་མོ་མཁན་གྱི་གཏམ་གྱི་སྦྱོར་བ་དང་རྗེས་སུ་སྦྱོར་བ་ལ་བརྩོན་པར་མི་གནས། རྒྱ་མཚོ་དང་ཆུ་བོ་དང་གླིང་གི་གཏམ་གྱི་སྦྱོར་བ་དང་རྗེས་སུ་སྦྱོར་བ་ལ་བརྩོན་པར་མི་
D12.033.0185b01.01གནས། ཆོས་དང་འགལ་བའི་གཏམ་གྱི་སྦྱོར་བ་དང་རྗེས་སུ་སྦྱོར་བ་ལ་བརྩོན་པར་མི་གནས། སོ་སོའི་སྐྱེ་བོ་ལ་དགའ་བའི་གཏམ་གྱི་སྦྱོར་བ་དང་རྗེས་སུ་སྦྱོར་བ་ལ་བརྩོན་པར་མི་གནས་ཏེ། གཞན་དུ་ན་ཤེས་རབ་ཀྱི་ཕ་རོལ་ཏུ་ཕྱིན་པའི་གཏམ་གྱི་སྦྱོར་བ་དང་རྗེས་སུ་སྦྱོར་བ་
D12.033.0185b02.01ལ་བརྩོན་པར་གནས་ཤིང་ཐམས་ཅད་མཁྱེན་པ་དང་ལྡན་པའི་ཡིད་ལ་བྱེད་པ་དག་དང་མ་བྲལ་བར་འགྱུར་ཏེ། དེ་དག་ནི་ཐབ་མོ་དང་མཚང་འདྲུ་བ་དང་རྩོད་པ་དང་རྒོལ་བའི་གཏམ་གྱི་སྦྱོར་བ་དང་རྗེས་སུ་སྦྱོར་བ་ལ་བརྩོན་པར་མི་གནས། དེ་དག་ནི་ཆོས་འདོད་པ་ཁོ་ནར་འགྱུར་
D12.033.0185b03.01ཏེ་ཆོས་མ་ཡིན་པར་འདོད་པར་མི་འགྱུར། དེ་དག་ནི་མི་འབྱེད་པ་རྗོད་པ་སྨྲ་བར་འགྱུར་ཏེ་འབྱེད་པ་རྗོད་པ་སྨྲ་བར་མི་འགྱུར་དེ་དག་ནི་མཛའ་བར་འདོད་པ་ཡིན་ཏེ་མི་མཛའི་བར་འདོད་པ་མ་ཡིན་དེ་དག་ནི་ཆོས་སྨྲ་བར་འགྱུར་ཏེ་ཆོས་མ་ཡིན་པ་སྨྲ་བར་མི་འགྱུར་དེ་དག་ནི་དེ་བཞིན་
D12.033.0185b04.01གཤེགས་པ་མཐོང་བ་ཁོ་ནར་འདོད་པས་རེ་བར་བྱེད་དེ་འཇིག་རྟེན་གྱི་ཁམས་གཞན་དག་ན་གང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཞུགས་ཏེ་འཚོ་ཞིང་གཞེས་པ་དེ་དག་གི་དྲུང་དུ་ཉེ་བར་སྐྱེ་བར་བྱ་བའི་ཕྱིར་སེམས་བསྐྱེད་ཅིང་དེ་དག་འདོད་
D12.033.0185b05.01ན་དེར་ཉེ་བར་སྐྱེས་ཏེ། དེ་དག་དེ་ལྟར་དེ་བཞིན་གཤེགས་པ་ལ་བལྟ་བ་དང་དེ་བཞིན་གཤེགས་པ་ལ་བསྙེན་བཀུར་བྱ་བ་དང་མི་བྲལ་བར་འགྱུར་རོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དག་ནི་འདོད་པ་ན་སྤྱོད་པའི་ལྷ་དག་ལས་
D12.033.0185b06.01ཤི་འཕོས་པ་དང་གཟུགས་ན་སྤྱོད་པའི་ལྷ་དག་ལས་ཤི་འཕོས་པ་དང་གཟུགས་མེད་པ་ན་སྤྱོད་པའི་ལྷ་དག་ལས་ཤི་འཕོས་ནས་འཛམ་བུའི་གླིང་གི་ཡུལ་གྱི་དབུས་འདི་ཉིད་ཀྱི་ནང་ན། མི་དག་སྒྱུ་རྩལ་ལ་མཁས་པ་སྙན་དངགས་ལ་མཁས་པ་སྔགས་དག་ལ་མཁས་པ་རིག་
D12.033.0185b07.01