完整藏文原文 · 德格版页 当前仅加载第 33 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་དང་ལྡན་པ་ཤཱ་རིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་འདི་ལྟ་བུ་ཉིད་གནས་པར་བྱ་ཞིང་འདི་ལྟར་བསླབ་པར་བྱ་སྟེ། ཅི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འགའ་ཞིག་ལ་གནས་པ་མ་ཡིན་
D12.033.0022a01.01ཞིང་མི་གནས་པ་ཡང་མ་ཡིན་ལ་མི་འཐུན་པར་གནས་པ་མ་ཡིན་ཞིང་མི་འཐུན་པར་མི་གནས་པ་ཡང་མ་ཡིན་པ་དེ་བཞིན་དུ་གནས་པར་བྱའོ་སྙམ་པ་དང་། དེ་བཞིན་གཤེགས་པའི་གནས་པ་ཅི་ལྟ་བ་དེ་བཞིན་དུ་གནས་པར་བྱའོ་སྙམ་ཞིང་དེ་བཞིན་དུ་བསླབ་པར་བྱའོ་སྙམ་པ་དང་། དེ་བཞིན་
D12.033.0022a02.01གཤེགས་པའི་གནས་པ་ཅི་ལྟ་བ་དེ་བཞིན་དུ་གནས་ན་མི་གནས་པའི་ཚུལ་གྱིས་ཤེས་པར་གནས་པ་ཡིན་ནོ་སྙམ་དུ་འདིས་དེ་ལྟར་བསླབ་པར་བྱའོ། །འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་གནས་པར་བྱ་ཞིང་དེ་བཞིན་དུ་བསླབ་པར་བྱ་སྟེ། དེ་ལྟར་སློབ་
D12.033.0022a03.01པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་གནས་པ་འདིས་གནས་ཤིང་ཡིད་ལ་བྱེད་པ་འདི་དང་མ་བྲལ་བ་ཡིན་ནོ། །དེ་ནས་འཁོར་དེའི་ནང་ནས་ལྷའི་བུ་ཁ་ཅིག་འདི་སྙམ་དུ་སེམས་པར་གྱུར་ཏེ། གནོད་སྦྱིན་རྣམས་ཀྱི་གནོད་སྦྱིན་གྱི་སྐད་དང་
D12.033.0022a04.01གནོད་སྦྱིན་གྱི་སྒྲ་དང་གནོད་སྦྱིན་གྱི་ཚིག་དང་གནོད་སྦྱིན་གྱི་གཏམ་དུ་བྱས་པ་དང་གནོད་སྦྱིན་གྱི་རབ་ཏུ་བརྗོད་པ་གང་ཡིན་པ་དེ་དག་སྨྲས་པ་ནི་ཤེས་པར་རུང་གི །གནས་བརྟན་རབ་འབྱོར་གང་འཆད་པ་དང་རབ་ཏུ་རྗོད་པ་དང་སྟོན་པ་དང་ཉེ་བར་སྟོན་པ་འདི་ནི་ཤེས་པར་ཡང་མི་རུང་ངོ་སྙམ་
D12.033.0022a05.01མོ། །དེ་ནས་ཚེ་དང་ལྡན་པ་རབ་འབྱོར་གྱིས་སངས་རྒྱས་ཀྱི་མཐུས་ལྷའི་བུ་དེ་དག་གི་སེམས་ཀྱི་རྟོག་པའི་ངོ་བོ་ཉིད་དེ་ལྟ་བུ་སེམས་ཀྱིས་ཡོངས་སུ་ཤེས་ནས་ལྷའི་བུ་དེ་དག་ལ་སྨྲས་པ། ལྷའི་བུ་དག་ཤེས་པར་མི་རུང་ཤེས་པར་མི་རུང་ཞེས་བྱ་བ་དེ་ནི་འདི་ལྟར་འདི་ལ་ཅུང་ཟད་ཀྱང་སྨོས་པ་
D12.033.0022a06.01མེད་དེ། འདི་ལ་ཅུང་ཟད་ཀྱང་ཐོས་པ་མེད་དོ། །དེ་ནས་ལྷའི་བུ་དེ་དག་ཡང་འདི་སྙམ་སེམས་པར་གྱུར་ཏེ། ཨེ་མའོ་འཕགས་པ་རབ་འབྱོར་འདིས་ནི་གསལ་བར་བྱེད་པར་འགྱུར་རོ་ཨེ་མའོ་འཕགས་པ་རབ་འབྱོར་འདིས་ནི་གསལ་བར་བྱེད་པར་འགྱུར་ཏེ། འཕགས་པ་རབ་འབྱོར་ནི་
D12.033.0022a07.01