完整藏文原文 · 德格版页 当前仅加载第 33 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
འདྲེས་པར་གནས་པས་གནས་པར་བྱེད་དེ་དབེན་པར་གནས་པས་གནས་པ་མ་ཡིན་ནོ་ཞེས་སྨྲ་བར་འགྱུར་ཞིང་བྱང་ཆུབ་སེམས་དཔའ་སེམས་དཔའ་ཆེན་པོའི་དབེན་པར་གནས་པས་གནས་པ་གང་ཡིན་པ་དེ་དག་ལ་འདྲེས་པར་གནས་པས་རྩོད་པར་བྱེད་ཀུན་ཏུ་འདྲེས་པར་གནས་པས་རྩོད་པར་
D12.033.0215b01.01བྱེད་པར་འགྱུར་རོ། །གང་འདྲེས་པར་གནས་པས་གནས་པ་དེ་དག་ལ་ནི་དེ་དབེན་པར་གནས་པས་ཀུན་ཏུ་སྤྱོད་པ་ཡིན་ནོ་ཞེས་ཟེར་ཅིང་དེ་ལ་གུས་པ་སྐྱེད་པར་འགྱུར་ལ་གང་ལ་གུས་པ་སྐྱེད་པར་འོས་པ་དེ་ལ་ནི་ང་རྒྱལ་སྐྱེད་པར་འགྱུར་རོ། །དེ་ཅིའི་ཕྱིར་ཞེ་ན། རབ་འབྱོར་གནས་པ་གང་
D12.033.0215b02.01གིས་བདག་གནས་པ་འདི་དག་ནི་གནས་པ་ཡིན་ཏེ་བདག་ནི་མི་མ་ཡིན་པ་དག་གིས་བསྐུལ་ཅིང་བདག་ནི་མི་མ་ཡིན་པ་དག་གིས་དྲན་པར་བྱས་པ་ཡིན་ན། གྲོང་གི་ནང་ན་གནས་པ་སུ་ཞིག་ལ་མི་མ་ཡིན་པ་དག་སྐུལ་བར་བྱེད་གྲོང་གི་ནང་ན་གནས་པ་སུ་ཞིག་ལ་མི་མ་ཡིན་པ་དེ་དག་དྲན་པར་བྱེད་པར་འགྱུར་
D12.033.0215b03.01སྙམ་ནས་དེ་ལྟར་དེ་གང་ཟག་བྱང་ཆུབ་སེམས་དཔའི་ཐེག་པ་ཅན་དག་ལ་བརྙས་པར་བྱེད་དེ། རབ་འབྱོར་འདི་ནི་བྱང་ཆུབ་སེམས་དཔའ་གདོལ་པར་རིག་པར་བྱའོ། །བྱང་ཆུབ་སེམས་དཔའ་སུན་འབྱིན་པར་རིག་པར་བྱའོ། །བྱང་ཆུབ་སེམས་དཔའི་གཟུགས་བརྙན་དུ་རིག་པར་བྱའོ། །བྱང་ཆུབ་སེམས་
D12.033.0215b04.01དཔའ་བཅོས་བུར་རིག་པར་བྱའོ། །བྱང་ཆུབ་སེམས་དཔའི་སྲེ་དར་རིག་པར་བྱ་སྟེ། དགེ་སྦྱོང་གི་ཆ་བྱད་དུ་བཅོས་པར་ཆོམ་རྐུན་པའོ། །གང་ཟག་བྱང་ཆུབ་སེམས་དཔའི་ཐེག་པ་ཅན་གྱི་ནང་ན་ཆོམ་རྐུན་པའོ། །ལྷ་དང་བཅས་པའི་འཇིག་རྟེན་གྱི་ཆོམ་རྐུན་པ་ཡིན་ཏེ། རབ་འབྱོར་ཡང་གང་ཟག་
D12.033.0215b05.01དེ་ལྟ་བུའི་རང་བཞིན་ཅན་ནི་བསྙེན་པར་མི་བྱ་གུས་པར་མི་བྱ་བ་སྙེན་བཀུར་མི་བྱའོ། །དེ་ཅིའི་ཕྱིར་ཞེ་ན། གང་ཟག་དེ་ལྟ་བུ་ནི་མངོན་པའི་ང་རྒྱལ་ཅན་དུ་ལྟུང་བར་རིག་པར་བྱ་སྟེ། དེ་ལྟ་བུ་འདིས་ཡང་གཞན་མཐུ་ཆུང་བ་ཐེག་པ་ལ་ཞུགས་ནས་རིང་པོར་མ་ལོན་པ་དག་ལ་སུན་འབྱིན་པར་བྱེད་དེ་གང་
D12.033.0215b06.01ཟག་དེ་ལྟ་བུ་ནི་རྣམ་པར་མ་དག་པའི་ཆོས་ཅན་དུ་རིག་པར་བྱ་གང་ཟག་དེ་ལྟ་བུ་ནི་སློབ་དཔོན་དང་མི་ལྡན་པར་རིག་པར་བྱའོ། །གང་ཟག་དེ་ལྟ་བུ་ནི་འཕགས་པའི་ཆོས་དང་མི་ལྡན་པར་རིག་པར་བྱའོ། །རབ་འབྱོར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས་སེམས་ཅན་ཐམས་ཅད་ཡོངས་སུ་
D12.033.0215b07.01