完整藏文原文 · 德格版页 当前仅加载第 33 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་འདི་ཉིད་ཀྱི་ཕྱིར་ཅི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དག་གིས་གནས་པར་བྱ་ཞེས་ཡོངས་སུ་ཞུས་ཡོངས་སུ་དྲིས་ཡོངས་སུ་དྲི་བ་བྱས་ཏེ། ཅི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་གནས་པར་བྱ་བ་དེ་ལྟར་དེ་བཞིན་གཤེགས་པ་དེ་དག་གིས་བསྟན་
D12.033.0182b01.01པ་དེ་བཞིན་དུ་གནས་དེ་བཞིན་དུ་སྤྱད་དེ་བཞིན་དུ་རྣལ་འབྱོར་དུ་བྱས་ཀྱང་དེ་དག་གིས་ད་དུང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཏེ། དེ་ལྟར་གདམས་པ་དང་རྗེས་སུ་བསྟན་པ་ལ་གནས་ཤིང་དེ་ལྟར་བསླབས་པས་ཀྱང་ཐམས་
D12.033.0182b02.01ཅད་མཁྱེན་པ་ཉིད་རྗེས་སུ་མ་ཐོབ་ན། ཡང་ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་ཐོབ་པར་ག་ལ་འགྱུར་ཞེས་བྱས་ནས། གལ་ཏེ་དེ་ལྟ་བུས་ཀྱང་མི་འཁྲུག་མི་གཡོ་ན། བདུད་སྡིག་ཅན་གྱིས་ས་ཕྱོགས་དེ་ཉིད་དུ་དགེ་སློང་དག་མངོན་པར་སྤྲུལ་ནས་
D12.033.0182b03.01འདི་སྐད་ཅེས་ཟེར་ཏེ། འདི་ལྟར་དགེ་སློང་དགྲ་བཅོམ་པ་ཟག་པ་ཟད་པ་གང་དག་ཡིན་པ་འདི་དག་ནི་བྱང་ཆུབ་ཏུ་ཞུགས་པར་གྱུར་པ་ལས་ད་ལྟར་དགྲ་བཅོམ་པ་ཉིད་ཐོབ་ཅིང་དགྲ་བཅོམ་པ་ཉིད་ལ་གནས་པ་ཡིན་ན། ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་
D12.033.0182b04.01ག་ལ་འགྱུར་ཞེས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་དེ་སྐད་བཤད་དེ་སྐད་བསྟན་ཀྱང་སེམས་མི་འཁྲུག་མི་གཡོ་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གཟུང་བར་བྱའོ། །
D12.033.0182b05.01གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟ་བུའི་འབྲལ་བར་བྱེད་པའི་ཚིག་རྣམས་གཞན་ལས་ཐོས་ནས་སེམས་ཆོས་ཉིད་ལས་ཡོངས་སུ་ཉམས་པར་མི་འགྱུར་དེའི་ཡིད་ཕྱིར་ལྡོག་པར་མི་འགྱུར་དེའི་སེམས་གཞན་དུ་མི་འགྱུར་ཞིང་བདུད་ཀྱི་ལས་དེ་དག་ཐམས་ཅད་དེ་ལྟར་ཤེས་ན་
D12.033.0182b06.01རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་དེ་ལྟར་ཕ་རོལ་ཏུ་ཕྱིན་པ་དག་ལ་སྤྱོད་པ་དེ་དག་ཐམས་ཅད་མཁྱེན་པ་ཉིད་མི་འཐོབ་པར་འགྱུར་བ་འདི་ནི་གནས་མ་ཡིན་ཞིང་གོ་སྐབས་མེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སྤྱོད་ཅིང་དེ་ལྟར་སློབ་སྟེ་དེ་
D12.033.0182b07.01