完整藏文原文 · 德格版页 当前仅加载第 33 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་ཀྱི་སེམས་དང་རང་སངས་རྒྱས་ཀྱི་སེམས་མི་སྐྱེའོ། །དེ་ཚེ་འཕོས་ན་ཡང་འདི་སྙམ་དུ་སེམས་ཏེ་བདག་ནི་མངོན་པར་རྫོགས་པར་འཚང་མི་རྒྱ་བར་མི་འགྱུར་ཏེ། བདག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ་སྙམ་ནས་ད་རང་གི་ས་ལ་གནས་ཤིང་དེ་གཞན་གྱི་
D12.033.0186b01.01དྲིང་མི་འཇོག་པར་འགྱུར་རང་གི་ས་ལ་མི་བརྫི་བར་འགྱུར་རོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་མི་འཕྲོགས་པའི་སེམས་དང་མི་འཕྲོགས་པའི་ཡེ་ཤེས་ཀྱིས་གནས་པ་དང་ལྡན་པར་འགྱུར་བའི་ཕྱིར་རོ། །གལ་ཏེ་ཡང་བདུད་སྡིག་ཅན་སངས་རྒྱས་ཀྱི་ཆ་བྱད་ཀྱིས་ཉེ་བར་འོངས་ཏེ་དེར་ཉེ་བར་འོངས་ནས་
D12.033.0186b02.01འདི་སྐད་ཟེར་ཏེ་ཁྱོད་འདི་ཉིད་དུ་དགྲ་བཅོམ་པ་ཉིད་མངོན་སུམ་དུ་གྱིས་ཤིག་ཁྱོད་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མ་བསྟན་ཏེ། རྣམ་པ་གང་དག་དང་རྟགས་གང་དག་དང་མཚན་མ་གང་དག་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་
D12.033.0186b03.01པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་རྣམ་པ་དེ་དག་མེད་རྟགས་དེ་དག་མེད་མཚན་མ་དེ་དག་མེད་དེ་དག་ཡོད་པ་མ་ཡིན་ན་ཅི་ཁྱོད་དེ་ལ་སྤྱོད་དམ་ཞེས་ཟེར་ལ། གལ་ཏེ་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་གཞན་དུ་གྱུར་ན། རབ་འབྱོར་བྱང་ཆུབ་སེམས་དཔའ་
D12.033.0186b04.01སེམས་དཔའ་ཆེན་པོ་འདི་ནི་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མ་བསྟན་པར་རིག་པར་བྱའོ། །གལ་ཏེ་ཡང་འདི་སྙམ་དུ་ཀྱེ་མ་འདི་ནི་བདུད་སྡིག་ཅན་ཡིན་ཏེ་སངས་རྒྱས་ཀྱི་ཆ་
D12.033.0186b05.01བྱད་དུ་མངོན་པར་སྤྲུལ་ནས་འོངས་པ་འམ་བདུད་ཀྱི་བྱིན་གྱིས་བརླབས་པའམ་བདུད་ཀྱིས་སྤྲུལ་པ་ཞིག་ཡིན་ཏེ། འདི་ནི་དེ་བཞིན་གཤེགས་པ་མ་ཡིན་ནོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཅི་སྐད་གསུངས་པ་དེ་ནི་དེ་བཞིན་ཏེ། གཞན་དུ་མ་
D12.033.0186b06.01ཡིན་ནོ་ཞེས་སེམས་སམ། གལ་ཏེ་དེ་འདི་སྙམ་དུ་སོ་སོར་རྟོག་ཅིང་འདི་སྙམ་དུ་སེམས་ཏེ་ཀྱེ་མ་འདི་ནི་བདུད་སྡིག་ཅན་གྱིས་སངས་རྒྱས་སུ་བྱིན་གྱིས་བརླབས་ཏེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་དབྲལ་བར་འདོད་དོ་སྙམ་ལ། རབ་འབྱོར་གལ་ཏེ་བདུད་སྡིག་ཅན་ཕྱིར་ལོག་ན་
D12.033.0186b07.01