完整藏文原文 · 德格版页 当前仅加载第 33 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
བསྔོ་ཞིང་སེམས་དེ་སྐྱེད་པ་ན་ཅིག་དངོས་པོ་དེ་དག་དང་དམིགས་པ་དེ་དག་དང་རྣམ་པ་དེ་དག་ཅི་ལྟར་མཚན་མར་བྱས་པ་དེ་བཞིན་དུ་དམིགས་སམ། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་གནས་བརྟན་ཚེ་དང་ལྡན་པ་རབ་
D12.033.0078a01.01འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར་དངོས་པོ་དེ་དག་དང་དམིགས་པ་དེ་དག་དང་རྣམ་པ་དེ་དག་ཅི་ལྟར་མཚན་མར་བྱས་པ་དེ་བཞིན་དུ་མི་དམིགས་སོ། །དེ་སྐད་ཅེས་སྨྲས་པ་དང་། གནས་བརྟན་ཚེ་དང་ལྡན་པ་རབ་འབྱོར་གྱིས་བྱང་ཆུབ་སེམས་དཔའ་སེམས་དཔའ་ཆེན་
D12.033.0078a02.01པོ་བྱམས་པ་ལ་འདི་སྐད་ཅེས་སྨྲས་སོ། །གལ་ཏེ་དེ་དངོས་པོ་མེད་པ་དང་དམིགས་པ་མེད་པ་ལ་དམིགས་པར་བྱེད་ཅིང་མཚན་མར་བྱེད་ན་ཅི་ལྟར་འདི་འདུ་ཤེས་ཕྱིན་ཅི་ལོག་པ་དང་སེམས་ཕྱིན་ཅི་ལོག་པ་དང་ལྟ་བ་ཕྱིན་ཅི་ལོག་པར་མི་འགྱུར། དེ་ཅིའི་ཕྱིར་ཞེ་ན། འདི་ལྟར་འདོད་ཆགས་
D12.033.0078a03.01ཀྱང་དངོས་པོ་མེད་བཞིན་དུ་མི་རྟག་པ་ལ་རྟག་པ་དང་སྡུག་བསྔལ་བ་ལ་བདེ་བ་དང་བདག་མེད་པ་ལ་བདག་དང་མི་སྡུག་པ་ལ་སྡུག་པར་རྣམ་པར་བརྟགས་ཤིང་ཀུན་ཏུ་བརྟགས་ནས་འདུ་ཤེས་ཕྱིན་ཅི་ལོག་པ་དང་སེམས་ཕྱིན་ཅི་ལོག་པ་དང་ལྟ་བ་ཕྱིན་ཅི་ལོག་པར་འབྱུང་ངོ་། །གཞན་ཡང་
D12.033.0078a04.01དངོས་པོ་ཅི་ལྟ་བ་དང་དམིགས་པ་ཅི་ལྟ་བ་དང་རྣམ་པ་ཅི་ལྟ་བ་བཞིན་དུ་བྱང་ཆུབ་ཀྱང་དེ་བཞིན་སེམས་ཀྱང་དེ་བཞིན་ཡིན་ན་དེ་ལྟ་ན་ཆོས་ཐམས་ཅད་དང་ཁམས་ཐམས་ཅད་ཀྱང་དེ་བཞིན་ནོ། །གལ་ཏེ་ཡང་དངོས་པོ་ཅི་ལྟ་བ་དང་དམིགས་པ་ཅི་ལྟ་བ་དང་རྣམ་པ་ཅི་ལྟ་བ་བཞིན་དུ་བྱང་ཆུབ་ཀྱང་
D12.033.0078a05.01དེ་བཞིན་སེམས་ཀྱང་དེ་བཞིན་ཡིན་ན། དེས་ན་དངོས་པོ་གང་དག་དང་དམིགས་པ་གང་དག་དང་རྣམ་པ་གང་དག་གིས་སེམས་གང་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་པའམ། རྗེས་སུ་ཡི་རང་བ་དང་ལྡན་པའི་བསོད་ནམས་བྱ་བའི་དངོས་པོ་གང་
D12.033.0078a06.01ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་གང་དུ་ཡོངས་སུ་སྔོ་བར་བྱེད། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་ཚེ་དང་ལྡན་པ་གནས་བརྟན་རབ་འབྱོར་ལ་འདི་སྐད་ཅེས་སྨྲས་སོ། །འཕགས་པ་རབ་འབྱོར་འདི་ནི་ཐེག་པ་ལ་གསར་དུ་ཞུགས་པའི་
D12.033.0078a07.01