完整藏文原文 · 德格版页 当前仅加载第 33 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
མཉམ་པ་མེད་པ་མི་མཉམ་པ་དང་མཉམ་པ་དཔེ་མེད་པ་དཔག་ཏུ་མེད་པ་དེ་བཞིན་གཤེགས་པའི་ཡང་དག་པ་ཅི་ལྟ་བའི་ཡེ་ཤེས་ཀྱི་སྟོབས་གང་ཡིན་པ་དང་སྟོབས་ཀྱི་ནང་ན་སངས་རྒྱས་ཀྱི་ཡེ་ཤེས་ཀྱི་སྟོབས་གང་ཡིན་པ་དང་། སངས་རྒྱས་ཀྱི་ཡེ་ཤེས་དང་གཟིགས་པ་
D12.033.0077a01.01གང་ཡིན་པ་དང་། སྟོབས་བཅུའི་ཕ་རོལ་ཏུ་ཕྱིན་པ་གང་ཡིན་པ་དང་། མི་འཇིགས་པ་བཞི་མཆོག་ཏུ་ཡོངས་སུ་རྫོགས་པར་ཁོང་དུ་ཆུད་པ་གང་ཡིན་པ་དང་། ཆོས་ཐམས་ཅད་དོན་དམ་པར་མངོན་པར་སྒྲུབ་པས་ཆོས་ཁོང་དུ་ཆུད་པ་གང་ཡིན་པ་དང་། ཆོས་ཀྱི་འཁོར་ལོ་རབ་ཏུ་
D12.033.0077a02.01བསྐོར་བ་གང་ཡིན་པ་དང་། ཆོས་ཀྱི་སྒྲོན་མ་ཐོགས་པ་དང་ཆོས་ཀྱི་རྔ་རྡུང་བ་དང་ཆོས་ཀྱི་དུང་འབུད་པ་དང་ཆོས་ཀྱི་དུང་སྒྲོགས་པ་དང་ཆོས་ཀྱི་རལ་གྲི་འདེབས་པ་དང་ཆོས་ཀྱི་ཆར་འབེབས་པ་དང་ཆོས་ཀྱི་མཆོད་སྦྱིན་སྦྱིན་པ་དང་ཆོས་ཀྱི་སྦྱིན་པས་སེམས་ཅན་ཐམས་ཅད་ཡང་དག་པར་ཚིམ་
D12.033.0077a03.01པར་མཛད་ཅིང་ཡང་དག་པར་སྟོབས་པ་དང་། གང་ཡང་ཆོས་བསྟན་པ་དེ་དག་དང་སངས་རྒྱས་ཀྱི་ཆོས་རྣམས་སམ་རང་སངས་རྒྱས་ཀྱི་ཆོས་རྣམས་སམ་ཉན་ཐོས་ཀྱི་ཆོས་རྣམས་ལ། གང་དག་བཏུལ་བ་དང་བསླབས་པ་དང་མོས་པར་གྱུར་པ་དང་ངེས་པར་གྱུར་པ་དང་རྫོགས་པའི་བྱང་
D12.033.0077a04.01ཆུབ་ལ་གཞོལ་བར་གྱུར་པ་གང་དག་ཡིན་པ་དེ་དག་ཐམས་ཅད་ཀྱི་དགེ་བའི་རྩ་བ་གང་ཡིན་པ་རྣམས་དང་། སངས་རྒྱས་བཅོམ་ལྡན་འདས་དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་དེ་དག་གི་ཕ་
D12.033.0077a05.01རོལ་ཏུ་ཕྱིན་པ་དྲུག་དང་ལྡན་པའི་དགེ་བའི་རྩ་བ་གང་ཡིན་པ་རྣམས་དང་། གང་ཟག་རང་སངས་རྒྱས་ཀྱི་ཐེག་པ་ཅན་གང་དག་རང་སངས་རྒྱས་ཀྱི་བྱང་ཆུབ་ལ་ལུང་བསྟན་པ་དེ་དག་ཐམས་ཅད་ཀྱི་དགེ་བའི་རྩ་བ་གང་ཡིན་པ་རྣམས་དང་། གང་ཟག་ཉན་ཐོས་ཀྱི་ཐེག་པ་ཅན་རྣམས་ཀྱི་སྦྱིན་པ་
D12.033.0077a06.01ལས་བྱུང་བའི་བསོད་ནམས་བྱ་བའི་དངོས་པོ་དང་ཚུལ་ཁྲིམས་ལས་བྱུང་བའི་བསོད་ནམས་བྱ་བའི་དངོས་པོ་དང་བསྒོམས་པ་ལས་བྱུང་བའི་བསོད་ནམས་བྱ་བའི་དངོས་པོ་གང་ཡིན་པ་དང་། སློབ་པའི་ཟག་པ་མེད་པའི་དགེ་བའི་རྩ་བ་གང་ཡིན་པ་རྣམས་དང་། མི་སློབ་པའི་ཟག་པ་མེད་
D12.033.0077a07.01